كن لي ♥️

البدايه

دا نتعشى ماما كل شويه اكلي بنتي ميصير هيج شنو مستحيه يعني بالبيت تاكلينا اكل بلسانج اي ماما والله دا اكل شتاكلين ولج احنا هنا احتمال اسبوع اسبوعين مو مال متاكلين اي ماما بصوت ناصي بس خلي نروح حته اباشر بالكليه مو بعد سبوع ميقبلوني شكد تكركين اكلي وانتي ساكته هسه منا الما نرجع الله كريم اي ماما وبداخلي دا اتكطع ع دوامي وياسمين بصفي كل شويه تبسني ونضحك بسكوت وبوقتها الدنيا لا صيف ولا شتى شهر 10 وبالهالوقت صارت احداث واتهجرنا من مناطقنا وطالعين لغير منطقه لبيت اقربائنا ....

أني أنين عمري 23 طولي حلو لاقصيره ولاطويله حنطيه ملامحي بارزه احلى شي بيا عيوني كولش تجذب وبوقتها جنت طالبه مرحله ثانيه وماخذه الحياه مغامره اني بطلتها مااهتم لليحجي عليا بزين او مو زين عايشه على مااريد

اتعشينا وكملنا ياسمين لمت المواعين لأن اني استحي اخوانها جانو كاعدين بعدهم واني رحت للمطبخ انتضرها حته نغسل المواعين ونكرك سوه اخوها الجبير بعمري وهو طالب معهد بغداد والثاني سادس اعدادي والوسطاني صديقي روح بالروح أوس
دا نغسل اني وياسمين ويجي اوس يضحكنا وشقا اني ويا الما نكمل هو بالسادس ابتدائي ههههه وكل شويه أنين دا انتظرج تكملين حته نسمع اني وياج اغاني ونخلي السماعات اني واوس وبعد منعرف بالدنيا شيصير ههههه تحجي ويايه ماما مااسمعها الا تصيح بيه
ها ماما وجع شنو طرشه لا ماما بس السماعات مدا اسمع كومي اريدج

ها ماما شكو اريدج تشتغلين ويا بنتهم عيب هسه شيكولون علينا كاعدين بيتنا وميسوون شي
اي ماما مو دا شوفيني اساعد نور بعد شسوي اي روحي ولاتبقين ويا اوس تكركرون اثكلي شويه
اهووو ماما قابل كاعده ويا ولدهم الكبار هو هذا صغير بكد ابني

اني حروح بعد اكو شي .....

لا بس مثل ما وصيتج ....
حاضر ماما تدلللين

دك الفون الوووو ها شلونج ادك عليج جهازج مغلق دكيت ع عمتي ماكو ضل بالي وينج
بكلبي اهوووووو هذا هم شيريد
زييييييييينه .....
مو الشبكه ضعيفه يمنا
هاااااا

ايييي
شوكت وصلتو ؟؟؟؟

اليوم الظهر ....
الحمد الله ع السلامه

الله يسلمك ....

اني راح اروح لأن بيت كرايبنا واستحي احجي
اوك يعني حتروحين

اي باي

باي

هذا خطيبي مشاعره بارده واني هم اصير ويا ابرد صارت خطوبتي منه غصب شكد حاولت
محبيته بالبدايه حاولت بس اهماله وبروده بعدني عنه هوايه