حادثه من حياتي🔞(مكتمله)

آلبہآرت الاخير🍭🍬

خديجه💔🍯

من طلعت سيله وراحت للمخزن واني الخوف اكلني اكل احس اكو شي راح يصير والفار كام يلعب بعبي

وخطيه ترف بس تبجي وتدعي

وبرق لازمه القرءان وتقره ودموعها عشره عشره

واني شايله ابني الصغير اروح منا واجي منا افتر بالغرفه

وره تقريباً ربع ساعه تقربت يم الشباك وفتحته شفت اكو دخان جاي يطلع من الكاع مالتنه كمت اصيح

"الكااع احتركت الكااع احتركت"

ام خديجه
"ابوو خديجه الحك ابو خديجه"

"شكو يامره شصاير"

"الكاع احتركت يابو خديجه الكاااع احتركت"

"انا غلام ابوي"

فز ابو خديجه من مكانه وراح هوه واخو ورسول للكاع والنسوان كله طلعت تركض

برق
"يمه بس لاسيليا يصير عليه شي"

ترف
"لاتخافين الكاع بعيده عن المخزن"

خديجه
"يلا يابنات خل نروح نطفي الكاع وياهم"

طلعن خديجه وترف وبرق يركضن للكاع والعشائر كله انكلبت لان هاي كاع بيت الشيخ والناس تطفي وماكو ومالحكو ولا على دونم واحد الكاع والمزروعات البيهه كله تلفت وابو خديجه وابو ترف يتحسرون على كاعهم الراحت صارلها سنين عدهم ورثوها من ابوهم وهسه راحت

والنسوان كامن يدكن على راسهن وبواجي ونحيب

وترف وخديجه هم كامن يبجن
بس برق مصدومه بعدها وخايفه على اختهه

ترف
"خديجه تذكرين خديجه من جانن امهاتنا زعلانات عد اهلن وجنه اني وياج والبنات كل مانضوج نجي للكاع بحجة نجيب حشيش للهوايش ونكعد نسولف ونتسامر"

خديجه
"اي يااختي اي ليش هيه الايام تنسي هاي مو بس كاعنا لا هاي روحي ياما لعبنه وياما حشينه هيه جنتي من الدنيا شوفيه شوفيه شلون صارت رماد"

برق
"كافي يابنات الله يعوضكم ان شاءالله"

خديجه
"اوووف ياكلبي اوووف"

ابو خديجه
"يلا يانسوان يلا الدنيا نص اليل والكاع راحت بعد خل نرجع لبيوتنه وان شاءالله نرجعها احسن من قبل يلا امشونه بويه"

رجعو الكل للبيت وام خديجه وام ترف يذبن حجي على برق

ام ترف
"اي ياخيه كاعنه احتركت والناس كله ملتمه واكو بعض الناس منه وبينه نايمين على اذاناتهم"

عود تقصد على سيليا

ام خديجه
"جا خيه هنه شعليهن اهم شي ياكلن وينامن بلاش"

برق

عرفتهن يقصدن على اختي سيليا ماهتميتلهن ورحت صعدت فوك وافكر بسيليا هواي تأخرت