Hugot Spoken Poetry (COMPLETED) Under Ukiyoto Publishing House

Pag-ibig at Bigti

Mahal, hindi ko naman gustong iwanan ka o saktan ka
Ang gusto ko lang naman ay maging malaya kahit andyan ka
Yung kahit anong gawin ko sasaya ka 
Yung kahit anong gawin ko suportado ka

Pero bakit nga ba ganito?
Na sa tuwing lalabas ang barkada lagi akong napapako?
Pinipipilit na makatakas sa lakas ng paghampas mo
Pinipilit indahin ang sakit na 
nararamdaman ko

Naala ko pa nung sinabi mong "papasayahin mo ko"
Pero asan na?
Mukhang sarili mo lang ang 
pinapasaya mo

Sige, babaguhin ko na ang aking pananamit
Basta sa akin ka lang kumapit
Sige, hindi na ako sasama basta ang loob mo'y di sa-sama
Sige, di na ako kakain ng ganito basta wag kang aalis sa tabi ko
Pero mahal nasasakal na rin ako
Umaasa na balang araw baguhin mo rin yang sarili mo

"Mahal, hihintayin kita"pero wag mong hintayin na mawala yung pasensya ko sayo
Pero isang araw napag isip isip ko,
okay lang sabi ng utak ko
Pero pagod na pagod na ang puso ko
Bibitaw na lang ako
Hindi ko na kayang maging puppet sa mga tali mo
Hindi ko na kaya
Hindi na