Mahal Pala Kita

MAHAL PALA KITA

Mahal pala kita..  bakit ngayon ko lang ito nadama

Kung kelan nasa piling ka na ng iba, puso ko’y umaasa;

Na sana ay mahalin mo pa rin ako at bigyan ng pag-asa

Nawa’y makapiling at makayakap ka sa tuwi-tuwina.

Mahal pala kita… sa iyo lamang liligaya

Di maghahangad ng iba, ikaw pa rin sa aking ala-ala;

Puso ko’y laging nananabik na muli kang makasama

Nawa’y muling pagbigyan, puso kong nangungulila.

Mahal pala kita… ngayon ay papaano na

Kung sa piling na ng iba, ikaw ay maligaya;

Paano ako mabubuhay, sana ay kayanin ko pa

Nang mabuhay mag-isa, kahit wala ka na…

Mahal pala kita… sana ikaw ay aking napaligaya

Ang labis kong pagmamahal nawa’y naipadama;

Ngayon ako’y nag-iisa, hangad ko’y maulit pa

Puso ko’y nagsisisi, sumisigaw, mahal pa rin kita!