قظيه😻عشق

الجزء الرابع والعشرون

بارت 24
ام فارس،،،استهدي بالرحمن ونام يمة ساعتين 3 وراك طريق الله يحرسك وتوصلنة بالسلامة وعود نحجي بهل موضوع
فارس،،،ان شاء الله تصبحين على خير يمة
ظليت مدد والعب بالجهاز على بطني
هنادي،،،جنت خايفة بيومها ومجنت راح احس بالامان الا اذا طلعت سلطانة من البيت
بقيت انتظر فارس يجيني لغرفتي مااجى صعدت عليه بس من الخوف سرعت بسرعة حتى متشوفني سلطانة دخلت بلا ماادك الباب
فارس،،،فزيت وضحكت هلا بشمعتي
هنادي،،،قفلت الباب وكلبي يدك
فارس خايفة هدوء سلطانة مو طبيعي
فارس،،،ههههه جريتها من ايدها وكعدتها يمي يولوا هم رجعنا على المعثورة مااعرف ليش هالكد مخوفتج سلطانة
ترة سلطانة بس لسان مابأيدها شي
هنادي،،،ظليت اهز براسي بس مامقتنعة بكلامة
جانت جنطتة مفتوحة وكفت وهمست حبيبي وشيخي خلي احضرلك ملابسك
فارس،،،مددت خليت ايدي جوة راسي واباوعلها ترتب بملابسي صدقة لألله
هنادي ،،،انقهرت واني ارتب بملابسة وحاولت احبس دموعي عنة وجان يحاجيني وفجأة سكت تأملتة هو ونايم وبستة من جبينة ونزلت لغرفتي
سلطانة،،،بقيت الليل كلة على اتصال بقصي واتوسلة يدوس على شرف هاي بنت الشوارع
سلطانة،،،تكدر انت وملثم وجهك ماراح تعرفك بس ادوس على شرفها اريد اكسرها واكسر فارس واحرك كلوبهم واذا كدرت تصورها لتقصر
قصي ،،،تعبت من الحجي وياها وبعد مااردلها بالرغم كان المقابل مغري حيل حتى قطعة كاع بأسمها وعدتني تنقلها بأسمي من عدا الفلوس والذهب
بس جنت اخاف من فارس العب وياه خطر وهاي البنية ماخذة عقلة والبيت كلة حرس وغزوان وام غزوان موجودين
هنادي،،،،مااجاني نوم بيومها وبقيت ادكلب وب2 ونص نزل فارس علية والجنطة بأيد والجواز بأيد
فارس،،،توقعتج نمتي ياعمري
هنادي،،،نزل الجنطة وخلة الجواز على الميز وحضني دمعت عيني وكل ميبعد عني ارجع احضنة اكثر همست تروح وترجعلي بالسلامة
فارس،،،يولوا ليش هالدموع هاي ترة ابطل مااسافر وتبقى سلطانة بوجهنا دوم وضحكت
هنادي،،،ابتسمت ومسحلي دمعتي وكرصني من خدي
فارس،،بستها من راسها وهمست يلا حبي اروح وتصبحين على خير اقفلي الباب ونامي
هنادي،،،ان شاء الله ...الله وياك محفوظ بأيات الرحمن
طلع واخذ جنطتة وياه قفلت الباب وجنت حتى مكدر اطلع اودعة برة حتى مااشوف سلطانة وتصير مشكلة
سلطانة،،،طلعنا وركبت بلا ميباوع بوجهي فارس خليت نفسي ابجي الطريق كلة كلت بلكي يحن كلبة علية ويرجعلي
فارس،،،غمضت واتجيت حاولت انام وهنادي ماراحت من بالي
فارس،،،بقيت نوب افكر نوب اغمض غفيت بالطريق حوالي ساعة ورجعت صحيت انتبهت للجواز ماكو بجيبي ولا عندي بالسيارة دورتة ماخليت
يولوا بس لا نسيتة عند هنادي من سلمت عليها هاي شلون قصة
همست وكف السيارة يافهد
وكفها وصف على جهة اني ناسي جوازي ياجماعة
فهد ،،،ماكو تغطية هنا ياشيخ ولا جان اتصلنا بواحد من الشباب يلحكنا بي
فارس،،،نزلت من السيارة يولوا شهل عثرة متسهلت شو هالسفرة من البداية لعله خير ان شاء الله
فهد،،،تحب نرجع على مانلاكي تغطية ونتصل بواحد من ربعنا
فارس،، خلي اشوف شلون تصفى
سلطانة،،،جانوا يتكلمون برة وشكد جنت اتمنى تتعرقل سفرتنا بس مو بهل وقت الي مااعرف شنو سوة بي قصي اذا رجع فارس مصيبة بقيت كل شوي اتلفت وادحجلة من شباك السيارة
بعدين اجوي فهد وريكان وركبوا ليكدام وفارس دنك من شباج السيارة وكال
فارس،،،دحجي ياسلطانة اني مكدر اتقدم اكثر وياكم وجواز ماعندي
اتوكلوا هالحزة واني راح اخذ درب طريقي وارجع اجيب الجواز والحقكم واني وراجع راح اتصل بخوانج يتلكوج
سلطانة،،،لا فارس شنو يرجعك نرجع كلنا وياك وباجر نطلع
فارس،، لا لا كملوا طريقكم وفهد بعد مو غريب ابن عمومتنا وريكان بعد نسيبكم
نزل جنطتة وطبطب على السيارة
وكال اتوكلوا بالله ياشباب الله وياكم
سلطانة،،،،كمت اكل بروحي ياصخام وجهي شنو راح يصير كمت احاول احصل قصي وتعبت واني اريد احصلة ماكو الى ان خلص شحن جهازي
فارس،،،كمت امشي واناظر الطريق لعل وعسى الوح سيارة بهل صحراء على السريع استغفرت ربي اول مرة يصير وياي هيج شي ظليت اهمس لعله خير
بلش الفجر يطلع والدنيا ضوت
&
&
&
#قصه_قضيه_عشق 😻🦋

يتبع.....