قظيه😻عشق

الجزء السادس عشر

بارت 16..
قصه(😍قضيه😘عشق😍)
للكاتب (ملازم🌟حسين)
هنادي،،،كمت بسرعة وشلت الصينية وانعثرت مرتين من الخوف بس ردت اطلع من غرفتها
يمة صخام الصخمني هاي مخبلة وتسويها
هنادي ،،،بيومها فعلا خفت ونزلت خايفة من ست سلطانة مرعوبة
كعدت بالغرفة على سريري وبقيت افكر اني ليش ما طلعت وهو نطاني كامل الحرية اذا ثاري ومكدرت اخذة منة
ليش احس نفسي تعلقت بهل قصر وتعودت على عيشتي بي برغم كل الخوف الي حسيتة هنا
بيومها جنت كل مااصادف الشيخ صدفة احس عيونة تبتسملي وبعد مااحس بخوف منة بالعكس بوجودة احس بالامان
فارس،،،كل ماتصير عيونها علي احس نفسي تتبعثر واضيع دربي
شنهو قضيتك يافارس وليش هالبنية بعثرت حالك واخذت هالحيز الجبير من تفكيرك
جنت كاعد مع ربعنة وشيوخ كبار بالربعة (المضيف)
وجنت كل شوي اسرح وماانتبه شنهو يحجون وكل شوي يسألوني شنو رائيك ياشيخ ؟؟
فارس،،،بشنهو ؟؟ اعذروني ياجماعة الخير تعبان ومكاعد اكدر اركز وياكم
وتعذرت منهم وكمت يولوا على هالحالة هاي لعبت بحالي لعب هالبنية والمصيبة جانت كل متجي على بالي اسرح والابتسامة مرسومة على وجهي دخلت البيت وعيوني دورها بكل مكان
ام غزوان،،،تريد شي شيخ؟؟
فارس،،،وينها هنادي
ام غزوان،،،كتلها تغسل المواشي
فارس ،،،اهااا روحي لشغلج
سلطانة،،،نزلت وشفت فارس كدامي ماسلمت ولا حاجيتة وهو كالعادة ماانتبه اصلا لوجودي
فارس،،،شايل السبحة وافر بيها وعيني على شباك الصالة الي يطل على مواشي البيت والحديقة
عيوني دورها شفت غزوان واكف يدحجلها وهي مدنكة تغسل
عقدت حاجبي وعصرت على السبحة وعضيت على شفتي
واحس الدم بدأ يغلي براسي طلعت وصحت يولواااااا
فز غزوان واجاني بسرعة وهنادي فزت ورفعت راسها
فارس،،،يول غزوان شتسوي هالساع هنا
غزوان،،،ها اني واكف هنا مثل كل يوم شيخ
فارس،،،روح اندثر هناك ولتقرب للقصر
غزوان،،،ان شاء الله شيخ
فارس،،،يولوا على هالبهض (هالقهر) النوب عليه غزوان الي يكول ابو الجنيب
وهاي المعثورة بعدها بمكانها صحت هنادي
هنادي،،،رفعت راسي وجان عاقد حاجبة تقدمت عليه
فارس،،،بعد لتطلعين تغسلين المواشي ومن يكونون الحرس هنا اصلا لتطلعين بنوب واذا لمحتج طالعة يولوا والله اخليها للركاب
هنادي،،،همست ان شاء الله
فارس،،،شو من سمعت صوتها بردت وابتسمت عافتني ودخلت يولوا بهذلت حالي هاي جانت تمشي كدامي واحسها تمشي على كلبي
تنحنحت وعدلت نفسي ودخلت صعدت لغرفتي نزعت غترتي وكعدت ياويل حالي هاي شلون راح تكضة وياها احس نفسي حبيتها وبحياتي ماجربت هالحساس شكد حلو وحق الله الحب حلو
هنادي،،،،جنت ضايعة واحس نفسي بين نارين احس حبيتة وكان المفروض اكرهة واخذ بثاري منة شلون اخذ ثاري من الي حبيتة واول واحد يدخل قلبي
جنت من اشوفة احس بأحساس حلو
بقيت الليل كلة افكر بي واريد اشيلة من بالي مكدرت
تمنيت ام غزوان ترجع تنام وياي بالغرفة بس بعد متجي تنام وصارت تنام بغير غرفة من يوم الي حبسني فارس بهل غرفة
اندك الباب خفيف وفزيت على حيلي فتحتة جان فارس كلي عندي حجايتين وياج انتظرج بالحديقة
هنادي،،،همست اي
رجعت للغرفة وخليت شال طويل على كتفي وطلعت وراه
&
&
&
#قصه_قضيه_عشق 😻🦋

يتبع......