#قصص_كهرمانه
#القاضي_والمطلقه
البارت ٤٩
.....................
ضياء
حامد قبل فتره طلب يسولفلي بدون علم ضي
حامد: عمي اريدك بسالفه بدون علم ست ضي
ضياء: شنو الموضوع
حامد: سالفتين
ضياء: وهي
حامد: بصراحه وبدون زعل اني عندي علاقه ويه هناء اخت ضي
ضياء: شلون وشوكت
حامد: كم مره من رحتلهم وياك صارت نظرات بينا وعلاقه وحب
ضياء: يعني تريدها بلحلال
حامد: بصراحه بعدني
ضياء: حامد مااحب الخرابيط
حامد؛ لا عمي ماكو أي خرابيط بس هناء مؤدبه وخلوقه باخلاقه بس شي موزين بيها رعونه وطفره واريد اغيرها واعلمها تحب الناس وماتتعارك
ضياء: تقبل احد يحب اختك وعلاقه وياها
حامد: اذا نيته مثل نيتي اقبلها
ضياء: اني ماالي حق ادخل بس خلي ابالك اذا تلعب اني اول شخص اكون ضدك
حامد: هناء ناويه على شر ويه ست ضي واني جاي امنعها
ضياء: شلون يعني
حامد: تريد تعيش مثل حياتها بلخير والدلال
ضياء: يعني ماتحبك
حامد: بصراحه عمي حسيتها تريد تستغلني وتستفاد مني
ضياء: اذا تحس هذا الشي اني أمرك واجبرك تتركها ومااقبل علاقه وياها حتى اذا مو زينه انت لاتكسرها هذا عرض وشرف والشرف غالي واستر على بنات العالم يستر عليك ربك على شرفك
حامد: عمي مو هذه اخلاقي وانت تعرفني ومااضحك عليها بلعكس اخليها وياي حتى اوجها للطريق الصحيح
ضياء: هههه بهذا وكتنا قليل الي يصادق لاجل يوجهها للطريق الصحيح وابتعد حامد افضل
حامد: ماشي عمي
ضياء: الموضوع الثاني
حامد: انت طلبت مني اراقب مروه وراقبتها الك حاليا تلتقي بشخص اموره توب
ضياء: اي وشنو الجديد وشدخل ضي بلموضوع
حامد: الشخص الي تلتقي وياه مروه يصير زوج منال زوجة ابو ضي
ضياء: مستحيل ومروه شلون تعرفت عليه
حامد: عن طريق الصدفه وعلاقتها قويه بيه
ضياء: من شوكت مزوجه منال
حامد: بصراحه المشكله مو بزواجها الشخص الي مزوجته كارثه
ضياء: ليش منو
حامد ؛ من راقبته وشفته اكتشفت مزوج ومنال الزوجه الثانيه جنت شاك بي لان شايفه قبل بس من دخل لبيته الاول عرفته منو
ضياء: منو
حامد: عمي ابو نوح طليق ست ضي
ضياء: مستحيل ابو نوح
حامد: اي هوه وتاكدت
ضياء: ام ضي هم تلتقي بمنال
حامد: لا ماكو لا اتصالات ولا لقائات بينهم الظاهر ام ضي تركت القضيه وطلعت منها
ضياء: يعني مشكلتنا فقط ويه منال
حامد: اي
ضياء: مروه شلون تعرفه
حامد: عن طريق الصدفه وطالب اغلى بنيه يسهر وياها وصايره بينهم علاقه هوه ومىوه
ضياء: البيت الي تشتغل مروه بي بلغ عنا واولهم مروه
حامد: ماكو بيت ملهى ليلي وماالنا حق نبلغ عنا لان ماكو شي علني
ضياء: يعني مو بيت
حامد: لا ملهى
حامد: والمشكله الثانيه مروه ماتشتغل بلحرام
ضياء: شلون يعني
حامد: من انتحر اخوها لحد الان الي يريدها يزوجها ويطلكها بعدين
ضياء: ماكو هيج شنو هلشرف والعفه تلعبها صح مروه
حامد: داهيه مو مره
ضياء: اريد مروه واتناقش وياها على الموضوع
حامد رتب الاوضاع الي
وبعد ايام التقيت بمروه بلمزرعه
ضياء: اريد خدمه منج وتعبج يوصلج كامل مكمل
مروه
