الجزء التاسع💕
محمد... طلعنا من المول تقريبا ساعة 12 بالليل وهي بعدها هاي شوكت ترجع للبيت منو يرجعها ظل بالي كلش مهما يكون جانت زوجتي وخفت عليها حيل منمت الليل كله ظليت افكر اخر شي كلت لازم اخليها تبطل والكالها غير شغلة وبلكي اكدر ارجعها لكليتها زين اني شعلية معقولة ليهسه احبها اووووف اي طبعا احبها ومن شفتها ولا عبالك متفاركين صار 8سنين ونسيت حتى الي سوته بية بس بنفس الوقت اعرف مستحيل ارجعلها...
طلع الصبح واني بعدني منايم كمت على دوامي والعصر بالعيادة مصدكت اخلص حتى اروحلها رحت وانتظرت برا المول دشوف شوكت ترجع والله عبرت ال12 بليل وطلعت هي والعمال هم بس جانت دتمشي ويا ولد وثنين بنات رحت ليمها بالسيارة شافتني فزت
اميرة... طلعت من المول وميته تعب ماصدك شوكت ارجع حتى انام وماشوف اله طبكت سيارة يمي...
محمد خير شكو شجابك هنا
محمد.... اصعدي اني اوصلج
اميرة.... لا ما اصعد اني هسه ارجع
محمد... نزلت من السيارة.... تعالي اسمعي كلام دا اكلج اني اوصلج... شوية وجا الولد الي جان وياها
الولد.... خير اميرة اكو شي منو هذا
محمد... وانت شعليك
الولد... شعلية شنو انت الي وكفتنا
اميرة... عوفة هذا كرايبي روح انت اليوم ارجع وياه
الولد.... متاكدة اذا محتاجة شي اظل
محمد.... مو دتكلك روح
اميرة....روح الله وياك... هاي شبيك انت شدتسوي
محمد... صعدي بسيارة
اميرة... صعدت بسيارته ومدا افتهم شي بس شفته عصبي واريد افتهم شكو
محمد...هذا منو الافندي
اميرة.... شبيك الولد يشتغل ويانه وبنفس الوقت الخط مالتي يوديني ويجيبني شكو شتريد
محمد... احاجيها واسوق على كيفي.... بعد ماكو شغل بهذا المول
اميرة.... شنووووو لا والله ومنين اعيش يلة يلة لكيت شغلة
محمد.... وهي هاي شغلة من الصبح لتالي الليل ومتخافين ترجعين هيج وقت
اميرة... وانت شعليك بابا روح عيش حياتك وعوفني بهمي
محمد....شنو شعليك كل العالم تعرف جنتي زوجتي وتشتغلين هنا مو عيب... واني اخر همي الناس بس خايف عليها واريد راحتها
اميرة... ها يعني انت علمود الناس بس
محمد... مو بس الناس اني اريد اساعدج
اميرة... تشكر ممحتاجة شي
محمد.... مو بكيفج اني حلكالج شغلة اريح من هاي وراتبها زين معليج
اميرة.... ماريد خليني مرتاحة هنا
محمد.... نرفزتني ومدتسمع كلام اخذت بريك قوي ووكفت السيارة.... شوفي دا اكلج من الاخير شغل بالمول ماكو
اميرة.... فديت عمره من يامر خله عينه بعيني ومكدرت اناقشه بعد بس مبينتله هذا الشي.... ماشي بس عندك بس باجر ملكيتلي شغل اني اليوم الوراه ارجع لان حاخذ اجازة باجر اوك
محمد.... ماشي اتفقنا هسه انطيج رقمي حتى نتفاهم... صدك صارلي ساعة امشي مكتيلي وين بيتكم
اميرة... ويييه وين رحت مو منا
محمد... دلتني على بيتهم ووصلتها جانت منطقة تعبانه وبيتها حيل بسيط وصغير والشوارع ممبلطة وين جان بيتهم ذاك ومنطقته
