#قصص_كهرمانه
#القاضي_والمطلقه
البارت ٤٨
.................
ضي
ضي: كملي كلام مروه اريد اسمع قصتج
مروه: اني مريضه وابو ريسان يساعدني
ضي: مروه اريد افهم قصتج
مروه: اني مثل قصتج بس انتي حافظتي على نفسج
ضي: يعني شلون
مروه: اني جنت عايشه بدلال اني واخوي يزن ابوي صاحب حلال ومال يبيع ويشتري بلاراضي
ضي: مقاولات
مروه: اي وعشنا بضل ابونا ودللنا امي ماتت واني بلاعداديه ابوي زوجني حتى يعيش حياته ويزوج وخلاني بيت اني وزوجي ويزن وياي عايش
ضي: ليش
مروه: اني رفضت زواجه فهوه زوجني حتى يزوج وزوجته صغيره ويزن يستحي اجه يمي يعيش واني ويزن علاقتنا قويه وروح وحده الله يرحمه افقر رجال لايحقد ولايكره ولاياذي احد حتى الدوده ماياذيها يكول عليها خطيه جنت اتعارك وياه اريد اطلعه لوكته اعلمه على القساوه واللسان ماكو فايده
ضي: منو الاكبر انتي لو هوه
مروه: هوه اكبر مني ومكمل معهد ويشتغل بمكتب بابا بي مايعرف مجرد كاعد وبابا ينطي يوميته ومامقصر ويانه بابا واني ألم فلوسه حتى يزوج ويكون نفسه بنفسه
ضي: حياتكم حلوه بعد شلون نفس قصتي
مروه: لا بهلاثناء علاقتي ويه زوجي زفت يضربني مايعاملني معامله حلوه يشرب ويخوني والبنات الي تخلي عينها عليه تسويله عمل ومايحبني حتى تلعب نفسه اذا اتقربله او يتقربلي
ضي: اي
مروه: بابا خسر كل املاكه زوجته تركته لان على طمع وخطيه عافلنا بس البيت النا وانسجن ومااخذ البيت منا ردت ابيعه واطلع بابا ماقبل بابا بفلوس يزن الي لامتها طلعت بابا كفاله وكم شخص وفيناه حتى يتنازل وكعد يمي ماتحمل كم شهر وتوفى بسكته قلبيه يزن ماعنده شغل وزوجي مايصرف عليه بعنا البيت واشترينا اصغر وغيرنا المنطقه رجلي اخذ فلوسي باكها مني وخلاني افرفح بعنا البيت وأجرنا يم بيتنا القديم لان علاقتنا بلجيران قويه ويساعدوني بيزن وكلها تحبنا لان قبل اني وابوي وامي نساعد وننطي وسمعتنا حلوه بلمنطقه اني جنت باب الشارع مااشوفها بس ايام الدوام اطلع عمري مافكرت احب وانحب جنت الصبح اطلع وكصيبتي واصله لظهري وحلوه وحمره والكل يركض وراي ماانطي اهميه الهم وشفت نفسي حلوه قررت اتحجب واستر نفسي وامي تفرح بقراراتي دكولي ماينخاف عليج انتي عاقله وحبابه
ضي: الله يرحمها
مروه: المهم واحد من جيرانا شافلي شغل بشركه اهليه واني شاطره بلحاسبه كمت اشتغل واجتهد لان يزن مو كد الشغل خطيه
ضي: مريض يزن
مروه: تقريبا هيج شي لان فقير وبس ساكت ومايحجي قليل الكلام وابتسامة وجها ابد ماتفاركه
ضي: اوووي خطيه الله يرحمه قشعر جسمي مبين ابن اخره
كامت تبجي مروه عليه ونقهرت عليها
ضي: كملي مروه كلامج اريد اعرف ليش وصلتي لهذه المرحله
مروه: زوجي بلشهر يجي مره مرتين ومرات مايجي اني اسولف للموظفات وابجي ومقهوره منا يعني سوالف نسوان ووصلت قصتي لصاحب الشركه ومره صاحني طلبني بمكتبه كام يسولف وياي على اساس مقهور عليه وزوجج مايستحي وشلون يذبل هيج ورده مفتحه وسوالف كومه ويوميه نسولف وارتاح وياه بلكلام شوي شوي كام يطلب هوه يعوضني فهمت قصده رفضت وبعدت عنا هددني يفضحني يم الموظفين وابن منطقتي اني وياه بعلاقه غير شرعيه ويبطلني من الشغل وبليل يخابرني يبجي يحبني ولهذا يهددني ويكلي اطلكي منا واني ازوجج فرحت حسيت الدنيا رجعت تضحكلي وراح نعيش اني واخوي بلامان وزوج يحبني ويعوضني طلبت الطلاك من رجلي ورفعت عليه دعوه وهوه خلالي محامي بهلاثناء قنعني يتقرب مني
ضي: وانتي مزوجه😲
مروه: كذب عليه قنعني اذا زوجج هاجرج اكثر من ٣اشهر تعتبرين طليقته عند الله وكلي تعاي نتزوج بيني وبينج وزوجتك نفسي وزوجتكي نفسي وكام يتقربلي على اساس هوه زوجي
