بانجتان في بيت الأشباح

BTS في بيت الأشباح

جيمين : ايه البيت الي انت جايبنا فيه ده يا عم ده شكله بيت أشباح
شوجا : بس متجيبش سيرة الأشباح عشان معانا واحد عنده حساسيه من الأشباح
جيهوب : أشباح عااااا انا عايز اروح
نامجون : تروح فين يا عم انت هو احنا في الملاهي دحنا تايهين ... يعني غصبا عن الي جابونا هنفضل هنا .... ثم إن ده الحل الوحيد ولا عايزنا يعني ننام في الشارع ويطلع علينا عصابه يقلبونا ولا يشرحونا
جيهوب : عصابة عااااا لاااا خلاص العفاريت ارحم
تاي : مش يمكن نبقي صحاب احنا والعصابه يا هيونج
جين : بسيبابا اسكت يا تاي يا حبيبي بدل ما ارميك بره ... وساعتها هتتصاحب مع العصابه براحتك بقي
جونكوك: ايه يا جماعة الخوف ده كله ده مجرد بيت مهجور يعني ... وحتي لو فيه أشباح.. هنقدرهم هنا
جيمين : لا يا شبح ! اهدي كده دول بردو أشباح وليهم مقامهم
جين:  هي الكهربا الي هنا ممكن تقطع في اي لحظه ؟
تاي : لا يمكن تقطع .... وحتي لو قطعت ابقوا استخبوا ورايا
*النور بيقطع فجأه*
جين : بركاتك يا بن الفقرية
تاي : يا مامااااا * بيستخبي ورا شوجا*
شوجا : جرا ايه يا وحش جرا ايه يا هرقليظ فيه ايه مش كنا هنستخبي وراك بردو
تاي : معلش اصلي ببقي خجول شويه في المواقف ديه
جيمين: عالعموم كل واحد يروح ينام في اوضه لغاية ما اليوم ده يخلص علي خير
*كل واحد بينام في اوضه ما عدا جيهوب وجين بيناموا سوا والاتنين أجبن من بعض*
*عند نامجون *
*بيطلعله عفريت*
العفريت : لو سمحت يا باشا معاك ولاعة لأحسن انا خرمان ما دريان
نامجون : اه طبعا اتف.... عا عاعافريييت
العفريت : ايه يا عم خضتني ... مالك شوفت عفريت !!؟
نامجون :  انا الي خضيتك دنتا قطعتلي الخلف ... لا يا راجل!
العفريت : وديه اول تجربه ليك ولا ايه ؟
نامجون : هو انا بقدم في The voice ... امشي ياد يا بن الهرمه من هنا
العفريت : خلاص يا عم مش عايز منك حاجه انا ماشي
نامجون : في داهيه
*عند تاي *
العفريت : هاي يا شبح .. معاك ولاعة
تاي : الللله... عفريت هيييييه تعالي العب معايا شويه بدل الملل ده
العفريت : يا عم العب ايه انا عاوز ولاعة واتكل انا علي الله
تاي : الله عفريت مسلم كمان دحنا ليلتنا هتبقي عنب
العفريت : ليلتنا وعنب ..... متقلقنيش منك 
تاي : تعالي بس هريحك
العفريت:  لا انا عفريت اه بس راجل اوي
تاي : يا عم هفهمك
العفريت : ولا تفهمني ولا افهمك انا ماشي ومش عايز منك حاجه   *بيخرج بره الاوضه*
تاي: يا عم انت حر كنا هنلعب فيديو جيمز مش اكتر
*عند جيمين *
العفريت : معاك ولاع..... اوباااا ايه ده هو انا دخلت الحضانه ولا ايه ايه الطفل الكيوت ده .... وده هيبقي معاه ولاعة ازاي وهو موصلش لسن التدخين حتي
جيمين: عاااافر..... ثواني كده حضانه ايه وطفل مين ما تحترم نفسك يجدع انت دنا بالصلاة عالنبي عندي 22 سنه
العفريت : 22.... ميبانش عليك خالص ... ياتي عليك
جيمين : حتي من العفاريت بتهزق وبيعملوني كطفل .. هو مفيش حد بيحترمني خالص
العفريت : بص انا عندي اخت في سنك كده ممكن اجوزهالك جيمين : هي فين ديه ؟
*بتظهر طفله رضيعه *
 العفريت : تراااا
جيمين : امشي ياد يا بن الصرمه من هنا
العفريت : كهرمانه لمي عيالك عندي شغل .... بتشتم واحد قد جدك اه يا قليل الادب
جيمين : قد جدي!! ليه عندك كام سنه؟
العفريت : 11965 سنه
جيمين: يا وعدييييي... وده سن ولا رقم عربية .. دنتا رجلك والقبر ياسطا
العفريت : انا عفريت يا بني... بص انا همشي باي يا بطوط بقي
*جيمين بيحدف المخده عليه وبتيجي في الهوا*
جيمين : يلا يا بن ال.... ال بطوط ال
*بيروح لشوجا*
العفريت : سالخير عليك يا....
