صراع القدر

البارت الرابع

                           بقلم زهرة الاقحوان
                             
        

ولج شمه اجه اخوج رائد تعالي وينج

شمه :اوووو شجابه هذا
طبعآ رائد اخوي الصغير ولااتفائل بيه ولااحسه اخوي
ماعنده اي شي يدل على انو اخوي
لاحنيه ولاغيره اروح اشوفه
امري لله
هلو رائد شلونك اخبارك

رائد :زين انت شلونج وين جنتي
شمه :تمددت شوي تعبانه

رائد :اكيد ناديه متعبتج وكاربتج بالبيت فرصتها هاي
امشي وياي احسن الج
شمه :شقصدك وين امشي
اروح اشوف زوجتك واولادك

رائد :لا تعيشين وياي انا هم اخوج مثل ما ابو زينب  اخوج
شمه :الله يخليك رائد انا مرتاحه هنا
ولو اموت مااحصل مثل ناديه ربتني
ودارتني وعمرها مااعتبرتني حماتها
وشنو الجديد بالموضوع عمر انا عايشه وياهم شنو اختلف

رائد :طولان لسانج وانا اعرف شلون اكصه الج
يابرعه

شمه :نعم الله عليك
عمرك ماسمعتني حجايه حلوه
كمت اجيبله ماي تلكاني ناديه تبتسم بالمطبخ
دنكت علي
ولج انت ورده لاتخلي الهوى الحار يذبلج
شمه :ابتسمت فعلآ الله يحبني خلالياج
اعطتني الصينيه محضره الماي والعصير
اخذته ورحت
مالكيت رائد
فكه ماتجي الا بالك شي
شكد جنت متونسه بصوت فهد
طير ونستي كلها
ناديه :لاتضوجين يظل اخوج
لاتضيعين الموضوع علي شحجه وياج فهد
بشريني
يالله ولج الفضول كتلني

شمه :🙈🙈🙈 تدرين بيه مااظم عليج شي
واعدني فهد يجي يشوفني
وايفكر بيه
ماتدرين شلون فرحانه اتمنى فهد يظل يمي
اخليه بنص قلبي ابد مااطلعه

ناديه :حشه مو قلب ولج شريد انا انت قطعه مني وهو اخوي ونبض قلبي ياسعدي تنجمعون بالحلال
شمه :الله يسمع منج ياندوه والله لو تدرين شصاير بيه
قلبي خلص كد مااانقهر واتمنى وادعي وابجي حتى مل مني

ناديه :شلون حبيتي فهد وانت ربيتي وياه
شمه :هو لان ماشفت بحياتي رجال غيره
ملكني وملك اهلي
ناديه :انت بسيطه اهلج شله بيهم
اكولج لازم تعدلين نفسج وترتبين وضعج
انريد نفرح بااخونه

شمه :🤔يعني شسوي كليلي
ناديه : يعني يحتاجلج حفافه وهل الدشاديش انا مليت منهم
اليوم احاجي اخوج واخذج للسوك اشتريلج وانروح لجارتنه
ترتب حواجبج

شمه :انا من هاي ايدج لهاي ايدج
شماتسوين سوي
ناديه :سهله خلي نكوم نحظر الاكل
وبعدين استخدم اسلوبي واخذلج فلوس وموافقه بعد شتردين

شمه :شا ريد انا بدونج جان ظاله بالبيوت
الله برحم والديج على تعبهم ياج
وفعلا بعد العشه كعدت ناديه تحاكي اخوي
والبنات لمولي السفره رانا اغسل
سويتلهم كوفي وقدمته
وكعدت يمهم