حياة لاجئة

حياة لاجئة البارت الاول

Welcome to use notes!حياة لاجئة

ماما......  يا ماماااااااا  امي وينگ
#ام لارا : هون انا يقصف عمرك شو بتلعي
#لارا : ليش هيك امي مو انا بنتك في مرا عاقلة تدعي ع بنتها 😥
#ام لارا : اي يا عيون امك لو غيري عندها بنت متلك كنا سمعنا بإنتحارات والله
خلصيني شو بدك هاتي لشوف
#لارا : سلامتك امي مابدي شي يعني لي تنادي ع امها لازم يكون بدها شي؟!
مو يمكن اشتقت لنبع الحنان
#ام لارا : اي قولي نبع لهموم مو انا خلفت الهم لتصرعيني انت واخواتك صبر ايوب ياربي 🙏
#لارا وهي تحكي بقلبها : شو رح يخلصني ليوم اكيد مارح تخليني روح💔💔
شو بدي قلك ماما قبل شوي اتصلت فيني رفيقتي   .......
#ام لارا وهي تقاطع بنتها : انو وحدة فيهن سرايا الوقحة ولا ديما ام لسان 👅طويل ولا لتكون هديگ المحجبة 😱😱
#لارا : امي لاتحكي عن رفيقتي هيگ
ام لارا: يعني اكيد لمحجبة لانو الثنتين ماتحبيهن لو ما صلة القرابة ماترافقين ....اي شو بدها رفيقتك
#لارا: ولا شي ...بس ......( وهي تحكي بصوت خفيف ..) عزمتني على عرس اخوها
ام لارا: علي صوتك دبة ماعم افهم
#لارا : عزمتني ......ع...على عرس اخوها...
#ام لارا : شو تكرمتي 😤😤اي مو فشرت عينها انا ...انا ام نور على سن ورمح بسمح لبنتي تروح على عرس بنات المسلمين اي لا اكيد مستحيل يلا انقبري على غرفتك ولا تفرجيني خلقتك احسن ما ابتلي فيكي ها
يلا
راحت لارا وهي تجر حسرة خلفها لاتعلم ماذا تفعل بحال امها التي اعماها الكره والحقد

ابو لارا: يلا يلا وينك ام نور تعي خذي هلكياس من ايدي والله رجيا واديا تقطعو
ام لارا : اهلا وسهلا ابن عمي هات من ايدگ
ااااخ يا ابو لارا لو تسمع هالسمعة
ابو لارا : خير شو في احكي
ام لارا : قال بنتك المصون بدها تروح تحضر عرس اخو رفيقتها "المحجبة"
ابو لارا: اي وشو فيها.  
.................... .

كنت قاعدة بغرفتي لما سمعت صوت بابا فنزلت ارگض بلكي الحق اشكيلو همي قبل ما امي تسبقني  وانا نازلة سمعت نبع الحنان
وهي تطرح المشكلة العويصة لي عم تعاني منها وهي انا بالطبع 😂😂
المهم انا اول ماسمعت بابا عم يقول شو فيها فرحت وجيت اصرخ بالزور مسكت حالي 🙊
ونطيتلكن نطة تقول شي سوبرمان او الرجل الضفدع 🐸 بعرف مافي شي اسمو الرجل الضفدع 😂😂😂بس خلينا نخترعو ههعهه
المهم نطيت عليهن گاني جندي عم يداهم عصابة 
#لارا : يعني بابا عادي روح مافيها مشكلة ما
ابو لارا : اكيد حبيبتي فيكي تروحي يا عيون بابا
لارا : شكرا بابا وبستو من راسو وامي كانت تطلع فيا وگأني قتلتها شي حدا من اهلها

................

ها نسيت ماعرفتكن ع حالي 😂😂
اسمي لارا عمري 19 سنة سورية شكلي مو طويلة ولا قصيرة عيوني رمادي  شقرا وشعري لنص خصري شكلي انوثي كتيييير يعني جسمي تحفة من الخالق
عندي ثلاث اخوة شباب جاد وإميل وأيهم وبنت إلينا  .....جادوايهم متزوجين وإميل اصغر واحد  يعني اخر العنقود يدرس ثالثة ابتدائي والينا اكبر مني بسنتين قاعدة بالبيت وانا بدرس بكالوريا الصراحة مو كتير شاطرة بالدراسة لهيك متاخرة سنة يعني "معيدة"
عندي ثلاث رفيقات سرايا وديما لي هنن بنات عمي وامي كتير بتكرهن.
ورفيقتي الروح بالروح مروة وهي مسلمة
ها ما قلتلكن انا مسيحية يعني من لما وعيت على الدنيا امي تقول نحنا مسيحيين وانا هيك تربيت وعلى هاد الاساس عم امشي بس الصراحة مو مرتاحة وكتير بعيدة عن الدين
نرجع للحكاية
..................
الو ....  ها لارا رح تجي ولا شو مشان احسب حسابك
لارا: اكيد رح اجي بابا سمحلي بس امي متل العادة انتي بتعرفي
مروة : ولا يهمك حياتي لا تزعلي حالك انا عم استنى ولا ببعت حدا يجيبك
لارا: لا بلاها رح اجي مع حمودي
مروة : تمام عم استنى السلام عليكم
لارا: باي
.............

