مثل نيسان بتبلش بكذبه

رملات البحر

شمس , بحر كبير , هدوء , بعيد عن الناس وحكيهم , متخيلين قديش حلو هالمكان؟ قديش حلو تبعد عن كلشي بدايقك , قديش حلو توقف قدام البحر وتشكيلو همك , ممكن يكون هو الشي الوحيد الي سامعني وعارف شو في بقلبي , لأنو كل فترة وفترة بيجي لعندو وما بتركو اي بعترف ما بتبادل أطراف الحكي معي بخليني أحكي لحالي , بس بكفي أمواجو المتحركة بطريقة عجيبة , بتعطي راحة كبيرة وكأنها بتقول أرمي همك لعندي , شوي تلفوني عم يرن ,,

"وينك من الصبح طلعتي ؟"

رديت وحكيت " أمي حبيت أطلع اتمشى شوي "

حكت امي " لك وين رايحة من ع الصبح ؟ نيسان احكي الصدق عم تلتقي مع حد وما بدك يانا نعرف ؟

نيسان : امي شو عم تحكي

امي : نيسان مين هو احكي !

نيسان : لك إمي بكفي بكفي كل مرة وبكل طلعة نفس الشي , مو الكل متل زوجك ما تخافي , لك وثقي فييي تعبت من شكوك هاي خلص انا رح سكر وما تتصلي لأنو ما رح رد يلا باي .

كملت نيسان ركد ع الشط جمب البحر حطت السماعات بأدنيها وعلت الصوت ع الآخر ومشيت ..وقررت تروح لمكان بعييد بدها تهرب من العالم لمكان أبعد وأبعد من هاد المكان الي هي في , ضلت عم تركد لحتى شافت حد من بعيد عم يلوح بأيدو وعم ينادي شالت السماعة من أندنها وكملت ركد لقربت منو ..

كان شب طويل ..أسمر وعيونو ع لون البحر ..شعرو عم يطير مع الهوا ..واضح انو تعبان كتير ..مو لابس ع صدرو ..وبنطلون مزع وملطخ بالرمل

قربت نيسان لعندو وطالت من شنتتها شوية مصاري ومدتلو ياهم ..

طلع عليها نظرة غريبة كأنو مو فهمان شي ,

بعد فترة من الصمت حكا : شو عم تعملي ؟

نيسان : متل ما عم تشوف , حبيت ساعدك يعني ,

حكا ونبرت صوتو عم ترتفع وكأنو الشي دايقو : هيك بتساعدي الناس يعني ؟

نيسان طلعت علي من فوق لتحت وحكت : الي متلك هيك بساعدهم .

ضحك الشب ضحكه سخرية وحكا : بدك تساعديني جد؟

نيسان : كنت بدي ساعدك بس بما انك هيك شلت الفكرة من راسي ,

الشب : ازا بتقدري تساعديني لو سمحتي !

نيسان : اي احكي ..

الشب : بتقدري تساعديني بشي واحد وهو انك تروحي من هون بسرعة ..لف وجهو وحكا بصوت واطي : ناس آخر زمن ..

نيسان حطت المصاري بشنتتها وحكت : اي متل ما بدك ..

وضلت ماشية

سمعت صوتو عم يحكي : بقدر أتصل من موبايلك ؟

لفت وجهها علي كان عم يطلع ع الارض وعم يحك برقبتو ..

ضحكت وقربت لعندو ..

وحكت : اي معي تفضل "مدتلو الموبايل "

مسك الموبايل من أيدها وسحبتو بسرعة وحكت وهي عم تهز راسها : لا لا .. لازم تعتزر أول ..

الشب تغيرت ملامح وجهو وحكا : لك.. انا ما فيي عقل عشان هيك طلبت منك ..خلص عتبري اني ما طلبت يلا امشي ..

نيسان وهي عم تضحك : اي شبك عم نمزح ليش عصبت .."رجعت مدت الموبايل وعطتو يا"

مسك الموبايل وهو متردد ..

نيسان : لك خلص خدو ورن ..

رن من موبايلها وحكا : لك سند هاد انا , تسألش ما ضل شي ما صار فييي , لا لا شو دخل لمياء , هلأ وانا جاي خربت السيارة ع الطريق وبتعرف الطريق مقطوعة ما في حدا وحاولت زبطها وتعال شوف كيف صرت زي الي عم يشحدو "وطلع ع نيسان نظرة وهي نزلت راسها للأرض "

وفوق عن كل هيك الجو شوب كتير رح طق الي شي تلت ساعات هون والموبايل ما عرف يخلص شحنو غير لما شاف السيارة طفت ..يلعن حظي ..ماشي ماشي اي منيح تعالو ..

خلص من الموبايل وعطا لنيسان ..

وحكا : شكرا .. انا لو ما طلعتي بطريقي كان .. ما بعرف شو رح أعمل ..بجوز كان نمت هون ..

نيسان : اي بتكون أكبر محظوظ ازا نمت بهيك مكان ..

الشب : محظوظ؟

نيسان : مين بصحلو ينام وقدامو لوحة الجمال هاي ..بحر وشمس ..وهدوء

الشب : بكره البحر ..

نيسان : في حد بكره البحر؟

الشب : انسي انسي ..اي انا بكون غيث "ومد ايدو "

نيسان مدت أيدها وسلمت علي وحكت : وأنا نيسان .

نيسان : ايي انا صار لازم أمشي ..فرصة سعيدة ..وبتمنى يجو بأقرب وقت ..قبل ما ياكلك البحر "وضحكت ضحكة سخرية "

غيث نزعج من جملتها وحكا : الله معك ..

كملت نيسان طريقها ..وبعد شوي وصلو صحاب غيث وراح معهم ..بهاد الوقت كانت نيسان عم تحارب لتخلص من لسان إمها ..