اسيرة عيونك ( قصة بالدارجة المغربية )| مكتملة .

1

 
هجااااااار .. هجاااار وهبطي ا صاحبتي
هجر (كطل من الشرجم) : اااه يا ناري صباحاتو لله خلينا نعسو ا زفتا راه مابقا والو للمدرسة خا نبروفيتيو احمباك
-وا تي هبطي قالا العطلة
هجر : وا طلعي طلعي
... أم هجر : صباح الخير بنتي رغد مزيان مني جيتي تفيقي ليا هاد الخميرا راه كاتبات فداك المشقوف و تقولك مكتخليونيش ننعس
رغد : هههههه الله أودي ا خالتي عارفا خروب بلادي. . صباح الخير بطيبيطة لا زادت هاد العطلة شويا تولي مخمارة هجر(كديرلها خمسة فوجها ) : كوخ كوخ كيما شفتيني تخليني
رغد : تي زيدي مزييينك كحل عينك ههه يلاه معايا اختي للبال راه اتبدا المدرسة ويلاه هاد صيف وفرت واحد ربعالاف نشري بها شي شراوط
هجر :وخا يلاه
كتساؤلو على شكون البطلة هههه اكيد انا رغد نقدم لكم راسي رغد الوازاني عمري 18 سنة انبدا لكم معاناتي من نهار كنت كررت التاسعة ماشي على ود مكلخة بالعكس انا من النوع لي كيحفظ و كيفما كنقولو كرايديا كررت السنة حيت داك العام الأب ديالي باش مشا البلاد دار كسيدا مني تلقينا الخبر الأم ديالي جاها شلل نصفي و مع كان اللخر د العام كان قرب الموحد بقيت مقابلاها وسقطت داك العام من بعد نجحت الدار لي كنا ساكنين فيها خرجونا منها
بابا كانت عندو شركة صغيرة كنا ميسورين الحمد الله بابا كان متعلق بالتراث المغربي كنا ساكنين ف دار بلدية كبيرة شبيها بالرياض حتى نهار مات بابا جاو شي وحدين خرجونا قالت لي ماما بلي عائلة بابا اذن اضطرينا نكريو بيت واحد البركة هي لي بقات من الوليد الله يرحمو وهي لي كنا قاضيين بها ماما مسكينة مكتحركش شادا لحاف انا لي كنوكلها ونشربها وندير ليها ليكوش هاد الصيف تقادات لينا الفلوس دخلت نخدم فواحد الباتيسري سميتو بريد هاوس معروف الراجل المسؤول تماك معرفة مع الوليد الله يرحمو وكاعما رضها لي فوجهي كيعطيوني 200 درهم لسيمانا ماما طلبات مني نديها لبلاد عند خوتها جيهت القنيطرة ورجعت حيت سبحان الله خوالاتي وعمامي انا دم د سنانهوم معرفتش علاش مني رجعت دازت سيمانا تاصلو بيا قالو لي راه مك ماتت و متجيش عندنا ولامغيعجبني حال .. انا يتيمة الأم والأب معندي حد من غير الله .. داك السيد الله يكتر خيرو زادني 50 درهم فالسيمانة داك البيت كارياه ب 300 درهم كنجمع 1000درهم للشهر 300 للكرا و شي 200 درهم الماكلة و صافي و شي لاخور كنخبيه لانقدر نحتاجو صاحبتي هجر صغر مني بعام الله يعمرها دار هي و مها مرة مرة هوما لي كيعطيوني لحويج نوصف لكم راسي و بكل تواضع انا زوينة لكن وجهي باين فيه العيا نيفي صغيور عيني بين الرمادي و الأخضر كباار وفمي عامر بشكل مثير شعري حد كتافيتي اسود مائل الأحمر طايتي منحوتا عامرة من الأماكن لي خصها تكون عامرة ...طولي عادي مطويلة مقصيرة لكن فعالم دايرين بيه الدياب مخصنيش نبين معالمي الأنثوية .

ديما خاركة جلابة باش نتفادى المشاكل و ديما كنشري حوايج كبار عليا باش ميتبسل عليا حد قررت هاد العام نبدل التانوية بالمناسبة انا كنقرى شعبة الآداب لكن أدبية عن جدارة و استحقاق أتقن اللغة الانجليزية والفرنسية و كتحمقني حصة التاريخ والجغرافيا السنة الماضية جبت فالجهوي 15 وبالنسبة لادبية ف انا وااعرة إنشاء الله انقدر نوفق بين المدرسة والخدمة انا مبخيتش نخرج من القراية حيت عندي طموحات وأحلام وانا متأكدة أنني انحققهوم
غادة انا والصديقة الحميمة تنضحكو تالواحد الساع جا واحد نترلي لبزطام من يدي و البزطام فيه450 درهم (احم راني ملعقة ههه ) بديت كنغوت
انا : واااااا شفااااار شفار اهئ اهئ ميمتي و دا لي راس مالي .. تا بان لي واحد سيد هبط من الطموبيل و غادي تابعو كايبان لي شدو كهلو عصاااا نيييت تا ناس بداو كايفكوه و كيبان لي جاي ناااااااري ويلي لا ناري مي فردي ناري مي وليت شفار ناري مي وليت قتال توووما هادا لا قلت طويل غلطت فحقو عملاااق كان لابس زي رسمي كومبلي و داك الكومبلي كيبان من الكتاف والصدر عامر .. جا مدو ليا و انا ساهيا فوجهو شحال زوين عندو لحية مطراسيا و كحلة وشعر بحالا قهوي
الشخص : اختي هاكي متخلعيش و مرة جاية ردي البال
انا : .. أ .. وخا شكرا ا سيدي
الشخص : (إبتسم واحد الابتسامة ساحرة اييييياه ) : العفو
مشا ركب فواحد الرانج روفر رباعية الدفع .. شفت فهجر وشافت فيا هههه فهماتني بنت اللدينا
هجر : أي يا ميييمتي تيتييييييز
رغد : قربت نسخف
هجر : هههههه زيدي ا ختي تشري زيري
مشينا انا و هجر للبال شحاااال وانا انحماق على شي سليم ههه عاد لقيتو نيت واسع عليا و خديت واحد السبرديلا اكل عليها الدهر و شرب و شي قوامج و تي شرتات كيعيط عليهم غا ب 5 دراهم مهم درت الشوبينغ غي ب 150 درهم مخليت مشريت ههه فرحت بديك 50 درهم و انا نمشي انا وصحيبتي عركناها معقودا و شرينا زريعة وبقينا غاديين تا وصلنا الحوما و كولا مشات لخربتها