شقة مشبوهة

شقة مشبوهة 27

#شقة_مشبوهة27
بقلم ... شيماء عثمان
🔞

غزل رجعت من الجامعة مصدعة وتعبانة ... اخدت شور غيرت ملابسها و رقدت في السرير ... جات اسماء داخله الغرفة شايلة صينيه قهوة ...
اسماء : شفتك تعبانة عملتها نظبط مزاجنا
غزل : اي والله جات في وقتها
بعد ما شربت فنجانين ... عاينت ليها .. مبالغة القهوة شالت الصداع على طول
اسماء : دا بن ميساء برسلوه ليها اهلها من برا حاجه مستوردة تظبط الدماغ
غزل : حاسه بروحي نعسانة عايزه انوم
اسماء : طيب بطلع وبطفي النور ارتاحي
صحت عاينت للتلفون اتخلعت .... معقول نمت 6 ساعات ... شافت اتصالات من اياد و سماح ... بالاول ضربت لصحباتها ..
سماح : وينك يابت
غزل : كنت نايمه
سماح : معقول .. عمرك ماعملتيها و نومتي بالنهار
غزل : كنت تعبانة في شنو
سماح : سامح رجع و عايز يشوفك قال تجي تتغدي معانا
غزل : هسي الوقت اتاخر لكن بكرة من الجامعه نرجع سوا
قفلت منها ضربت لاياد ..
اياد : من الصباح مابتردي ليه
غزل : الناس بقولو سلام .... كنت نايمه في شنو
اياد : كلمتك لما ماتردي بخاف وراسي يودي ويجيب
غزل : انا بخير
اياد : عايز اشوفك جاي عليك
غزل : تعبانة مابقدر خليها وقت تاني
اياد : سلامتك حبيبي مالك
غزل : مافي شي ارهاق بسيط
في الليل ماقدرت تنوم ... طلعت من الغرفة لقت اسماء بتكوي ملابس هبه قعدت جنبها
اسماء : مالك يابت
غزل : ماعارفه عندي أرق
اسماء : نعمل لينا قهوة طالما لوحدنا
غزل : لا ياخ ... قهوتك القبيل بهدلتني
اسماء : عشان اول مره تشربيها شكلك مامتعودة على المستورد
ابتسمت وقالت ليها مامشكلة اعمليها
في الصباح .. صحت و حاسة جسمها تقيل ماقادرة تقوم من السرير ... عبير قالت ليها عادي لو تعبانه ماضروري تمشي الجامعه كل يوم عاينت ليها و ماردت ..
في المحاضرة ... كل شويه تمسك راسها ... سماح لاحظت ليها .. سالتها .. في شنو
غزل : ما عارفه صداع فضيع
سماح : نخلص المحاضرة و نمشي نشتري بندول
غزل : اوك ... لكن تعبانه مابقدر امشي معاك اعتذري لي من خالتو و سامح
رجعت الداخلية صادفتها اسماء
اسماء : غربيه راجعه بدري
غزل : ماقدرت اكمل ... راسي داير يتكسر
اسماء : اعمل ليك قهوة
غزل : البلا كلو من قهوتك
اسماء : لانك مامتعودة على البن لكن الصداع مابرحمك
غزل : طيب جهزيها على بال ما اخد شور
شربت القهوة والصداع خف ... اسماء قالت ليها مش كلمتك ... شعرت بالنعاس و نامت نومه طويله ... استمر الوضع ثلاثة ايام .. صداع مزمن عيونها مطششه طوالي مامركزة نوم بالنهار و أرق بالليل ... سماح ملاحظة التغير الحاصل وسألتها ... شكلك الايام دي ماتمام لازم نمشي تعملي فحوصات ... غزل بتكابر و مصره انو مجرد ارهاق ... اما اياد ليه ايام ماشافها ضرب ليها زعلان
اياد : حكايتك شنو كل ما اضرب ليك اما نايمه او تعبانه حتى الجامعه بترجعي منها بدري اذا زعلانه مني في حاجه صارحيني مابحب اسلوب الهروب
غزل : ابدا بس والله تعبانه
اياد : هسي جاي عليك نمشي المستشفى
غزل : انا كويسه مافي داعي
اياد : المهم جاي وبدون نقاش
لما وصل ونزلت ليه اول ماركبت العربية اتخلع من منظرها ... دا شنو وشك شاحب وعيونك تحتها هالة سودا حتى ملامحك متغيرة اخر مره اكلتي متين
غزل : بصراحه لي كم يوم عايشة على القهوة
اياد : ينفع كده هسي نشوف لينا عيادة
غزل : مامحتاجه دكتور ... خلينا نقعد في مكان نشم هوا نضيف
اياد : جدا .. وتاكلي كمان و إلا بأكلك بيدي ... دواك وصل ياحضرة الصيدلانية
ابتسمت بخجل و عاينت للارض .... اتحركو على مكان هاديء بتونسو وياكلو ... اثناء ما هم قاعدين .. جسمها كلو بدأ يرتعش ... عاين ليها بخوف ... حياتي مالك بترجفي كده
غزل : فجأة حسيت بالبرد خلينا نرجع
اياد : نرجع وين لازم اخدك لدكتور
غزل : صدقني انا بخير ماتكبر الموضوع
اياد : لو اعرف انتي ليه عنيدة كده و مابتسمعي الكلام
غزل : خليني على راحتي و اوعدك بكرة لو ما اتحسنت اتصل عليك نمشي المستشفى سوا
وصلها الداخليه وطول الطريق ماسكه راسها من الصداع ... اول مارجعت مشت لاسماء الغرفة كانت نايمه ... صحتها ..
غزل : وصفي لي مكان البن وين الصداع كسر راسي
اسماء : خليك مرتاحة دقايق و اعملها ليك
غزل كانت تعبانة وما ارتاحت إلا بعد شربت قهوة اسماء العجيبة ... استمرت حالتها لأيام ...