الرفاي يصوني وانا مزال نتقلب فلفراش عجزت نوض نوجد روحي غير داتني عيني وغفيت خلعني لبغل تع خويا زادم يعيط كي الحلوف فالغابة🐸
-يونس:نوض يلبغل ضرك تجيبلي تقاشري ميهمنيش 😒 نتا تلبس خمسة وربعين فرجلك الاجة لي تلبسها تتقطع وزدت جيت تديلي فقشي انا ياك 😠 نوض خف لا كاش ما نقلك معا صبح ربي ...
هفف كول يوم لعياط معاهم 😏 هي صح مام انا كثرت😂
حطيت لمخدة علا راصي باش منسمعش حتي نحس وكريف طاح عليا
تنغميت
-انا: يامان مالك نووض راني تنغميت نوض ها مابك هاذو غير تقاشر ها ماان 😷
-يونس: خف نوض 😡
نضت ورحت نمشي ونتكسل فلكولواغ بقاو خمس دقايق علا السبعة ونص مع لي اليسي بعيد سما الدخلة على التسعة كي لعادة😐
ستقهويت بعقلي ولبست بغرضي ديتلو ليونس صباطو ونفيت😂🏃
هيه معرفتطمش علا روحي👌😕
انا إسمي ياسين ويونس هو خويا التوأم 😏جاي كيشغول ماشي كيما انا مالڨري توام المهم عايش معا جداتي والدينا قالولنا بلي ماتو فحادث ومانيش متأكد من هاذ الشئ ...
نقرا فاليسي فعمري 19 يونس راهو فلافاك 😂قلتلكم ماشي كيف كيف 😐
هو خباش انا راني رايح نشيب فليسي
----
خرجت مدار ورايح لليسي كاش ما نفهم بالاك السنة نجيب الباك 😏
دخلت للكلاصة والغاشي معمرين غير اطفال صغار😏 ولبنات عينهم كامل عليا كي العادة 😘 كيفاش ميطيحوش فواحد سمر وعينيه عسلين ولحية خفيفة لكور تاعو مخدوم ويعرف يلبس وجامي شكر روحو كيما انا 😏
بصح انا مكانش عيني فلبنات والزواج
في راصي كاين غير موصوع الحرڨة وإلخ 😂 جوزت الوقت هاذاك وانا نسي نفهم بلا حتى امل 😒
صونات العشرة رفدت دوزاني وجيت خارج حتا نحس عفسة خبطتني حبطت راصي ونشوف طفلة قصيرة 😅 وعينيها حمورة ملبكا 😐 غزرتني وقالت بصوت رهيف سمحلي وجازت 😵
كملت طريقي وأفكاري كامل مشوشة
علاه مقلت والو ... علاش راني نخمم فيها اصلا بففف ميهمنيش😒 ...
مونطيت لكيتمان وزدت للغنا ونمشي فالطريق والمورال حابطلي 😓 واش صرا ...
لحقت للدار رميت لكرطاب ورحت للخدمة😏 هيه لازم نخدمو باش نصرفو علا واحنا وعلا ماني جدي مات او الدراهم لي يمدوهم لماني ميكفوش سما انا ويوسف كان لازم علينا نخدمو وكيما هو جا قافز قدر يقرا ويخدم اما انا مزال خاصل فاليسي😤
جيت خارج ونسمع فلعياط نشوف فطفلة تتنضرب ررحت عند هاذاك السيد وضربتو بلا ما نخمم واش راح يصرا او اصلا واش دخلني فيهم😑
تشابكت معا هاذاك السيد 😏 وعطالي بدبزة للعين 😠
عيني ولات زرقة وهاذيك الطفلة الدموع يطايحو من عينيها
*****
بنات تكملها ولا مكاله 🐸؟!
