#أحببتك_حتى12
بعد مسااافهه عاينته للفنيله والجزمه وفتحته خشمي وعاينته لي رامي وقولته ليها وسسسسن😨كلهم اتخلعو وبقو وبعاينو لي ماما قالت لي مالك ي بت الناس،وانا بعاين لي وسن وبعاين لي رامي والفنيله،وسن عرفتني قاصدة شنو بقت تتمتم في الكلام وبتعاين لي بي خوفه كدة قالت لي مالك😿قعدته اعاااين ليها بغضب،رفعت لي حاجبها وقالت لي الله يخليك اسكتي،سكته وواصلته أكل بعد م خلصنا وبقينا نشيل الصحانه وندخلهم المطبخ مسكتها خنقتها قولته ليها ي وسخه ي وسخه انااااا تسوقيني وتشتري هدايا لي أخوي وتستغبيني كدة؟انااااا تخبي علي موضوع زي دة؟قالت لي حتقتليني ي متخلفه فكيني خليني اشرح ليك،قولته ليها تشرحي لي شنو ي وسخه؟م انتي ربطتي مع اخووي وانا اااخر من يعلم والموضوع انتهى 😪💔قالت لي بس الانتي م عارفاااه انو نحن انفصلنااا😿فكيتها قولته ليهااا نعم؟ان...شنوو؟لعبه عيال هي؟؟لحقتي تقرفيهو حياتو زي م بتعملي معي انااااا؟عاينت لي وسكتت،قولته ليها مالكم احكي؟قالت لي حتى انا م عارفاه مالو اتغير برااهو وبقى م براسلني وبسفهني تخيلي مع انو كنا حلوين لا ودة كلووو كوووووم وبرودو وعدم مبالاتو كوم تاني خالص ،قولته ليها اها وانتي عملتي شنووو؟؟قالت لي حظرتو من كل شي عندي ولو م خالتو سوسن طلبت مني اجي اساعدكم في تحضير عيد ميلادك م كان جيت اساسا دة الكنت خايفه منوو😭قولته ليها يعني ماف اي مشكله بينكم ولا اي شي؟قالت لي ابدااا،سكتتته مساااافهه وطققق اتزكرته يوم م جا حكى لي عن البت البحبها وانو هي عنيدة و....وانا حرشتو عليها وم كنت فاكرة انو البت دي وسن😨😭💔فجأة قعدتهه اضحك😂وسن بقت تعاين لي بغرابه من غير م تسألني ،قولته ليها اسفه اسفه م شمتانه وربي 😂💔قالت لي طيري من وشي وطلعت،لما قمنا راجعين البيت طبعا ماما وحبوبه وجدو ركبو ورا وانا قولته لي وسن انا حأقعد جنب الشباك انتي اقعدي جنب رامي،سكتت وبقت تحمر لي بعدها ركبت جنبو وفضلو ساااكتين لغاايه م وصلنا،بعد اسبوووع من الكلام دة في يوم وسن جات قالت لي عندي صحبتي اسمها اروى عندها عرس اخوها وقالت لو م جيت حتزعل والمشكله انو عرس اخوها بكره وانا بكره عندي لاب ضروري امشي احضرو ،قولته ليها طيب م تمشي،قالت لي صعبه م امشي لأنو عندنا كم صحبهه مشينا اعراس اخواتهم واخوانهم لو م مشينا ليها حتزعل ،قولته ليها طيب امشي جامعتك وتعالي راجعه بدري امشي العرس،سكتت مسااافه بعدها قالت لي طيب برضو فكرة،اليوم التاني حوالي الساعه 6كدة لقيت منها مكالمات كتييرة رجعته اتصلته عليها قالت لي شهد تخيلي ي دوووب رجعته من الجامعه،قولته ليها م جادة طبعا يعني م مشيتي العرس؟،قالت لي لا ماشه ي دوووب علشان كدة اتصلته عليك،قولته ليها ليه مالك عايزة حاجه؟قالت لي اممممم عايزاك تمشي معي😁قولته ليها انااااااااااااا؟لا طبعا مستحيل ولا تفكري في الموضوع،قالت لي شهههد الله يخليك عليك الله م تخليني امشي براااي😭قولته ليها وسن انتي عارفه حفلاتكم دي م بتدخل مزاجي ولا اي شي م تحاولي معاي،قالت شهد اسي انا بين نارين صحبتي ،وامي قالت لي بالليل دة براك م بتمشي ولا تسلي رجلك من البيت دة كلمي شهد لو وافقت تمشي معاك امشي ولو م مشيت ي شهد اروى حتزعل مني حلفتك بالله تمشي معاي شهد انا بحلفك بربناااا،سكتته مسااافه،قالت لي اها اجهز؟