#شقة_مشبوهة19
بقلم ...شيماء عثمان
🔞
خااااالد !!!.......
خالد : غزل .. انتي طلعتي من شقة مدام ناني !
سكتت واتحركت نازله السلالم بسرعة ... وهو لاحقها
خالد : انتظري لحظه بتعملي هنا شنو
هي ماشه بسرعة لحد ما طلعت من العمارة .... وهو جاري وراها ... مسكها من يدها بقوة .... صرخت فيه ... فك يدي ....
خالد : مابفكها بتعملي هنا شنو
غزل : ماعندك علاقه بي ... امشي و اتركني
خالد : اسكتي قبل ما اكسر راسك ماكنتي عاملة فيها شريفه ولا عملتي المسرحيه الهابطه اليوم داك عشان ما اكتشف حقيقتك
غزل بغضب ... اقفل فمك كلمه ماتزيدها ... واترك يدي .... في اللحظه دي اياد جا وقف عربيتو و مخلوع من الزول الماسك يدها وهي منفعله .... طلع من العربيه هايج و بأعلى صوت ... فك يدها ياحيوان .... قرب منهم مسك يدها جراها منو وسحبها وراه .....
خالد : في شنو انت كمان
اياد : عايز منها شنو
خالد عاين لغزل ... الاخ زبون ...
غزل : اسكت قلت ليك
اياد زعلان وبصوت عالي .... يازول احترم نفسك
خالد : كلامي مامعاك طير من خلقتي
اياد : انت الحتطير قبل ما اكسرك مكانك
خالد : ياخ زح الدخلك شنو
اياد : تكون مين حضرتك
خالد : خطيبها
اياد التفت لغزل باستغراب .... خطيبك
غزل : كان زمان .... وكل حاجه انتهت .... ماعندك عندي حاجه
خالد : ماعلى كيفك وبعرف اربيك كويس
اتحرك بأتجاهها عايز يمسكها ... اياد ثبتو ... يازفت امشي من هنا ....خالد رفع يدو عايز يضربو ... اياد مسكها لواها ليه و لزاه ... خالد عصب و قرب عليه ... اشتبكو و بقو يتضاربو .... غزل اشرت لامجاد وركبت .... طول الطريق وهي بتبكي .... لما وصلت ضربت لسماح تقابلها في الاسترحه ... جات سماح لقت حالتها صعبه ... قاعده في بينش منزله راسها يدينها في راسها وبتبكي
سماح : بسم الله .... مالك يابت
غزل رفعت راسها ... تعبت والله .. عايزة اطلع من الشقة المشبوهة دي سريع
سماح : حصل شنو
غزل : خالد شافني وانا طالعه هسي خليتو بتشاكل مع اياد
سماح : قلتي شنو ... عيدي عشان ما قادرة استوعب
حكت ليها الحصل كلو .....
سماح : الله يرضى عليك تعالي اقعدي معانا بطلي عناد
غزل : ماعايزة مشاكل تانيه ... كلنا عارفين نهى مابتحبني وبتغار على سامح مني
سماح : نهى شنو كمان انسيها
غزل : نشوف
لما رجعت البيت جاتها انتصار غرفتها .... دخلت وقفلت الباب .... بتعرفي خالد من وين
غزل : هو الكان خطيبي و ولد جيرانا
انتصار : الله يرحمها اقبال ماكانت عارفه هو شنو .... دا زبون معتمد هنا .. و الاسمو اياد عندك معاو شنو
غزل : مابينا شي
انتصار : كنت واقفه في البلكونه و شفت المشكله ... الاتنين خاتينك في راسهم ابعدي عنهم ديل مانافعين
غزل : اكيد ما نافعين مش زباينك
انتصار عاينت ليها وسكتت ... قامت عايزة تطلع من الغرفه ... غزل قالت ليها ... غريبة بتخافي علي من ضيوفك البتستضيفهم يوميا في شقتك ... انتصار نزلت راسها و طلعت ...
تلفونها كان بضرب ... رقم غريب ماردت ... تاني جاتها رسالة من نفس الرقم ... محتواها ... انا اياد لو سمحتي ردي .... قرتها وماردت على الرسالة ولا الاتصال ..
أنت تقرأ
شقة مشبوهة
Roman d'amourالظروف ...... الشماعة الأزلية للمخطئين ... كل البشر عندهم ظروفهم الخاصه .... أصلا الظروف أتوجدت كأمتحان ... يبقى الخيار في يدك ... أما تخليها تقودك وتستسلم لمسار التيار المجهول ، هو ممكن يوصلك بر الأمان و ممكن كمان ينزلك للدرك الأخير . و أما تستلم...
