#شقة_مشبوهة23
بقلم .... شيماء عثمان
🔞
إلتفتت عليه ....
انت كويس ..... بصوت مخنوق رد عليها ... بخير .. بعتذر رفعت صوتي عليك
غزل : ولا يهمك .... بس انت اكيد بخير
عاين ليها و ابتسم ابتسامه باهته .... خليك معاي عشان افضل بخير على طول .. حبك بالنسبة لي شعله بتنور القلب وتنشله من هالة الظلام المحيطه بيه ... محتاجك شديد غزل النفس عليلة ومحتاجه دواء ... ماتتركيني يادواي ...
بنظرات دافيه ممزوجة بخجل ... ابتسمت و ردت عليه ... خلي بالك من نفسك .
نزلت من العربية بالها مشغول وفي راسها كمية من الاسئله ماعندها جواب ... وهي نازلة ... شافت ميساء نازلة من عربية خرافيه ... لابسف فستان اسود ضيق لدرجة ان معالم جسمها واضحة ... بتتونس مع صاحب العربية و بتضحك ضحكان مبتذله وعالية .... اتضايقت ودخلت الداخلية وهي داخله شافت اسماء ٠البت الكان شافتها مع ميساء بتشاكلها وجابت الاكل لعبير وهبه .... البت قاعدة في الاستراحة ماسكه كتاب وبتقرا ... قربت منها سلمت عليها ...
غزل : مساء الخير
اسماء : انتي البت الجديدة
غزل : ايوا ... هو انتي بتدرسي
اسماء : بدرس هندسة معمار
استغربت .... اعذريني كنت فاكراك شغالة هنا
اسماء : قصدك البنات الفوق ... دا موضوع طويل
غزل : ماعايزه اشغلك نتكلم مرة تانيه
اسماء: اكيد
وهي ماشه اسماء نادتها ... اعملي حسابك من البنات ديل ... ابتسمت ومشت الغرفة ... لقت هبه مولعه سيجارة وبتتكلم بالتلفون ... عبير لافه شعرها و بتتمسح .. عاينت ليها ... اووو ناس الغراميات الموعد كان كيف
غزل بتطلع عبايتها وماردت عليها
عبير : شكلو ما جايب حقو ... لو مابغطي معاك فكيه ... واحدة بجمالك تجيبهم ميه تحت رجلها
غزل بتصلح شعرها وعامله نفسها مامهتمه
هبه خلصت مكالمتها ..... شكلها من قوم بحبك و مابقدر اعيش بدونك
عبير : في زمنا الحب و الولاء للمارسيدس ...البيتزا و الانترنت الباقي عوارة وضياع زمن ..... وقعدو يضحكو
في اليوم التاني مشت الجامعه .... شافت سماح .. جات تسلم عليها دارت وشها الناحيه التانيه عامله زعلانه ورفضتت تسلم عليها
غزل : مالو العسل زعلان
سماح بتعاين ليها بطرف عينها ومابتتكلم
غزل : يابت خلاص فكيها .... هو الحصل شنو
برضو ماردت عليها
غزل : خليك قالبة خلقتك كده ...هسي لو واة جايبه اخوها المغترب يتفرج على الجامعه وشافك بالمنظر دا يصرف نظر عن فكرة الزواج كلها
عاينت ليها وابتسمت .... غزل ضحكت وقالت ليها تجنني وانتي زعلانه
سماح : خلينا في المهم ... اخو منو الجاي و داير عروس
غزل : اخوي انا ... وصل امبارح من امريكا وبعدين جايين نخطبك
سماح : سخيفه خلاص .... وحمرت ليها وغزل بتضحك عليها ....
سماح : بمناسبة الاخوة ...زعلانه منك شديد لو فعلا احنا اخوانك مابتعملي حركتك البايخه دي
غزل : ماعايزه ازعج زول صدقيني كده احسن للكل ... مابرضى اسبب مشكلة بين سامح ونهى هي في الاخر حق ... واحنا كلنا عارفين هي بتغار على راجلها
سماح : هو زعلان منك اكتر منها وماعايز يتكلم معاك لانو قاى دي المره التانيه تحصل ليك مشكله و ماتلجئي ليه يعني مامعتبراه اخوك الكبير ... اما نهى هو فعلا زعل وقطع اجازتو رجع الامارات
غزل : بضرب ليه افهمو الحصل
سماح : هسي طمنين عليك ... انتي كيف
غزل : ماشي حالي كل مرة بكتشف عالم تاني خلف الابواب المقفولة
سماح : وخالتك
غزل : كسرت التلفون رسائل و اتصالات
سماح : اوعك ترجعي
غزل : ماصدقت طلعت من الشقة المشبوهة ديك ... مستحيل ارجع تاني
اثناء ماهم بتكلمو جات بت دفعتهم سلمت عليهم
_ هاتي البشارة ياغزل
غزل : ان شالله خير احكي
_ اكيد خير ... امبارح قريت رسالتك عشان موضوع الصيدليه وانا طالعه الصباح شفت صاحبها ... كلمتو قال ماعندو مشكله وتبدي الشغل من بكرة كمان
غزل : بالجد ماعارفه اشكرك كيف
_بكرة بعد الجامعه نمشي سوا تمام ... يلا استأذن
أنت تقرأ
شقة مشبوهة
Romanceالظروف ...... الشماعة الأزلية للمخطئين ... كل البشر عندهم ظروفهم الخاصه .... أصلا الظروف أتوجدت كأمتحان ... يبقى الخيار في يدك ... أما تخليها تقودك وتستسلم لمسار التيار المجهول ، هو ممكن يوصلك بر الأمان و ممكن كمان ينزلك للدرك الأخير . و أما تستلم...
