اول واحد اجه علي كال يابه هاي عليها حشم وانتي بت اجاويد ميصير هلشغله تنضم وشال ميه وخلاهم جواهم بس ضايج . سمعته يكل لاحمد هاي لو مرتي اشكها شك على هاي السالفه بس بينه وبين احمد ما كال كدام احد والي نقلي هلحجي مرة كرار . احمد كام يشووووط . كل ساع اشوفه صاير نااار وحته بعد ميفوت للصاله اجه ياسر هم كله عمي شدعوه شنو القصه . بس عمي حقكم ما شايفين .
كرار هم نفس الحجي هم كال عمي بس السر يم بيت احمد ينظم انوب اذا اريد اضم اسراري اضمها يمكم
وعمتي اطب اتباوع صفح هاي ستوني اجيت هلحجي وره ولادتي بساعتين من هلحجي . عمتي خو زعلت ومتحاجيني وساره هم كالبه خلقتها اما بلنسبه ليسر جانت مجرد تخابر بسسسس علنت وخلاص مالها دخل بحياتي خلص اليوم واني كل ساع اسمع حجي يسم كلبي .
طب احمد تالي الليل . مدلغم كوتله حبيبي شبيك ضايج تره والله مو قصدي ...
قاطعني . اششششششششششش بصوت عالي وكز بسنونه وخنزر عليه اششششششش ولا حجايه متستحين شنو بايكته محد اله حق يفرح بيه حته الفرحه حارمه اهلي منها هاي لو اهلج ضميتي هلشي عنهم ...
احمد والله حته...
جاي اكلج اكلي خرررره واسكتي انتي ساقطه لو ما ساقطه جان ما سويتي هيج من جنتي ما عندج جهال كلها تدعيلج وتركضلج ومن صار عندي اطفال ويفرحون اخوتي يفرحون بأخوهم لاااااا صارو يحسدون ...
احمد ...
اسكتي اسكتي ولتحجين تره كوووه لازم روحي وباجر تعتذرين من امي ...
😬😬 اعتذر ...
ليش ما عاجبج هلحجي ...
اي ...
اللللللللله . ومحممممممممد . وعللللللي وياج ....
ها هيج صار الحجي ...
سد الباب وراح . ااااه يا ربي هسه اني شكو ضميت عاد لو عمتي كايلتلها اااوف والله جان شو شصار بلجهال يربي ساعدني والله من خوفي على الاطفال هيج سويت ...
طلعت لكيت احمد نايم بلاستقبال واني بلصاله جوه ما صاعده لجناحي .لكيته نايم ومخلي ايده على كصته .
حمودي ...
😒😒 روحي ايمان ..
حبيبي ..
لخاطر الله اذا تعرفين الله شنو لخاطر الي خلقج روحي مني لتخليني اكرهج اكثر ...
انت تكرهني هسه ...
لج شحاجيج . وين ايمان النازكه وي ايمان الشفافه وين ايمان الي حبيتها الي مجانت تضم عليه يعني معقوله كدرتي تضمين هلفرحه عني ليش وحد عنج اني انتي تفرحين واني لا مو ثنينه سويه ليش هيج سويتي اني اخوتي يضحكون عليه وكل ساع اسمع حجايه شكل ياما وياما وكفت بصفج وجنت ناوي عمري كله انطي الج وما فكرة بلزواج عليج تالي هيج تجازيني ..
احمد انت متحس بيه ٤ سنوات اني ميته مدمره كل الناس تعيرني وحته امك لعبت بيه جوله وكل يوم يمر عليه رعب خاف تزوجك ومن دريت كولت ما احجي لاي احد وهلسر يضل بس الله يعلم بي خفت من عيون العالم ...
قحط منو ما عنده ... انتي متعجبه عندج ثنين اقل وحده بخوتي عدها ٤ صدك تحجين انتي ...
بس محد عدها احمد ...
😒😒 كومي ايمان الحجي وياج عقيمممممم.....
والله والله وداعه عافيتي لو ادري هيج ردة فعلك جان ما ضميت شوف العاااااالم كوووووووولها بجفه وانت بجفه . انت حبيبي وروحي وكلبي وخفت سعادتي لتروح على ابو ها بعد شتريد مال وحلال وزوج يموت عليها وصبر وياها ٤ سنوات وللله عوضهم بثنين بدل الواحد ...
سامحني احمد اني والجهال انروحلك فدوه. وعمري ما ضميت عليك بس هلشي ...
شوفي ايمان اول وااااااخر مره هلشي اذا تكرر نهايتج على ايدي . ما اقبل اخوتي الهم حق عليه وترحين تعتذرين من امي لان هي مثل امج ...
صار والله من عيوني . لعيونك يرخص كل شي ...
خله ايده على راسي وباس كصتي وشبكني .
كلي اعذريني ام شهاب ...
هههههه عليمن حبيبي . تروحلك فدوه ام شهاب وشهاب واخت شهاب ...
الله يخليكم اليه ويحفظكم ...
ثاني يوم اعتذرت من عمتي وسسسساعه كامله افهمها وابد ما قتنعت امي متدري وضلت تصيح لا اني غريبه عنكم عليمن تكلولي لا عليمن البزر مو بزر ابني من الشارع جايبتهم اني بعد ما الي شغله بيكم ناركم تاكل حطبكم . اخر شي اجاها احمد كلها يمه حر من اعتذر وحر من قبل العذر !!!