ضي: شهلخرابيط هذا كله حرام ومنو كلج مو زوجج وشنو طليقج عند الله المره حتى رجلها المختفي الها فتره ياله الها حق تطلك منا غيابي والي هاجرها من الفراش الها شروط وفتره وهم لازم تطلك منا سيد انتي جبيره وفاهمه وواعيه شلون نضحك عليج
مروه: عقلي مو براسي والمشاكل خانكتني ومااعرف الصح من الخطأ ووثقت بي لان خلالي محامي ويساعدني ويصرف علينا ويغار من زوجي ومن كل الموظفين ويخاف عليه ويبجي بواجي عليه
ضي: لادكولين مات
مروه: لا ياريت مات
ضي: لعد
مروه: صارت بينا علاقه حميمه اكثر من مره وبكثره خلال شهرين وشوي شوي يبتعد عني اتعارك وياه يعتذرلي بشغله بسوالف ماالها معنى واطلكت من رجلي فرحت هوه مختفي اسبوع طبعا هوه بطلني من الشركه وينطيني راتب واني كاعده بلبيت رحتله للشركه ابشره ونسولف ونتفق طردني وطلب مني فقط علاقه حميمه بدون زواج انقهرت وماعندي لافلوس ولا شغل والبيت اجار واطلكت من رجلي وتنازلت عن كل حقوقي اضطريت اوافق اكمل وياه بدون زواج علني زواج سري حتى اخوي مايدري
ضي: وزواج السري زواج كلاوات
مروه: اي هوه نفسه
ضي: هههههه مااستوعب شلون مصدكه
مروه: مره بليل اجه طليقي وموتني بسط لان اكتشف جنت اخونه بفترة طلاكي وبوقتها عشيقي موجود
ضي: عزه
مروه: طليقي مخابر يزن وسولفله عن خيانتي واجه يعد ويصف بلمنطقه وفضحنا فضيحه وكسر باب البيت ودخل عليه ويتعارك ويضاربون هوه وعشيقي وجيران ألتمت واني يافضيحة الفضيحه دخل يزن شاف اخته بوضع سخيف واثنين يضاربون وعشيقي بلشورت وملابسه وسلاحه على الميز اخذ يزن السلاح وضرب زوجي ركضت اريد اخذ المسدس ضرب عشيقي وماتوا اثنينهم بأيده والجيران ركضوا طلعوني ولزموا يزن ماضربني وياريت موتني اني
ضي: يمه صمله الرحمن سترك ربي هذا الفقير خطيه وكع بيها بسبب سوء تصرفج
ماتحملت نزلت دموعي على اخوها
نقهرت على قصتها غريبه
الي قهرني بلقصه قصة يزن الفقير الي مايستاهل هذا الشي
مروه: اخذوا يزن واني ماعليه اتهام لان زوجي وماكو اثبات اني خنت زوجي سابقا ومااكدر ارجع لمنطقتنا رغم الكل متعاطف وياي وكلهم ركضوا ليزن ومحامي خلوله ووكفوا وياه وماتركوا ابد واني ماعندي فلوس ولا الي عين اواجه الجيران واخوي بقيت بلشوارع الى ان اخذوني ووصلت لهذا الحال ومن رجال لرجال وفلوسي كلها حرام ومن لحمي الي اعرضه... وجنت اسوي المستحيل انام ويه مسئوليين وضباط حتى ماينقل يزن سجن ابو غريب وحتى يعتنون بي والكل يتمناني ليله وحده يمه صرت مشهوره ومااقبل ب أي واحد وسعري عالي وغاليه تفاجأة القاضي كدر على سعري وطلبني وربع ليله وعافني عرفته شكد شريف وعفيف ويخاف الله وماقبل يتقرب الي اله بلحلال بلاول ضحكت عليه بس من سمعت عنا وابو اسعد سولفلي عنا والتقيت بابنه ريسان عرفت اخلاقهم وطيبتهم وتجرأة وطلبت منا مساعده بس للاسف اخوي توفى ماتحمل عيشة السجن
ضي: وهسه
مروه: تمرضت وساعدني القاضي بس مااكدر اترك شغلي يكتلوني وحاولت ادخل القاضي حتى يخلصني بس اكتشفت ياذوا ورجعت لشغلي
ضي: ضياء ليش لحد الان يساعدج
مروه: لا ضياء يتعامل وياي
ضي: شلون
مروه: بصراحه طلبت منا اتزوجه ورفض لان مزوج ويحب زوجته وماقبل حتى زواج بلسر
ضي: ليش مخليج بلمزرعه
مروه: لان حياتي بخطر وبسببه حاليا بحمايته
ضي: ليش بخطر
مروه: هذا سؤال هوه يجاوبج عليه
ضي: اريد اسمع منج
مروه: زوجج يحبج ويخاف عليج
ضي: اثق بي اكثر من روحي بس مااثق بيج واعرف النسوان وكيدهن واخاف عليه ودليل انتي طالبه الزواج منا وماتقبلين اتركي بحاله
مروه: صح بس بعدين تركته وهوه طلبني اساعده
ضي: سولفيلي واني اساعدج واحميج
.........
