طلعت من المستشفى بعد شهر من العزا دخلت غرفتها و ارتمت على سريرها وهي تبكي و كانت زوجة أبوها تصرخ :لميس وصمخ قومي يالله بلا دلع وسوي الغداء ولا تسوين نفسك تعبانه أو حزينه كان فرغتي اللي فيك في المستشفى انا ماعندي دلع دلعك راح مع أهلك يالله قومي .
لميس خائفة :ب ب بس انا ما اعرف .
أم هدى: نعم نعم كيف ما تعرفين (بحقد):طبعاً ما راح تعرفي مو انتي عايشة في بيت كله خدم و انا ابوكي ما كلف على نفسه و جابلي خدامة ( بصراخ ):قومي يالله بتسوينه غصب عنك فاهمه لأنك بتصيري الخدامة اللي ابوكي ما جابها لي (وباستهزاء): وبلاش كمان .
طلعت من الغرفة بعد ما رمت كلامها عليها غمضت عيونها و شهقت "آآآآآآآآآه يمه وييينك ليش تركتيني اعاني ليش ما اخذتيني معك و ريحتيني ليش دفنت وجهها على المخده وهي تبكي و ترتجف و كل شيء صار يمر قدامها ...........حريق ......دخان ............ جثث .......صراخ "آآآآآآآآآه (حطت أيدها على آذانيها ماتبي تسمع الأصوات اللي تتردد في راسها .
دخلت عليها هدى(بنت زوجه أبوها من زواجها الأول) .
هدى:لميس
رفعت لميس رأسها وهي تمسح دموعها و تطالعها:نعم
هدى تطالعها بدون نفس :قومي سوي الغداء انا جوعانة
لميس:اوكيه
هدى من طرف خشمها :يالله بسرعة .
لميس تأففت وهي تدخل الحمام ووقفت قدام المغسله و غسلت وجهها طالعت وجهها في المرايه كان وجهها اصفر و عيونها الزرقاء مورمه من البكى و ذبلانه مبهذل تجمعت الدموع في عيونها وهي تطالع شكلها المتغير سمعت صوت زوجه ابوها تناديها غسلت وجهها و رتبت شعرها و طلعت (لميس بنت جميله جمالها خيالي شعرها كستنائي يوصل
لآخر خصرها ناعم من نعومته كأنه خيوط و عيونها كبار و زرقاء بيضاء و فمها صغير طبعاً ماخذته من أمها البريطانية (جوانا): تزوجها ابوها لما كان في بريطانيا و كانت مسلمه أخذها لأهله لكن أهله بحكم عاداتهم رفضوا زوجته و أبوه طرده من البيت رجع لبريطانيا لأن زوجته كانت حامل و بعد ما ولدت و جابت ولد سماه رامي بعده بأربع سنوات جابت بنت"لميس" وبعد سنوات رجع للسعودية و ترك زوجته و عياله
في بريطانيا و حاول يرضي أبوه و لما طلب منه أنه يطلقها رفض لأنه يحبها و عشان عياله و اضطر إنه يوهم أبوه إنه طلقها لكن أبوه غصبه إنه يتزوج بنت صديقه "سفاجه"
وكانت متزوجه قبله وعندها بنت"هدى" .تزوجها لكن كان مايجلس معاهاكثير لأنه كان يحب زوجته البريطانيه ومايبيهاتزعل فكان يسافر لبريطانيا لهاعلى إنه مسافر لعمله ويجلس عندها أسابيع ويرجع للسعوديه لكن في الأخير إنتقل للسعوديه هو وزوجته و طبعاأبو زوجته الثانيه إكتشف زواجه وفض الشراكه بينه وبين أبوه،أبوها حاول يطلق بنته منه لكنهارفضت لأنها خافت من كلام الناس بطلاقهاالثاني. أماأبوه غضب عليه وطرده وزوجته الثانيه كرهت وحقدت على زوجته الأولى وعيالها