وم تخافي ي ستي حنأجر عربيه توصلنا لغااايه باب الصاله وحنحااول نطلع بدرب شهد م تعاندي عليك الله الزمن،قولته ليها اوكيشن بسس دي اااااخر مرهه ايااااك تكريريها فااهمهه؟قالت لي حيييييينا يعني موافقه؟احوووووبك ياااخ احوووبك حأشيل ملابسي وحأجي اللبس عندكم تماااام😻قفلته منها جاتني بعد اذان المغرب لقتني قاعدة مركبه سماعتي،قالت لي شههد لغاايه الان م جهزتي؟قولته ليها م عرفته اللبس شنو😪💔قالت لي احييي منك قومي ،فتحت الدولاب وبقت تطلع لي في الملابس وكل مره تقول لي لا دة م تمام ،ودة م كويس لما زهجتني قولته ليها زحي كدة يااخ،وقفته في الدولاب عيني وقعت على حاجه سوداء مسكتها لقيتو فستان اسوود فنايلي كدة ،قولته ليها بسسس حألبس دة،قالت لي اسود في حفله؟😒قولته ليها ي زوله اسي بغير رأي،قالت لي طيب حتلبسيه مع شنو؟قولته ليها ي زوله انتي ركزي في ملابسك بس،قاالت لي طيب طيب،دخلته لبسته الفستان ولفيت شعري وجيت طالعه وقفت عاينت لي قالت لي شهههههد!!!قولته ليها اهاا؟قالت لي انتي م جادة طبعا م شايفه شكل الفستان دة،قولته ليها عايني انتي المفروض تكوني اتعودتي على ملابسي اصلا هي كدة على الدوام فشنوو افصليهااا،قالت لي اها حتلبسيهو مع شنوو ي السمحه،قولته ليها تعالي ظبطي لي حواجبي دي وخليك مني،بعدها ظبطته شعري وعملته لي روج لونو كبدي غاامض والفستان كغن اطول من الركبه بشويه ،وطبعا الجزمه كعب عالي والاكسسوارات كانت فضيه جهزنا وطلعنا لغااايه م وصلنا الصاله وجينا داخلين ،وسن قالت لي اسي الناس حتقول البت دي قاشرة كدة تابعه لأهل العروس ولا العريس،قولته ليها من يوم يومي متضايقه حلفتك م تلكنيها لي قالت لي خلاص طيب😂💔وقفنا وسن سألت من صحبتها شويه كدة جات سلمت علينا وفضلتنا وقتها كانو العرسان لسه م جو بس الحفله شغااله ،في بنات كانو قاعدين ورانا قامت واحدة قالت للتانيه اسي دي مالها لابسه كدة؟اتلفته عاينته ليها ،وسن قالت لي م تركزي،،بعد نص ساعه كدة العرسان جو والناس فاارت وانا بعاااين في الشاشه ومتضايقه ضييق ،شلته تلفوني وانشغلته بيهو،فجأة كدة طفو الأنوار والعرسان بدو يرقصو والصاله هدت ،بعد م الرقصه خلصت نورو الأنوار وفجأ عيني وقعت على واحد جايبنو في الشاشه اول م شوفتو انا خلاص بقيت في عالم تاني،الاستايل وطريقه ترتيبو لنفسو والحلاقه وكمان متحنن كل شي بجد كان يهبببل،جات وسن لكزتني قالت لي م نفسك ترقصي؟قولته ليها لا،قعدت معاي وبقينا نعلق وانا مرة اعلق معاها ومرة اسرح وافتش للزول الكنت بعاين ليهو داك،فضلته على الحاله دي لغااايه م الحفله انتهت الساعه كانت 11ونص،اروى قالت لينا الدنيا ليل م بتمشو براكم انتظرو دقيقه،وسن قالت ليها لالا حنأجر لينا عربيه والله،قالت ليها بري والله م بتأجرو عربيه ليه يعني انتظرو ثواني بس،شالت تلفونها عملت مكالمه وقالت:الووو؟وين انت؟