High School Love Team | ✔️

HSLT 69

•Narrative•

Monday. After Fieldtrip. Lahat halos ay hindi pa nakakamove on sa pangyayari. Ang mga kaklase ko ay usap-usapan ang mga naging ganap sa trip except for Arrow na nakita kong nakatambay mag-isa sa corridor at nagsesenti.

Dahil ayoko siya makitang nag-iisa dahil kaibigan ko siya, nilapitan ko ito at kinamusta.

"Uy! " pagtawag ng pansin ko sa kanya sabay tapik sa balikat. "Bakit nag-iisa ka rito? "

"Wala. OP ako sa inyo, e. " sagot niya sabay kibit-balikat. "Buti pinuntahan mo ko, may ibabalita ako sa'yo. "

Parang nabuhayan na naman ang tsismosa cells ng katawan ko dahil sa sinabi niya. Luh, naeexcite ako!  "Bakit, kayo na ni Tori? "

"Agad-agad, e hindi pa nga ako nakakaamin sa kanya? " aniya na nagpababa ng mood niya.

"Luh. Sorry naman, bagal mo rin kasi e! "

"Nagsorry ka pa e 'yong sumunod mo namang sinabi nakakasakit ng damdamin. "

"Huh,  bagay lang 'yon sa mga torpeng tulad mo! " sabi ko sabay batok sa kanya ng pabiro. "E teka, ano nga ba ang ibabalita mo. "

Hinawakan niya ang dalawang balikat ko at biglang nagseryoso. "Kiyarah, 'wag kang mabibigla. "

"Hala, pasuspense! Sabihin mo na! "

"Kasi noong mga nakaraang linggo, naga-audition ako para sa isang lead role sa upcoming teleserye ng ABS GMA Channel 5. At—"

"OMG OMG OMG IS THIS FOR REA—"

"Teka lang, ha. Patapusin mo muna ako! "

Bumaba naman ng 1% ang energy level ko pero hindi pa rin nawala ang excitement ko. "Tapos tapos? "

"Tapos... natanggap ako na gumanap sa isa sa mga leading men. "

Napanganga ako dahil sa binalita niya. In shock pa rin ako.

"OH MY GOSH WAAAH MAY KAIBIGAN NA AKONG ARTIS—"

"Uy 'wag kang maingay! " saway niya sa akin sabay takip sa aking bibig. Tumango-tango ako at tinakpan na lang ang sarili kong bibig. Hindi ko macontain 'yong feels!

"Grabe, proud na proud na proud na proud ako sa'yo, Arrow! " ani ko at saka siya niyakap habang tumatalun-talon. Ang saya saya talaga.

Kumalas na sa yakap si Arrow at nagsalita. "Kiyarah, maraming salamat sa lahat ng naitulong mo, ha? Hindi ko maaabot ang pangarap ko kung wala ka. "

"Sus. Drama! Haha your welcome, Pana. Walang kalimutan kapag sumikat ka na, ha? "

"Oo naman! Ikaw kaya ang pinakauna kong ka-loveteam." aniya sabay killer smile. Gwapo! For sure titilian ng maraming girls 'to! "Kaso Kiyarah, ilang buwan na lang tayong magkakasama. Magh-Home schooling na ako, e. "

Hala.

Lahat na lang ba ng mga magiging kaibigan ko, iiwanan ako?

Una si Larrent tapos ngayon naman... si Arrow.

Hay, sino na lang ba ang hindi mang-iiwan?