اميرة... تشكر عل التوصيلة
محمد... ولا يهمج تدللين فوتي وقفلي الباب زين
اميرة... لتخاف صارلنا سنين هنا تعودنا.. الله وياك
محمد...ظليت افكر وين اشغلها هدورة نطتني مهلة بس باجر احتاريت داومت بالعيادة شفت غرفة يمي بالمجمع دكتور جديد متحول بيها جتي بالي كبل اميرة فتت عليه شفت الطبيب موجود يطلع عمره بلاربعين بس مبين مهتم بروحة... السلام عليكم دكتور
زيد... وعليكم السلام اهلا وسهلا
محمد... اني دكتور محمد زميلك هنا بالمجمع اخصائي تجميل
زيد... اتشرف بيك اني طبيب اطفال... شونه هذا المجمع مريح مو
محمد... كلش والله اني صارلي سنه ونص بيه وحيل مرتاح ليش وين جنت قبل
زيد... اسكت وخليها ادمرت فد مجمع كلش تعبان الحمد لله تحولت هسه
محمد... كلي انت ممحتاج سكرتيرة
زيد... والله اي محتاج ليش تعرف وحدة لازم لان كبل سكرتيرة مو سكرتير
محمد... اي والله بنية وصوني عليها جماعة وحالتها تعبانة بس كلش امينة وحبابة
زيد.... ليش لا خل تجي ونشوف شغلها اذا مظبوطة تظل ويايه
محمد... بس شكد تنطيها راتب اني حنطيك فوكاه ولدكول مني بس حاب اساعدها
زيد... الله يبارك بيك ولو اني انطي خوش راتب بس براحتك
محمد... ميخالف مو هي والدتها شوية تعبانه وتحتاج هواية علاج
زيد... هذا هو خل تجي بعد يومين وتشتغل
محمد... اشكرك حيل... رجعت للبيت كلش مرتاح دكيت شفت رقم غريب داك اكيد هي رجعت دكيتلها
اميرة....حجيت لامي على محمد وشون يريدني ابطل من شغلي امي كيفت وشجعتني لان مهما يكون اكيد محمد ميريدلي الاذية انتظرت لليل ودكيتله مرد ورا شوية رجع دك هو
محمد... الو اميرة
اميرة... هلو محمد شونك
محمد... هلا بيج انتي شونج
اميرة... الحمد لله بشر
محمد... عيب عليج ميجيبها اله رجالها
اميرة... هههههه كدها والله
محمد... لكيتلج شغل سكرتيرة طبيب اطفال بالمجمع الي اني بيه شغله كلش حلوة ترحين الظهر وترجعين ب8 بالليل وقريب على بيتج هم
اميرة... سكتت وظليت صافنة على الدنيا جان هسه اني دكتورة ووياهم بالمجمع مو سكرتيرة عد طبيب...
محمد... شو سكتي لتخافين الراتب اكثر من الي جنتي تاخذيه بالمول
اميرة... هذا هو الحمد لله ع الاقل شوية اقرب على بيتي والوقت قليل لان امي هواية دظل وحدها
محمد...خوش لعد يومين وتجين هسه ادزلج العنوان برسالة
اميرة... اوك
محمد... لاتضوجين اعرف بيش دتفكرين هسه بس هاي الدنيا كلشي قسمة
اميرة... بعدك تفهمني من اسكت
محمد...تظلين اميرتي... كلتها وتندمت
اميرة.... كلي اميرتي ودموعي جرت بس مردت احسسه... محمد امي دصيحني التقي بيك بالعيادة باي
سديته وظليت ابجي بحركة اني الي ضيعتك من ايدي
محمد... مر يومين وجتي اميرة للعيادة عرفتها على الطبيب واستلمت الشغل وارتاحت بيه الحمد لله واهم شي ظلت مقابيل عيني لان اعرف ماعدها احد غيري
