لم اتزوج حبيبي

الجزء 01

أنا البت الما عرست الزول البتحبو 💔💔

انتو منو 💔❤😂😂

بنااااااات .. جيت أفضفض ليكم انا ♡♡

جيت أحكي ليكم قصتي !!!

يااا بنات القصه دي قصتي انا الشخصيه الحقيقيه !!

أحداث هذه القصه حقيقيه و أي تشابه بينها و بين الخيال فهو عن طريق الصدفه غير المقصوده !!😬😬

.. انا زولة الله .. زوله ماشه ساااي ف الدنيا دي .. بعرف اضحك و انوووم بس .. عايشه في حاله كامله من اللامبالاه الابديه 😩😩

ماف حاجه ولا زول بيفرق معاي غير اهلي و صاحباتي !!

ما عندي حاجه لزول بالذات الاولاد !!!

ابدا ف الجامعه ما كان عندي بيهم كونتاكت

ولا ف الحياه عموما ...

ولو في ولد سااااااااي شاغلني ف الشارع بتعقد و اسبوعين ما بنزل الشارع 😂😂😂✋

وممكن عادي اخش ف حاله نفسيهه 😆😁

(معقققققده ) كانو بيقولوا علي !!!

ما علينا ...

المهمممم .. بطريقة ما و بلطف ربنا قريت طب ف جامعه سمحه و معروفه و اتخرجت ...

وبدت القصه ...

كنت يااادووووب اتخرجت من الجامعه ..

و قلت بدل اقعد ف البيت استنى توزيع الوزاره للامتياز ((.. اللي هو تقريبا بيكوون بعد 8 شهور او اكتر من التخرج )) .. احسن انزل شغل ف أي مستشفى قريبه ..

و كمان لأني زهجت من قعدة البيت شديد .(مع اني كسلاااااااانه خلقه ) وما بزهج بالساهل 💅😅

في تقلة دم حاااصله 😎

. و لأنو امي و ابوي كانوا بيزنوا علي شدييييييد ..

ف النهايه قررت اتواضع و انحني و اتنازل عن ترطيبة البيت و جو المسسلسلات و الافلام و نوم النهار و سهر الليل 💅💇😍😌😌و اختار التعب و نزول المستشفى !! 💔

كنت حاسه اني بودع الرفاهيه و ح اعيش العذاب .. و انو دي نهاية السعاده ...

و ما كنت عارفه انو السعاده يااادووووب ح تجيني وو انو انا لسسسه ما كنت عرفت يعني شنو كلمة (السعاده) و انو اسعد ايام حياتي يااااادوووووب ح تبدأ ...❤❤

و جاء اليوم الموعود ..😂. صحيت علي صوت المنبه (من غير نفس) .. و بعد عملت غفوه 10 مرات . و بعد هرشه حااااره من ابوي ... قمت بعدها مخلوعه ...

حنست روحي عشان اقوووم 😥

صليت الصبح حاضر (على غير العاده ) ...😅.

لفحت عبايتي بزهجه و قمت

كللللوووو من غير نفس

التقول موديني يعدمووووني ..😅