اممم طيب عايزة اسألك ماشي توصل العرسان انت؟طيب يعني ماشي مؤيد؟وين انت حاليا؟يعني قريب من الصاله صح؟ماف شي بس عندي صحباتي الزمن اتأخر عليهم فكنت عايزة زول يوصلهم بيتهم وكدة،طيب يعني ينتظروك؟اوكيييه تمام منتظرنك،بعد م فصلت وسن قالت ليها والله كنا حنمشي ي اروى،اروى قالت ليها لا معقوله بس،الكنت بتكلم معاه دة صاحب اخووي واسي حيجي يوصلكم ماف اي تعب،فضلنا واقفين نص سااعه انا لمن رجولي دي وجعتني وشلته الجزمه في يدي ،فجأة جات عربيه وقفت قدامنا والباب فتح وفجأة اشوف ليك نفس الولد نازل من العربيه وانا بعاين ليهو كنت بكذب عيوني اذا دة هو او لا لأنو م لابس البدله بس نفس الملامح والشبه ،سلم على اروى وجا سلم علينا لحظه م قرب علي ومدة لي يدو كانت اللحظهه الألله خلقهااا وريحهه عطرو تلفح لفح وتجيب الرايح،وقف اتكلم مع اروى مساافه ،بعدها قولته ليها وسن😿قالت لي اايوة،قولته ليها دة مش بتاع المحل المابغباني؟؟ضحكت قالت لي اايوة هو صاحب اخوووها لي اروى،قولته ليها بالجححد😿قالت لي هو دة بعد الموقف داك بتنسي😂😂😂😂💔✊اثناء م نحن بنتكلم جات اروى قالت لينا :وسن وشهد أعرفكم دة يوسف،يوسف شهد ووسن م اظن وسن دي غريبه عليك هههه،عاين لينا مساااافه وقال ليها فعلا😊قالت لينا صبايا يوسف حيوصلكم وي وسن مشكورة بجد م قصرتي يااخ،وسن قالت ليها العفو ولو م اللاب خزلنا كنا جينا ابدر والله،قالت ليها حبيبتي م قصرتي نجازيك في عرسكك،بعدها فتح لينا ابواب العربيه علشان نركب متخيلين معاي الزوق كيف🙈اول م اتحركنا قال لينا استأذنكم حأدخل محطه البنزين ثواني بس واطلع اوكييييه؟وسن قالت ليهو اتفضل على طول م محتاجه استئذان،وصلنا لغاايه البيت ونحن ساكتين الساعه كانت ماشه لي 12كدة،نزلنا وقفته قولته ليهو شكرا ،قال لي العفو،فجأة شفنا رامي خاتي ليهو كرسي وقاعد برهه وماسك سيجارة في يدو،قال لينا اتأخرتو كدة مالكم،قولته ليهو انت منتظرنا يعني؟ههههههههه والله طلعنا متأخرين وم لقينا عربيه اسي الا وصلنا صاحب العريس،قال لينا وتطلعو متأخرين ليييه انتو عارفين انو م في عربيه في يدكم ،وسن قالت ليهو عاين طلعنا متأخرين وخلاص واسي رجعنا فشنو افصلها،قال ليها لا م خلاص اوكييه جاين الساعه 12بالليل وجايه تقولي لي افصلها يمكن انتي يكون عندك عادي بس بالنسبه لي انا م عادي،قالت ليهو عاادي؟يعني عشان سايقه اختك جاي تقول لي الكلام دة؟فعلا عاادي ي سيدي م انا لافه وبرجع بيتنا انصاص الليالي كيف م يكون بالنسبه لي عادي ومعليش اخر مرة اسوق معاي اختك مكان،قولته ليهم شباب روقو كدة قولو بسم الله،وسن مشت دخلت بيتهم ،قولته ليهو رامي بالغته وصراحه كلامك كان سخيف شديد،قال لي اعمل ليها شنو مثلا كلامي دة م فيهو شي بزعل هي العايزة تكبر الموضوع يلا ادخلي قدامي البيت انتي كمان،دخلته وانا بتكلم معاه قولته ليهو والله الحفله كانت ظابطه كيف وكان شوفته جكس الحفله كلوو كان بعاين لي وسن والحاجه الحلوة بعد م ركبنا العربيه في واحد رسل ليها رقمو مع شافع كدة،بعد مسااافه قال لي وان شاءالله سجلتو،قولته ليهو لالا جدعتو هي اصلا عندها