صراع القدر
بقلم زهرة الاقحوان
البارت السابع
شمه : صح صار الوكت لازم يخطبني
لان اخوي مراقبني خاف يورطني بورطه كشره
خلي اكله واكيد فهد مراح يكول شي
طلعت برى شفته كاعد وصافن
ياربي شلون اصيحله زحمه ظليت محتاره وهو ولا حرك راسه
بسيطه استاذ فهد
شفت حصوه كبيره كدامي شلتها انتبه محد كدامي
واطكها برجلي 😱
كووول
فهد ؛نعله هذا ياحقير ارفع راسي والكه شمه ميته من الضحك
رحت الها عود صدك تحجين
شلون تسوين هجي مو عيب شكبرج وشكدج
شمه :اي لان اشكبرني وشكدني اريد احاجيك بموضوع
فهد :اكولج شطالعه اليوم تخبلين
شمه :شكرآ
فهد :وبهل المناسبه قررت اخطبج رسمي كافي بعد
لازم اجيبج يمي
شمه :صدك تحجي
😭😭😭😭😭جنك بقلبي كاعد
فهد :شيعجبج اليوم او باجر افاتح ابو زينب
شمه :اليوم ماانلحك بس باجر اي
واكون على احد من الجمر اصير مرتك حلم حلم
فهد : يالله من هسه اكولج نسوان بالباب مانريد
بسرعه دخلي
شمه :مو تدلل يابعد طوايفي
فهد :ههههه
حلو ان اتحب انسان وهو يبادلك نفس الشعور
احب المرأه المطيعه وجدت بحب شمه
طاعه بلا حدود
قرار الخطوبه الكل شجعني عليه وانا كنت
مستعد ماديا ونفسيآ للارتباط بيها
شمه :يمه رجلي بادو مابيه حيل امشي
عود صدك هجي واصير زوجة فهد
ينرادلها بخت هاي ☺️
ناديه :دخلت شمه بس ودها تطير من الفرح خلي اشوف شصاير
تعالي شمه شمه
شبيج ولج ظليتي تتلونين
شمه :باجر فهد يخطبني ☺️
ناديه :صلوات على محمد واله محمد
الله يتممها ولج شلون اثنين
عزاز على قلبي الله يسعدكم
شمه :امين اكولج انا مااتحمل الطاقه العندي مال ركص
الا اكوم اركص
ناديه :ادري احنه قرايبهم مامتحركين انت شكو كعدي وسكتي
شمه :ماعلي
شلت حجابي وفتحت شعري
ونزلت بالنص 🙈
طبعآ استغربو لان ميعرفوني
بس ماقصرت خليت الكل صافن 😉
ناديه :سمعت النسوان يكولون منين هذي الحلوه
وحده تسأل الثانيه
كمت كلتلهم
ترى هذي زوجة اخوي
-ماشاءالله كلش حلوه الله يسعدها
شمه ولج تعالي صرتي حديث الموسم
كعدي ترى اكل لفهد عليج 😡
شمه :لايمعوده كعدت لاتكولين ولاشي
ناديه :رجعنه تعبانين البنات بدلو ونامو وانا وشمه
كعدنه نسولف
شمه :اكولج لازم اروح انام لان وراي كعده
فدوه كعديني موتنسين
ناديه :ان شاء الله باجر من وكت اكعدج
تدلل مرت اخوي
صفنت على شمه كيف كانت طفله عندي
وربيتها وكبرتها وهسه صارت
مره وراح تتزوج وتفاركني
اوووووووف الله يوفقها
كعدت من وكت توضيت وصليت اباوع الكل نايم
شكد حلو من تكون العائله ملتمه وهدوء
ومحبه تجمعهم عائلتي
أنت تقرأ
صراع القدر
Mistério / Suspenseصراع القدر اعيش حربآ في داخلي حتى انتِ لن تفهميه ليصبح قلبي رماد يصارع قوة الرياح لتذهب به بعيدآ لكنه يستقر على زهرة تجعل من الرماد قلبآ ينبض ......................