مروه: قاضي يطلب مني معقوله
ضياء: مروه اني طالب منج عمل خير ويكفر عن ذنوبج وفكري تصلحين نفسج بهذا العمل ويغفرلج اهواي ذنوب اذا ساعدتي يتامى
مروه: اذا يتامى اساعد ضياء انت ماتعرفني اني نص شغلي اساعد الفقراء ماشوف حتى علاجي مااكدر عليه لان ٥عوائل اني مسئوله عنهم واساعدهم وكل هذا الشي بثواب اخوي
ضياء: مايصير تساعدين بلحرام اذا انتي هيج شخصيتج مستعد اساعدج واوكف وياج وتتغيرين واني اتكفل اساعد الفقراء
مروه: موضوعي بعيد وعوفك مني وسولفلي شنو الي تريده مني
ضياء: تعرفين ابو نوح
مروه: زبون عندي وورده حباب وخوش انسان
صار كلام بينا وعرفتها على شخصيته
وسولفتلها قصته وقصة منال وزواج ابنه من ضي
وفهمتها الاملاك باسمه ونريد نحولها باسم ضي واخوتها
مروه: ههههههه واني اكول خوش رجال وهوه عشق مزوجه طلع اخلاقه مثل اخلاقي هههه صدك نكته
كلامها يضحك
تضحك على نفسها غير انسانه غريبه
احاول ماابينلها مبتسم او انطيها اهميه
شكلي عصبي وغاضب بكلامي
مروه: زين شسوي عبالك شريف ويرجع الاملاك
ضياء: اكيد لا بس اريد يتعلق بيج ويحبج ويزوجج والى ان تكدرين تقنعي او تهددي يكتب الاملاك باسمج
مروه: بشنو اهدده
ضياء: بزوجته الاولى وابنه واخوت منال وكلهم يقتلوا اذا يعرفون بقصته وايضا بمنال نهدده
مروه: ماشي سهله
ضياء: حامد يفهمج اكثر ووياج ويساعدج
مروه: وشنو اتعابي
ضياء: الي اطلبي اني حاظر
مروه: بصراحه الي اطلبه مكان شريف محد يطردني منا واعيش مرتاحه وراتب بسيط اكدر اكل والبس منا
ضياء: ماشي
مروه: وطلب ثاني
ضياء: شنو
مروه: اتمنى تتكرر اليله وياك احلى رجل نمت وياه هوه انت
صدمتني بكلامها واسلوبها
ضياء: شي مستحيل واترخص والولد ان شاء الله يوصلوج
تهربت منها حتى مااضعف ولا اخون ضي
وتذكرت ضي
رجعت للبيت واتصلت على ضي
اخذتها للبيت الصغير
واشتياقي وشوقي فقط لضي
لكن ضي ذكيه
نايمه بحضني وسألتني
ضي: ضياء
ضياء: ها حبيبي
ضي: اليوم غريب اكو شي
ضياء؛ مثل كل مره بلبيت صغير واتقربلج
ضي: مااعرف حسيت شي غريب لعد انت ماتدري
ضياء: شنو
ضي: احبك بجنون لدرجة احس الي بداخلك شنو ماشنو
ضياء: ههههه بصراحه اليوم مشتاقلج غير شي ماكو
ضي: اوك راح اقنع نفسي
بقت تستجوبني وتضحكني
ضي حلوه حلوه بأحساسها وتصرفاتها ومشاعرها
مستحيل اخونها
مرت الايام وكل فتره اسال حامد على قصة مروه
الامور ماشيه مثل مااني اريد
بهلفتره مشاكل زوجة ريسان
ضي بشهر الثامن بحملها
قبل المشكله بايام حامد بلغني بموضوع
حامد: عمي ابو ريسان جنتك زوجة ريسان تصير صديقة هناء
ضياء: شنو يعني وين لكتها هناء لسناري
حامد: هناء شايفتها ويه ضي وعرفت زوجة ريسان وتعرفت عليها وصادقتها بدون علم ضي
ضياء: اي
حامد: وتتقرب منها وهسه حاليا جاي تقره براس سناري وتحقدها على ضي
ضياء: بخصوص شنو
حامد: هناء مابلغتني ماتقبل تسولفلي حريصه وياي
ضياء: ليش
حامد: بصراحه ضي عرفت بعلاقتنا وضي جاي تمنع هناء من علاقتي اني وياها وواكفه بطريقي ويوميه ست ضي تتعارك وياي