واحد مالي عينها وبتحبو شديييد بس دايرة توري بيهو زول مع انو معذبها المتخلف دة وبتلون برااه المنفسن وبنفسن بيها 😪قال لي عايني بطلي نقه وادخلي وانتي سااكته،قولته ليهو مالك فااير فجأة،طبعا انا قاصدة اعمل كدة😂💔دخلته غرفتي وهو دخل غرفتو بعد مساااافه سامعاه طلع من غرفتو وهو بتكلم بالتلفون وبقول:اطلعي برة عايز اتكلم معاك،عايني اسمعي الكلام وبطلي بكى تمام بتككلم معاك اطلعي،وقسما بالله اصل الباب م اللقاك طلعتي اضرب جرس بيتكم نص الليل دة واقول لي امك عايز اتكلم مع بتك ،قعدته اضحك وقولته لنفسي خطه عثل انتي ي بيبي عثل ي ريت لو بقدر ابوسك😂🙊🙈💔اول م جيت رقدته في السرير واتغطيت فجأة خطر على بالي الولد بتاع المحل،او صاحب العريس،او الوصلنا بالعربيه او بإسمو تحديدا يوسف فضلته سرحانه وانا بتزكر تفاصيلو وحركاتو كلها في الحفله وريحه عطرو وكل حاجه فيهو كانت مختلفه او يمكن انا الشايفاها مختلفه،فضلته يومين انا على الحاله دي،وسن جاتني من الجامعه قالت لي انا واخوك رجعنا وصالحني كان شوفتي واعتزر لي😻🙈قولته ليها عارفهه حبيباااااه ،قالت لي هو كلمك؟قولته ليهارامي اخوي وانا بعرفو اي نعم هو عصبي بس حنين،قالت لي حنين وبس وااااي من حنيتو 😻🙈قولته ليها اها وتاني في شنو؟قالت لي ماف شي اليومين دي مالك انتي؟قولته انا كويسه بس عيد ميلاد مجاهد قرب بفكر اجيب ليهو هديه بس م عارفه شنو،قالت لي جيبو ليهو قميص ومعاهو ساعه وعطر وشويه اكسسوارات لزيزة كدة،قولته ليها طيب حتمشي معاي بكرة سوق امدرمان؟بقت تعاين لي مخلوعه وبعدها قالت لي ولييييه سوق امدرمان الله م كتر الا المولات في الخرطوم 😏قولته ليها الولد داك حجاتو ظريفه،قالت لي يوسف،لما قالت اسمو لمن قلبي دق،قولته ليها اايوة،قالت لي طيب ي شهد بدل م نمشي ليهو خليني انا بتصل عليهو حأشيل رقمو من اروى ولا انا تقريبا عندي رقمو خلاص حأفتشو ونتصل عليهو يختار لينا قكيص ظريف يجيبو لينا،قولته ليها اممم برضو فكرة طيب فتشيهو اسي علشان بكرة لازم يجيبو لي ،قالت لي طيب،قعدت تفتش لما م لقتو اتصلت على اروى رسلتو ليها،عايزة تتصل قولته ليها لا جيبي الرقم انا بتصل عليهو بي تلفوني،قالت لي طيب ادتني الرقم وقالت لي انا ماشه البيت يلااا،قولته ليها طيب،بعد م مشت انا قعدته متوترة م بين اتصل ولا لا واذا اتصلته حأكون سخيفه ،قعدته على الحاله دي لغاايه الساعه11 ونص بعدها استسلمته قولته خلاص حأتصل بس،اتصلته عليه ردة كان في محل جوطه كدة وشباب بتونسو على طول فصلته ،بعد مساافه رجع اتصل علي فتحته الخط وانا برجف ولما اقول الووو انا قلبي غايز يطير،قولته ليهو مرحبا،قال لي اهلين معليش بس جاتني مكالمه من الرقم دة وانا كنت في محل جوطه م كنت سامع،قولته اسفه لأني اتصلته عليك في وقت متأخر كدة،قال لأ عادي ولا يهمك بس مين معي م عرفتك،قولته ليهو معاك شهد،قال لي شهد؟؟معليش ياخي م عرفتك شكلك متصله غلط،قولته ليهو لأ انا صحبة صحبتها لي أروى بتعرفها؟،قال لي صحبه صحبتها لي أروى؟؟؟في اللحظه دي انا بهتتتهه شديد والله😭😂...
#تخريمهه
اسفهه💜
#نتلاقى®♡