رحت على بيت مروة وكان في كتير عالم عندهن وانا خجلت كتييير مع انو مالي بالعادة ههههه
مروة: مرحبا ياروحي كتييير شتقتلك فوتي فوتي ياروحي
لارا: هاي ميمي حياتي وانا اشتقتلك وين امك واخواتك اكيد مشغولات
مروة : اي والله كتير خلينا نفوت عند البنات
لارا:: ييييي شو هاد😍😍
مروة : عههههههه مجنونة  هي عم ترشم حنة شبك 
نور :: وانا بدي
مروة: اوكي رح قلها تحطلك

..............

رجعت عالبيت وكان العرس كتير كتير حلو وانبسطت كتير وفرحت لها رشمت حنة عربية على ايدي كانت اول مرة شوف هيك رشمات ورسومات
ماما.  ..... مامااااااا...
ام لارا: شبك ام لسان شو.. ..... لك العمى شو هاد
لارا: حنى
ام لارا: اي بعرف حنى ليش انا قلت مو حنى بس ليش هيك ساويتي
لارا: شو في  عادي ماما
ام لارا: الله ياخذني لارتاح منك
لارا: طلعت ع غرفتي وانا مدهوشة من امي ما بعرف لي هيك عم تعمل
.............
اكيد ولا واحد فيكن تعب حالو وقال بسال على الينا يمكن حتى مابتعرفو مين انا .  المهم
انا بكون اختها  لكبيرة للهبلة  عمري 21 سنة قاعدة بالبيت ماكملت دراستي بسبب ضروف الوطن ولانو رح نسافر عن قريب اكيد لارا ماحكتلكن هي هيك دائما الاشياء المهمة تنسى تحكيها  شكلي قصيرة شعري بني عيوني رمادي متل اختي بس دبدوبة يعني شكلي كيوت وبضل ماسكة طرف اكمامي بايدي يعني اهم شي هههه
حالتي العاطفة لاشئ يعني لا بعمري حبيت ولا بعمري نحبيت تقدرو تقولو انطوائية واصلا مابحب الي يرمي حالو علي يعني لي عطول لاحقني ويطلع بخلقتي بكل مكان
لارا: أييييييوا يعني ماصدقتي على حالك تجيكي الفرصة وقاعدة عم تسردي قصة حياتك  .. ...قومي شوفي امك عم تنادي

الينا: اي يلا مشينا

لارا: اي ديري بالك لانو العفاريت راكبة براسها انا حذرتك ها لانك اختي😘😘

الينا: اي دخيلو انا لي يحب اختو
لارا : لك حنكي شيلي ااااي اااااااي  رح يصيرو خدودي حمر من وراكي دبة

.............

ابو لارا : ام نور وينك تعي جيبي البنات وتعي
ام لارا: اي جاية جاية. لك نوووور اليناااااا لارااااا تعو شوي

لارا الينا: ليكنا يامو جايين
وتجمعنا كلنا بالصالون وابي كان واضح انو بدو يحكي شي مهم بس ماقدرنا نعرف شو هو استنينا لحتى اجا اميل وقال بابا
ابو لارا : ام لارا. لارا اميل الينا   رح نستعجل بالسفرة يا ولاد لانو الوضع ما بيطمن وخايف يصير شي هجوم ثاني ومانلحق نلم اغراضنا او يروح شي حدا فينا ماعد فيني اتحمل وعيش بخوف لا يجي يوم وافقد حدا فيكن .  
لارا: لا يا بابا لاتحكي هيك الله كريم
ام لارا : اي ابن عمي وحددت وين بدنا نسافر ..
ابولارا: كنت مجهز حالي نروحو على تركيا بس من هون صعب لانو الحدود كلها محاوطة والكنيسة مافيها تسفر الكل لهيك رح ننزل لعند اخوي مصطفى  على الاقل فينا نضل عندو لبين مانلاقي بيت
ام لارا: شو قصد يعني بدنا نروح عالجزائر !!!!!!!!!!!!
لارا الينا : شو شو شو عالجزائر 😲😲

بقلمي 🖊زهرة🌼