* الخرطوم _ ٦ ونص مساء •
باب بيت ناس بتول دق .. مشت فتحتو وسلمت على لجين بالاحضان وكمان لؤي ودخلتهم قعدو في الصالون ..
بتول : وينكم ،، ومالكم اتاخرتو كدا ؟!
لؤي : معليش ي عمتي والله بس وصلنا تعبانين ف نزلنا في فندق أخدنا لينا راحة وجينا عليك ..
بتول : لالا م مشكلة المهم حمدلله على سلامتكم
لؤي : الله يسلمك
اما بالنسبة لي لجين .. كانت ساكتة وبتعاين لباب الغرفة .. منتظراهو يفتح الباب ويطلع .. الزول الما شافتو سنة كاملة .. حبها الاحتمال يكون من طرفها هي بس .. الحاباهو ليها سنين وعمرها م نستو ..
لؤي : صح وين ود العم
بتول : تعبان ونايم جوا كدي النصحيهو ليكم
لؤي : لالا خليهو يرتاح ياخ بعدين بنشوفو اصلاً قاعدين
بتول : لالا ياخ هو زاتو قال لي اصحيهو لما تجو
دخلت الغرفة صحتو وطلعت .. هو غسل وشو وكدا وطلع ليهم ..
لؤي : اوووه صالح ود العم ياخ😍❤️ ( ايوااا نفسو .. دكتور صالح الحاول يغتصب اروى هو زاتو قريب ناس لؤي و ود عمهم الله يرحمو .. وهو نفسو صديق طفولتها والزول البتحبو لجين وبتموت فيهو 💔 )
صالح : وييين ي اصلي😍💜
وسلمو على بعض بالاحضان .. اما لجين كانت بتعاين ليهو بس وحاسة انها عايزة تروي عينها بي شوفتو💔
صالح التفت عليها وقال : وين ي لوجي !!😍❤️
ابتسمت ليهو وسلمو على بعض .. وقعدو سوى .. صالح و لؤي كانو بتونسو مع بعض .، اما لجين بتعاين لي صالح كل شويتين ..
بتول : جهزت ليكم غرف الطابق الفوق عشان تاخدو راحتكم😊
لؤي : ليه العذاب ،، تسلمي ياخ❤️
بتول : عذابكم راحة ي ولدي❤️
لجين : أستأذنكم ،، عمتو بتول غرفتي ياتو واحدة ؟!
بتول : اول ما تطلعي الغرفة العلى اليمين
لجين : تسلمي
مشت على شنطتها عشان تشيلها قبل ما بتول تقول : صالح ي ولدي شيل شنطتها دي ارفعها ليها👋
لجين التفتت عليها بسرعة وقالت ليها : لالا ي عمتو ماف داعي😅
لؤي : ااي خلوها بشيلها انا😌
بتول : لا والله ي ولدي ما بتقوم من محلك خلي صالح يشيلها اصلاً قاعد بدون شغلة😂💔
لؤي : والجامعة خلاها ولا شنو🙄
بتول : بري ليهو فترة خلا الشغل في الجامعة ديك ،، قال نفسو يشتغل في جامعة تانية
لؤي : ايواا
