#شقة_مشبوهة24
بقلم .... شيماء عثمان
🔞
سمر !!! .......
سمر : انتي هنا وناني حتجنن عليك
ميساء ... جات سلمت عليها .... سمورتنا الحووووب .. غزل متحركه عايزة تدخل الداخلية ... سمر نادتها انتظري يابت ... ماردت عليها و دخلت
هبه : بتعرفيها
سمر : دي بت اخت ناني
كلهم بصوت واحد ... قلتي شنو ..
سمر : مالكم ... ناني خالتها .. اركبو احكي ليكم ....وفي الطريق حكت ليهم كل شي
ميساء : وعامله لينا شريفه ... بتعاين من فوق و رافعه مناخيرها على الفاضي
سمر : معانا كانت كده ... مايغركم منظرها بت ماهينه وملخبطه الدنيا مره واحد من اصحابها جانا الشقه سكران بمسدس .... شوفو عملت فيه شنو وصلتو للحد دا
عبير : كنت عارفه ... ظاهر على شكلها وبتمثل علينا دور الشريفه الطاهرة
هبه : طاهرة انا وحياتك ..... وقعدو يضحكو بصوت عالي
في الداخليه .... غزل اتضايقت ان سمر شافتها و اكيد حتكلم انتصار بمكانها .
دخلت الغرفه لقت اسماء بترتب دولاب هبه ... سلمت عليها
اسماء : معليس حضايقك شويه .. لازم ارتب الحاجات قبل مايرجعو
غزل : ولا يهمك .... سكتت شويه ... تاني قالت ليها ... كلنا عندنا ظروف و مجبورين نشتغل بس مهما حصل احنا مامجبورين نسمح للناس يعاملونا معامله ماحلوة وحتى لو كان المبلغ البتاخديه منهم كبير ماصح اسلوبهم يكون كده وانتي لازم توقفيهم عند حدهم
اسماء : انا ما باخد منهم قروش
غزل باستغراب ... كيف يعني بتشتغلي كل الشغل دا وتستحملي اساءتهم بدون مقابلك .. انتي ابدا مامجبورة
اسماء : مش قلت ليك قصه طويلة ... انسي ... واتحركت عايزة تطله من الغرفه ... مسكتها من يدها ممكن تعتبريني اختك وتحكي لي حاسه بيك متضايقه .... فجأة اسماء قعدت تبكي واترمت في حضنها .... غزل حضنتها وبتطبطب عليها و تهديها .. بعد ما راقت شويه طلبت كنها تقعد في السرير ... جابت ليها مويه ... ابتسمت . قالت ليها مابجبرك على حاجه بس انا عايزة اساعدك مااتعودت اشوف الظلم واسكت ...
اسماء وعيونها على الارض ... انا زولة ريف جيت من البلد للجامعه .. اول مره شوف الخرطوم والشوارع والعمارات كلها حاجات جديدة علي .... اخوي الكبير صعب شديد من الاول ماكان موافق بس ابوي اصر عليه جابني هنا و طول الطريق تهديد و وعيد ... وقعت في يدين البنات ديل في البداية كانو صحباتي و ظريفات معاي كل يومين بجو داخلين باكياس ملابس واكل ومرات هدايا تلفونات و دهب .... و القروش عندهم زي الرز ... بدو يتقربو مني اكتر ويجيبو لي هدايا كمان ... مره مصاريفي ماوصلت هبه قالت لي في واحدة في الزمن دا بتعتمد على مصاريف اهلها ... متطلبات الحياة كتيرة وهم ماحيغطوها بس احنا لبعض ليك قلت ليها قصدك شنو قالت لو عايزة مصاريف اكلمها وفعلا كل ماتنقص مصاريفي باخد منها وهي مابتقصر معاي تاني خجلت قلت ليها ماممكن اشاركك مصاريفك البرسلوها ليك ضحكت وقالت لي يابت انا بعرغ اظبط اموري خليني اظبطك معاب مافهمت قصدها لكن وافقت .... بعد يومين جاتني تتبسم معاها ميساء قالو امشي معاهم مشوار طلعو فستان ضيق اصرو علي البسو ومشينا شقة ... هناك شفت العجب بنات بشربو شيشه وسجاير ... اولاد سكرانين كل واحد مع بت وبعلمو حركات مامحترمه .. وانا قاعدة مصدومه جا واحد قعد معاي اتعرفت عليه وشويه شويه بقينا اصحاب نتلاقى طوالي في الشقة وبجيب لي هدايا غالية وانا من الفرحة طايرة السما لما جا يوم مشؤوم ضيعت فيه كل حاجه واخد مني اعز املك ... وبعدها بمده سمعت انو سافر وخلاني في مصيبتي لوحدي كلمت البنات يساعدوني لان اهلي صعبين لو عرفو بقتلوني قالو بعرفو دكتور شاطر ممكن يساعدني وارجع زي ماكنت بس العمليه مبلغها كبير احترت اعمل شنو طلبو مني اشتغل معاهم وبقيت امشي معاهم طلعاتهم في المزارع والشقق لحد مره في واحد قلل ادب معاي شديد واتضايقت منو ضربتو ... طلع ولد مسؤول كبير ... ميساء زعلت مني اتناقشت معاها وطولت لساني رمت لي كميه فيديوهات و صور لي في اوضاع مامحترمه ما عارفه صوروني كيف بسخريه قالت وقت ماتحبي صورك تصل البلد لاهلك خفت و دخلت الدوامه دي ... هسي مابطلع معاهم الا للشديد القوي وبشتغل كخدامه على امل يدوني الصور
غزل بتعاين ليها و ماعارفه تقول ليها شنو .... اسماء سكتت ونزلت راسها
أنت تقرأ
شقة مشبوهة
Romanceالظروف ...... الشماعة الأزلية للمخطئين ... كل البشر عندهم ظروفهم الخاصه .... أصلا الظروف أتوجدت كأمتحان ... يبقى الخيار في يدك ... أما تخليها تقودك وتستسلم لمسار التيار المجهول ، هو ممكن يوصلك بر الأمان و ممكن كمان ينزلك للدرك الأخير . و أما تستلم...
