بقلم زهرة الاقحوان
فهد : ماعرفت شجاوب عيون امي الي محتاره بيني وبين اختي
لو ناديه وخوفها على بناتها لو شمه 😔 اووووف ياشمه
حظنه معثر
خليتهم كلهم وطلعت امشي امشي
ماعندي فكره الى اين سأصل
اتمنى اهرب من الي اعيشه ومن الخيارات الي وضعوني
فيها تلفوني يرن غلقته
الى ان وصلت لمكان محد موجود في حتى الكلاب هربت منه
لظلامه وهدوئه
اوقفت ورفعت عيني للسما
ربي ليه تخيليني باامتحان وخيارات كولش صعبه
اي اختيار اخذه راح اخسر شخص احبه
صرخت بااعلى صوتي
اااااااااااااااخ
واخذت نفس واحس كولشي توقف
بالنسبه الي اتذكرت ملكه شمه وابتسامتها وكيف
تكولي يابعد طوايفي
وينج يابعد روحي تعالي شوفيني لا تظنين
انا بخير لا انا الخير ماشفته من فاركتج
كانت عيوني توجعني
تريد تمطر على وجهي
كنت احاول ماتنزل دمعه بس ليش تكابر يافهد
خلص عيونك لازم يغسلن مر القدر الي يبس جفنهن
كعدت بالارض وخليت ادي على راسي
ودنكت
شوازني وحبيت وانا ادري بحظي موحلو
فتحت التلفون
رن مكالمه من عباس
الو
عباس :ولك وينك الدنيا مكلوبه عليك
امك واختك والاهل كلها تدور
فهد :كوللهم متت 😔
اخذت حسره
عباس :ولك شلك بهل الحجي كولي وين وانا جايك
فهد :سديت التلفون
رفعت راسي
ياربي هسه شسوي
ارشدني ماعندي معين غيرك
محتار ماعندي جواب لاي احد
وضوى ضرب بعيني
عباس :ياول انت مخبل موصاحي
اكو واحد يكعد هنا كوم
فهد :وين اروح خليني الظلمه الي حولي
والفت وياها
عباس : كعدت يمه
كولي ليش هل الحزن اعرف الي انت بيه
صعب بس لازم تتغلب على كلشي
فهد : شلون خويه شلون وانا محتار بين الغالين
عباس :كوم وياي بسرعه
سحبته من ايده
وصعدته السياره وكبل توجهت للامام الكاظم
فهد :وين موديني
عباس :لمكان راح ترتاح بيه
من تحجي وتكول همك
اتصلت على والدة فهد وبلغتها انا ماخذه وياي
وراح نجي ثاني يوم
فهد :الساعه ب4 ونص صوت اذان الفجر
ارفع عيني الكي كبة ابو الجوادين
دموعي نزلو نزلت
وامشي ومااشوف احد متجهله كبل
ياابا الرضا لاتحيرني
ارشدني قربني للطريق الصحيح انت مقرب من الله
بجاهك انسدت كل الطرق في وجهي
نورني للطريق الي مايأذي احد حتى لو يأذي قلبي
انا راضي
توضيت وصليت وظليت للصبح كاعد
بالصحن وعيني مارمشت
درت والكي عباس نايم
اشوف الساعه
بسبعه
كوم عيني عباس
انا هم بهذلتك وياي كوم
عباس :لاتكول هجي انت اخ عزيز علي
ماتعرف انا شلون ضايج عليك
بس قوي روحك صدك الدنيا تمشي
وبعدين تذكرك بالي مر عليك
فهد :الله كريم
امشي نروح للبيت
عباس :شنو قررت
فهد :مااعرف الهدوء الي بداخلي عجيب
امشي نتوكل على الله
عباس :لا مانروح اذا ما نتريك
يابه على حسابي لان ادري بيك بخيل
أنت تقرأ
صراع القدر
Mistério / Suspenseصراع القدر اعيش حربآ في داخلي حتى انتِ لن تفهميه ليصبح قلبي رماد يصارع قوة الرياح لتذهب به بعيدآ لكنه يستقر على زهرة تجعل من الرماد قلبآ ينبض ......................
