الاكتئاب مرض يصيب الناس و يعتبر من اخطر الامراض و يكون بمراحل يصيب الجسد و الروح
اعراض الي تظهر على الجسد:صداع غثيان فقدان الشهيه و الم بالظهر تظهر الاعراض من دون سبب
اما الروح:حزن كبير و ضعف الشخصيه تقل ثقته بالنفسه و يفكر بالانتحار و تكثر الافكار السلبيه و خاصه فكره الموت
من اسبابه
1.بعده عن الله
2.موقف يصير للشخص خاصه من يكون الموقف هو و صغير
3.الاهل اهم بسبب اما يأذوا بضرب او بكلام تضعف شخصيته مثل(انت فاشل،وجودك كان خطأ،موت منحبك) او بعد الاب و الام عنه يحسسه ان هو شخص مومهم بالنسبه الهم
4.موت شخص يحبه و يثق بي
5.ابتعاده عن الناس و هاي النقطه تسبب رهاب اجتماعي و توتر وخوف من الناس و الاكتئاب
6.و بعض الناس يكون بسبب مرض مزمن عدهم.
الاكتئاب يكون على مراحل الاولى يسهل التحكم بيها هنا يكون تفكيره بالموت او الافكار السلبيه مو كثيره
اما الثانيه هي تكون صعبه هنا الشخص يكون عقله كله افكار سلبيه و يفكر بالموت باسرع طريقه و يصعب التحكم بي جلساته ويه كثيره.
وافضل طريقه للعلاج برأيي ماتكون عن طريق الدواء بس تكون اخراج الشخص للعالم الخارجي مو العالم الي هو راسمه بعقله و مقتنع بي.
تعامل ويه الشخص على ان هو انسان طبيعي مو مريض بدون ان تحسسه هو مريض بس لازم يكون اختيارك لكلامك دقيق لان اي كلمه يبتعد و ترجع للشخص افكاره السلبيه
اغلب الامراض بتعالجون منها عن طريق اراده الشخص و حبه لنفسه حتى لو كان مرض حبك لنفسك هو يكون اول سبب حتى تعيش.
كتبت هذه الكلام لان باحد الايام فكر اني وحدي و فكرت انتحر وبتعدت عن الناس و صار عندي رهاب اجتماعي و حاولت اعذب نفسي بس حبي لنفسي يمنعني اسوي شي صار عندي حلم اعيش علمود احققه.😊
