💔💔

امنيتي اضحك من صدگ بس الحزن ماعافني
صايرلي يمشي ويه النفس ويحسه كلمن شافني
مااريد ابين للبشر بس دمعي هوه الغاثني
ينزل على خدودي واون كاروك جنه وهازني
وشهگاتي تعله وتنتشر جرات رمح وحازني
وكلما احاول وابتسم واحد احسه او وازني
يذكرني بهمومي ويظل يتعمد لها وگاضني
وياخذني وياه البحر والموج رايح رادني
دولبني ياناس العشگ ماردته هوه الرادني
مد ايده بيديه وصحت ماهمه واهس جابني
وظل بيه يتلون قلم بألوان عنده وصافني
مرات يبحر للعمق مرات جرفه يهابني
ولو علنت طيور السمه بخط النوارس خاطني
ولو غرگت بقاع البحر مثل السبات وصابني
مابالغ او وصفه اوصفت هذا هو گلبي الگادني
امنيتي افرح بس صعب مو بيدي هوه العافني