في بلـد من البلـدآن لآ أطمـح في ذكر أسمـه .
في الـمتيـم الساعة 8:00 صـ
غرفة بنية اللون عليها مرآة متوسطـة الحجم وتلفاز صغير
باب للحمـام ورفوف عليها كتب الدراسة والبعض منها للقراءة
سريرين باللون البنفسجي وعليهما فرش رمادي اللون
كبت بنفسجي وباقي الأمور الموجودة في أي غرفة عادية
... ... ... ... ... ... ... ... ...
كانوا إثنينهم يطالعون بعض ما ناموا طول الليل بسبب يلي وصلهم ويلي شافوه
لين رفعت ناظرها بخوف : جمانة والحين ؟.
جمانة ابتسمت تهديها : تلاقين واحد من شباب الميتم يسوي فينا مقلب
لين ابتسمت براحة : كذا رأيك .!؟
جمانة هزت راسها بموافقة وهي نفسها مو مقتنعة بالموضوع
لين طاحت عـ السرير بتعب : والله لو كان مقلب منهم فـ صراحة مارح ابهدلهم
جمانة بإستغراب : وليش .؟
لين بضحكة : لأنهم ضبطوها صراحة كان قلبي بيوقف
جمانة ابتسمت : صح والله
لين ناظرت الرسالة بـ عدم راحة : تصدقين
جمانة ناظرتها وابتسمت : شو
لين تنهدت بعمق : ما اظن انه مقلب
جمانة ابتسمت لها : ليونه خلاص لا تهلوسين
لين سحبت الرسالة من يد جمانة وفتحتها بوجها : شوفي هذي ممكن تكون رسالة من الشباب ؟؟
هذا مستحيل يكون خط واحد منهم هذا خط خطاط مو ولد عادي وانتي عارفة الأولاد يلي عندنا
خطهم مثل شكلهم وكمان الدم يلي على الرسالة
انا وانتي خلصنا ثانوية بـ نسبة 94% وكنا ناوين ندرس طب
يعني احنا نفرق بين الدم الحقيقي والمزيف
جمانة عرفت انها بــ تجرحها بس لازم تنسيها سالفة الرسالة ويلي صار امس : أي انتي قلتيها ناوين
بس ما رح ندرس ومارح ندخل جامعة واحنا مو متأكدين اذا هو دم حقيقي وله لا لأنه احنا ما درسنا طب
لين لمن تذكرت عورها قلبها ودموعها تجمعوا فـ عيونها
قامت بسرعة ودخلت الحمام وقفلت عـ روحها
جمانة غمضت عيونها بقوة وطاحت عالسرير : آخ ليه سويت كذا
وبدأت تتذكر كلام مدير الميتم .
.........................................
...................
........
...
.
أنتوا صحيح جبتوا نسبة عالية بس انتوا عارفين القوانين الدراسة الجامعية للشباب
مو للبنات احمدوا ربكم ان احنا خليناكم تدرسون بالثانوية بس عشان تعرفون تربون عيالكم
وأعيد وأكرر الشغل والدراسة الجامعية للشباب وبس
.
...
........
...................
.........................................
هالكلام ما كان لها هي ولين بس كان لـ نص البنات بالمتيم يلي جابوا نسب عالية
حتى أعلى من الشباب
ومن ذاك الوقت لين تدمرت نفسيتها لأنها تعبت حيل وكانت تبي تثبت نفسها
بس ما سنحت لها الفرصة كانت تبي ترفع راس امها وابوها وهم تحت التراب
بس المدير حرمها هالفرصة
جمانة صفعت نفسها بقوة : ليتني ما تكلمت
قاطعها خروج لين وعيونها محمره من البكي : احم انا رايحة افطر تجين
جمانة عورها قلبها زيادة وركضت لها وحضنتها بقوة
جمانة بألم : انا أسفة
لين ابتسمت : عادي حبيبتي مو مشكلة
جمانة بعدت عنها وبحزم : سمعي والله نسبة 94% نسبة مره عالية حرام علينا نفوتها
لين بألم : وشو نسوي يعني
جمانة ابتسمت وبحزم : نهرب
لين فتحت عيونها وفمها : تستهبلين يا اختي
ابتسمت جمانة عـ كلمة ( أختي ) : لا ما استهبل
لين لفت عنها : اقول انتي عايشة بالدنيا مو بـ فلم او رواية عشان تهربين وتعيشين
وشكلك نسيتي الرسالة يلي وصلتنا أمس والدم يلي عليها ويلي صار بعد امس
انا مو مستعده اموت
وطلعت من الغرفة وقفلت الباب وراها
جمانة جلست عالسرير ومسكت الرسالة وبألم بدأت تقرأها
