صراع القدر

البارت الثاني

فهد :🤔شبيها  شمه ليش ضاجت درت على امي
هزيت راسي شنو الموضوع 

ناديه :شبيك خويه ترى ماكو شي 
بقلبي كلت
اعمى البنيه ذابحه روحها عليك وانت ولايمها
طلعو بناتي زينب ورقيه لان سمعو صوت خالهم
طبعآ عندي ولد اثنين  علي وحسن بس كوله
ملتهين بلعب الطوبه ومحد يشوفهم بالبيت

وانا استغليت الفرصه  رحت
لشمه 
شبيج ياعيني ليش ضايجه 
تعذبتي وهومو يمه  لاتقبلين نحجيله ولاهو يفتهم وينتبهلج
تركيه ولاتنقهرين اشو مية واحد يتمناج
لشوكت تظلين تنتظرينه

شمه :😔موبيدي والله غصبآ علي
احبه شسوي  مااكدر لاانساه ولاابدله
كل تصرفاته تخليني احبه 
يالله تركيني بهمي خلي نكمل الغده
ويصير خير لاحك على السوالف

فهد :شلونكم بنات بالدراسه
رقيه :الحمد لله تمام  اكولك خالو  ماناوي تتزوج
ترى ضايجين نريد نركص

فهد :ههههه  شنو سالفتكم وياي تردون تزوجوني
بعدني مامفكر

رقيه :خالو بروح جدي فكر كون على العطله
ترى اكو ناس ميتين عليك 😉

فهد :صدك والله منو  صار عندي فضول
ناديه :😡 ولج رقيه كومي ساعدي  شمه  من تدرسون قابلين
تكعدون واحنه نشتغل بس
مال كاعدات تسولفون واحنه نكرب مااقبلها

فهد :على كيفج خويه وياهم ترى بعدهم صغار واذا محتاجه مساعده
انا اساعدكم

ناديه :خويه خربو صارو فاهيات كلشي ميدبرنها بس
سوالف

رقيه :امي عيونها  صارو حمر من العصبيه ركضت
لاتعيط مره ثانيه  عبرت بصفها
كرصتني حيل

ااااااااااااخ
فهد :شبيج 😰
رقيه :كرصتني حبه 😛
دخلت لشمه اشوفها مقهوره   شاورتها
انا انطيج الحل اليوم بالليل  تعالي لغرفتنه

شمه :صدك تحجين انت 
فدوه لقلبج ترى قلبي خلصان لاتستهزئين بيه

رقيه :شبيج والله انت بس سمعي كلامي وشوفي
شمه :الله وايدج الله عليج بيه شي مو حلو او مو مرتب كولي
اعدله

رقيه :انت ورده والورده ماتنقتس بالونها وحجمها وشكلها
مهما تكون هي تظل ورده
انت داخلج طيب وكلج اخلاق
حلوه او موحلوه تنحبين ومع هذا ماناقصج شي

شمه :امشي نحضر السفره لا تعيط بينه امج

فرشنه ورتبنه الاكل ماشاء الله  اكل ناديه
كلش طيب نفسها حلو بالاكل

دولمه وسمك وباميه 😋
بس شلون راح اكول وكدامي فهد 😰
اجه اخوي كعد وصاح لفهد
يكعد يمه