Sabi ni ma'am may recollection
Sa sagurong ang destinasyon
Nobenta pesos kuntribusyon,
Kanya kanya daw kaming balon,
Pag kaaga amay ako naglarga,
Pag abot ko dae pa sinda,
Hamog sa kakahuyan yaon pa,
Ang gibo ko, naghalat na sana.
Bago magpuon, si sister nagpagirumdom
An selpon halion, ngani daeng tenstasyon,
Mag paararam na muna sa mga ilusyon
Ta ang programang niationg ini maghapon.
Pagkatapos, pangadyi samong pinun'an,
May katuninungan na ang kapalibutan,
Nadadangog ko mga huni ning gamgam,
Pati lukso kan puso ko sa sakong daghan.
Kan pangadyion harani ko nang maabot,
Konsetrasyon ko naudlot, igwang uminatot
An sakuyang bag'ang tulos kong ginuruop,
Nganing dae mapangisi ta ang pangadyi mararaot.
Aban aban nagruluwasan nang problema,
Mga kaibahan ko naghiribi na,
Mati mati ko kamunduan nindang dara,
Dae mapugulan luha sa saindang mata.
Salamat sa pagtiripon na gibo ning kagurangnan,
Dahil duman maribong kong isip nalinawan,
Guminian mga problema kong pas'an,
Nagkaigwa akong kusog nganing pagsubok malagpasan.
