نورهـان :اني اسمي نورهـان عمري ١٨سنه صف سادس علمي حلمي أگون دگتوره عائلتي متگونه من امي وابويه اني الوحيده لأهلي ومدلليني دلال مو طبيعي اني بغدادية
سيف:اني اسمي سيف عمري٢٤سنه من أطراف بغداد اني ابن عشائر والكل يحلفون بعشيرتنه عائلتي جداً كبيره راح وتتعرفون عليه بل بارت الجاي
.......سيف
اني جنت بلدوام (سيف ظابط) خابروني انو اخويه مات طبعاً اخويه متوقعين بأي لحضه يموت لان عده فتحه بل قلب
رحت ركض وممصدگ كلام اي احد مستحيل احمد يعوفني ويموت مستحيل ابو ضحكه الحلوه يروح من عدنه
ووصلت ولكيته ميت طبعاً احمد نسونجي بدرجه مو طبيعية نروح نعرف شلون مات احمد
....احمد
شفت بنيه ملاك مو بنيه العيون جوزيات وينطن ألوان بلشمس والحلگ وري ومنفوخ وشعر اسود مثل سواد الليل رحت اصجمهـا بس هي خزرتي وكتلها اموت ع خزرتج ممكن نتعرف وجان يجي ولد ضربني وتلازمنه وصار الي صار
......سيف
بعد ماعرفت شلون مات احمد قررت اخذ البنيه التحارش بيهـا وجنت سبب موته واعذبهـا واخليهـا تشتهي الموت
......نورهـان
جنت طلعه من الامتحان وشفت ولد إجه وصجمني اني خزرته وهوه ذب كلام إجه ابن عمي وتلازمنه وضربه وطاح الولد
وعرفنه مات لزمني اخويه وانهزمنا بس حارس المدرسه شاف كلشي وعرف منو واتصل بل اسعاف واجو اهـل الولد بل مشفى
......سيف
بعد انتهـاء الفاتحة قررنا نروح نهـد عليهم واجتمعنا مع عشيرتهـم وكلت اريد البنيه فصليه لو دم بل دوم هم عرضو فلوس بس اني مقبلت اله البنيه وضطرو يوافقون
......نورهـان
وره الحادث ب٣ ايام اجو أهل الولد هدو علينه وكالو لو ياخذوني فصليه لو دم بلدم اني من سمعت هيج اسودت الدينه بعيني راحت أحلامي وراح حلمي انو اصير دكتوره وحلم اتزوج واحد احبه وقررت أوافق لأجل ماصير بحور دم وتنكتل ناس مالهـا اي ذنب
#للكاتبه-نور-ياسر
رئيكم