ضياء: ليش مابلغتني من البدايه
حامد: مااريد اشغل بالك
ضياء: شوكت ضي سولفت وياك
حامد: قبل فتره طلبت اترك اختها
ضياء: اترك هناء حامد ولاتستمر وياها واكبر غلط علاقتك وياها
حامد: عمي علاقتي لا اضحك عليها ولا العب وياها وقسم بالله محافظ على البنيه
ضياء: اعرف اترك علاقتك واني طلبت منك تترك هناء
حامد: هناء لعبها صعب
ضياء: هذه طفله وسوالف بنات ماكو شي صعب
حامد: احس امها تعلمها تهجم بيت ست ضي
ضياء: لا مو لهلدرجه وحامد اترك هناء واخر مره اطلب منك تترك هناء
بعد ايام وصارت مشكلة سناري وتهمت ضي
نقهرت وعرفت هناء بلموضوع
توقعت ضي فهمت وسكتت لان اختها بلموضوع
سالتها استجوبتها ضي فهمتني خطأ
ماقبلت تسولفلي عن علاقة هناء وحامد
بلاول اعتقدت سناري تتهم ضي ويه حامد
لان تسولف وياه بخصوص هناء
واعتقدت ضي ح تعترفلي وتسولفلي عن قصة حامد وهناء
لكن بقت ساكته وحافظت على سر اختها
عدت الايام وكل فتره اسال حامد
بلغني ترك هناء وماكو علاقه بينهم
فهمت هناء راح تنتقم اكثر
خفت على ضي
اثناء المشكله بلغت ريسان بخصوص علاقة سناري وهناء
وتاكدت سناري على فطارتها تهمت ضي
وسبب هناء
قررت ارجع سناري لاجل اطفالها
بمناسبة ولادة سامر وطهوره
احس البنيه رقيقه وهادئه وفقيره
بس اكو الي يدفعها
قبل طهور سامر بيومين
دخل ريسان طلبني حامد يريدني
طلعت لحامد
حامد: عمي مروه تريدك
ضياء: ريسان تعال وياي
ريسان: وين
اخذته وبلطريق فهمته على قصة مروه وابو نوح
التقيت بيها بلمزرعه
بلغتني تزوجت وبده يثق بيها
فهمتها التقت بيه لاجل تريد تتقربلي
بعدها طلعت
ريسان: حجي مروه مو راحه ولاتهدم حياتك
ضياء: مو مروه تهدم حياتي الله يصلحها ويغيرها
ريسان: شنو هسه تسوي
ضياء: باجر اريد نروح للحله ونتناقش ويه حسن ابو اكرم
ريسان: بخصوص شنو
ضياء: سناري رجعت للبيت ولازم نبلغ حسن عن افعال بنته هناء وهوه انسان أدمي يكدر يغير بنته ويوكفها عند حدها وتبتعد عن زوجتك
ريسان: شهلطركاعه مو نسوان كارثه الله ساتر من جيل القادم
ضياء: الله كريم
ريسان: راجع للبيت
ضياء: اني طالع للمحامي اتفق وياه بخصوص اتفاق العقد بيني وبين مروه
ريسان: ماشي
ثاني يوم تكاتبنا اني ومروه بلمحكمه واوراق رسميه لاجل اضمن حقوق املاك ابو ضي
والظهر طلعنا اني وريسان للحله
حسن: يا اهلا وسهلا بيكم
ضياء: اليوم اجيناك بموضوع عائلي
حسن: ضي بيها شي
ضياء: لا بلعكس اولا اعزمك باجر على طهور سامر واتمنى تحظرون ضي تفرح بيكم
حسن: بصراحه عندي شغل بس ادز اخوتها
ضياء: ماشي والموضوع الثاني يخص هناء
حسن: شبيها هناء
ريسان: المشكله الاخيره بين ضي وابوي سببه هناء وايضا مشكله اني و زوجتي ايضا سببه هناء
حسن: شلون يعني
ضياء: هناء تهمت اختها زور كدام زوجة ابني على اساس ضي عدها علاقه غير شرعيه وتخوني
حسن: شنو مامعقوله😲
وللحكايا بقايا
اعرف بارت قصير بس امتحاني 😭
وبكرا اعذروني اذا اتاخر بلنشر
لان عندي سفر وامتحان😭 وبلكه بليل اكتبلكم وانشر