*مبيكملش بيلاقي حد بيشتم وبيزعق*
شوجا : مين ابن التيت الي فتح الباب عايز انااام
العفريت : يا مامي ... انا يا عم معاك ولاعة
شوجا : ولاعة!!! .... دنا الي هولع فيك دلوقتي لو مخرجتش
العفريت : هو مين فينا العفريت ... انت يالا اتكلم عدل
*شوجا بيبصله بغضب* : بتقول حاجة
العفريت:  ااالا بقولك نام عدل لحسن ضهرك يوجعك وانت نايم
شوجا : امشطلع برا
العفريت : اوامرك يا باشا
*بيروح لجونكوك بيلاقية بيعمل ضغط*
العفريت : عاااش يا وحش ... معاك ولاعة يا شبح
جونكوك : لا معييش.... ممكن تعدلي بس لو سمحت
العفريت : من عنيا
جونكوك : حبيبي تسلم ... ما تيجي تشد الهمة معايا
*العفريت بينزل يعمل ضغط*
جونكوك : 100 ؛101 ؛102
العفريت : الله يخربيت شورتك انت مبتتهدش دنا كعفريت خلصت خلاص *بيقع عالأرض*
جونكوك: عفاريت اخر زمن ... ما تنشف يلا شويه
العفريت : لا يا عم مش لاعب انا ماشي
*بيطلع بره*
العفريت : ده ايه بيت المجانين ده يا ربي يعني يوم ما يجيلنا حد البيت يبقي دول ... معدش فاضل غير اوضه .. يا مسهل
*بيروح لجين وجيهوب*
العفريت " لو سمحتوا مع....
*مبيكملش بيلاقي ناس بتصرخ جامد وبيصحوا كل الي في البيت*
*الأعضاء بيجروا عالأوضه*
تاي: في ايه في ايه؟!!
جيهوب : عا عا عافريييت ااعععع
العفريت : تصدقوا انا عفريت وسخ اني جيت هنا أساسا... دنا اتطرشت
 تاي : الله انت لسه موجود ما تيجي نلعب بقي
العفريت : لااااا
نامجون : انت لسه ملقتش ولاعة يا ضنايا
العفريت : والله وجه اليوم الي اصعب فيه علي بني ادم.... هو انا مبخوفش اوي كده
جيمين : بالعكس دنتا كيوت اوي
العفريت : تسلملي يا بطوط
شوجا : انت يلا انت وهو خايفين من ايه ده عفريت هفأ
العفريت : مسمحلكش يا كابتن
شوجا : ها ؟
العفريت : براحتك يا باشا
جين : ده شكلوا يخوف اوي
العفريت : وايه فايدتها يخوف ديه بعد التهزيق ده كله.... اقولكوا انا هعتزل وهقعد في البيت وانا آسف عالإزعاج امي قالتلي يا بني اخرتك مع البني ادمين وحشه ... صدقتي يا حجه ... انا اصلا ابن كلب اني طلبت ولاعة انا اقلعت عن التدخين خلاص
جونكوك : طب طير من هنا بقي بدل ما نقلعك من حاجه تانيه ها
العفريت : لاااا يا مامااا
*وبيجري*