زِفاف مُرِيع

|إبن تريشا القرعه هيتجوز|

- منزل البويز بلندن

ليام و هاري كانوا قاعدين علي الكنبه و رموا
المخدات علي الارض علشان يحطوا الكوتشينه
و يلعبوا و ليام فاز علي هاري حوالي سبع او عشر
او خمسين مره لغايه دلوقتي

بس لو بصيتوا كويس هتلاقوا شويه ورق في كم تيشيرت ليام واضح ان في حد بيغش هنا

اما نايل فقرر انه جعان فجاب كرسي و قعد قدام التلاجه و من حلاوه الاكل فضل يقولها شعر

ولوي كان بيتفرج علي توم وجيري ولما خلص جاب مكنسه زي الكارتون و ركب عليها و استني انها تطير

هما الساحرات الي بيعرفوا يطيروا احسن منه في ايه؟

- هو مستني بقاله ساعتين ونص -

الجرس بيرن

هاري" حد يفتح الباب يجماعه"

لوي"روح يا نايل انا في منتصف مشروع مهم جدا و مش هقدر اتحرك"

نايل"جميله انتي كبطاطس محمره علي الغدا لطيفه انتي كفراخ مشويه في الظهيره
سوري بس انا مش فاضي ما تروح انت يا ليام"

ليام بيحرك ايده بعصبيه"اشمعني انا ! انا فتحت المره الي فاتت و فتحت من قبلها لبتاع الديلفري"

نايل"ديلفري؟ ديلفري ايه يا ليام"

لوي " ليام حفر قبره "

ليام بصوت خايف من نايل" ككان..ف..في حد طلب اكل يا نايل"

نايل"وانا كنت فين؟ انا مكلتش ليه ؟ نسيتوني دي اخره العشره!؟"

لوي"ما صباح الفل بقي انت قاعد قدام التلاجه من الصبح"

نايل" وده معناه انني جعان يا غبي"

ليام"خلاص يا نايل احنا اسفين و مش هنعمل كده تاني"

لوي:"انت عيل في حضانه ايه اسف دي و مش هنعمل كده تاني"

ليام بيحرك ايده جامد " بصالحوا يا لوي في ايه"

هاري " ولا يا ليام الي في كم التيشرت ده؟"

هاري بيشوف الورق الي في كم التيشرت

ليام "في ايه ؟"

بيتحرك براحه و بيبعد عن هاري و يجري

هاري " تعال هنا يا بيه الي في كمك ده انت بتغش من الصبح و انا زي الكلب بخسر ! "

ليام بيجري علي المطبخ

هاري" والله هجيبك و مش هخلي عليك اصبر عليا بس !"

هاري بيجري وراه

ليام بينط من علي ترابيزه ويوقعها عشان هاري ميوصلهوش
هاري "هجيبك حتي لو عملت ايه هجيب يا ابن الحج باين الاطرش هجيبك!"

ليام" يعم خلاص بقي دي لعبه فين الروح الرياضيه "

هاري "روح ايه بس انت خليت روح انا قاعد بقالي ساعه ونص زي الكلب المبلول بخسر وانت بتغش هجيبك يا ليام حتي لو جريت وراك في شوارع لوس انجلوس كلها "