عاد هيه متكدر تكسر بحجايه احمد لان روووحها من الدنيا . كالت الله يسامحج اني شريد غير سعادتكم .. كلت بكلبي وكبل من جنتي تردين تزوجي هم تردين سعادتنه بس ما حجيت سكتت ....
.
.
.
مرت ايااام وصار عمرهم ٢٠ يوم فرحانه بيهم صح سهر وتعب بس ميخالف من اذكر ذيج
اليالي الي بيها اتحسر على ريحتهم تهون عليه سهر اليالي .
اجه احمد من الدوام كال لامه يوم اني اريد اطوع على الحشد ..
عمتي دكت على وجها و كالتله والله يا احمد اذا طلعت من البيت اسخط عليك ليوم الدين وين رايح منو الي غيرك . كلها عندج ٤ وجهالي ربيهم . وعمتي كامت ادك وتلطم ولفتلنا الله لا يوفقك شعندي طلعت من دنياي الغبره بس بيكم اكول يشيلون جنازتي تالي تكلي ربي جهالي ويني وين الربا اني وهو منو يعوض اضفرك لا شهاب ولا ١٠ مثله والله لو تترس البيت جهال ميسدون خلتك . ما انام اذا ما اسمعك صعدت يم مريتك . ليش هيج يمه بيمن طالبني ...
سمعت صوت عمتي اجيت ها عمه خير ...
اسمعي يلمسعده رجلج يريد يروح للحشد ..
اني دكيت على صدري يا حشد يا بطيخ وجهالي اشو كبل ما جان عندك حب الوطن هسه لمن صار عندك جهال تريد تروح وين انطي وجهي اني ...
خلصتن ...
لا ما خلصت . وتكلي ليش تضمين الحمل من هاي . اريد اخلص من عيون العالم هاي صارلي ٢٠ يوم واجيتني بهل فلم اذا يدرون شتسوي ...
خلصتن ....
امه تحجي واني احجي وهو يصيح خلصتن ...
اخر شي كال لتعبن نفسجن رايح يعني رايح اخذت خيره وطلعت زينه واني مرتاح ...
ميخالف روح بس طلكني بلاول ...
عليمن تستعجلين يجوز تشوفين جنازتي ...
كاااااااافي احمد لخاطر الله كااافي ما اريد اسمع واذا طلعت منا احرك روحي والله ...
باوعلي كأنو لو احجي منا لباجر الصبح ميفيد هلحجي ....
اجيته بليل كوتله حمودي يروحي ...
سدي الموضوع ...
كمت ابجي واشكت حمودي لتعوفني الله يخليك والله مالي احد غيرك بهلدنيا ليش ناوي على موتي ....
اذا باجر طلعت من البيت وضربتني سياره هم اموت واذا رحت قاتلت هم اموت بس فرق القتال هاي بيها شهاده وثاني شي منو كلج اني راح اموت اني مهندس ورايح على شغلي . شيردون منك شيحتاجون بلهندسه هناك هو قتال وي داعش ذوله مجرمين ميعرفون رحمه ...
كااافي لتحجين باجر يصير خير ...
اني بليلتها ما نمت اصلاااا . ودموعي ما وكفت وكل الي اجه ابالي افكار مخيفه اترمل وارجع وي نسوان اخوي وعندي ثنين جهال واخوي جهاله يلبسون ويلعبون واني جهال مجرودين افكار اشكااااال وابشع من افكار ماكو الي جانت تجيني بذاك اليوم والله كلما اريد اجر نفس من وفاه نور لسه اني الدنيا جاره عكس وياي كلت ضحكتلي الدنيا لمن الله عوضني بشهاب وعليا . تالي راح ياخذ ابوهم مستحيل انسه هليوم الاغبر ....
كعد احمد راح على شغله . شافتني عمتي عيوني طاكات من البجي وهيه هم مبين عليها باجيه عمتي حته دوامها ما راحت من وره احمد خابرت علي وكرار وياسر وكووولهم اجو والولد كووولهم كالو ميروح اني كيفت هم خابرت ابويه ومحمد هم اجو . اجه احمد من الدوام كال يا ستار بعد لو محشمين العشيره وضلو يسولفلون ويا ويقنعو ويحجون وهو متمسك برأيه ويكلهم شغلي مو قتال شغلي تقني انتم متعرفون هلحجي واذا اني ما اروح وغيري ميروح شلون نصير زلم وشوف نسوان تغتصب وبيوت تتهجر . اني طفرت من مكاني كلمن يدافع عن مدينته هم ليش شردو ما دافعو عن بناتهم ليش بس احنه واذا طبو لهنا منو يحمينه . كام باسني كدامهم وكال شحدهم يطبون لعد هاي الدماء المن سالت . اني كمت ارجف عرفت قراره نهائي
. كلها زعلت عليه وطلعو وعلي كله اذا رحت لا انت اخويه ولا اعرفك . وطلع بدون سلام ركض وراه احمد كله عاد شبكني يجوز تجيني طلقه تايها رجعله ركض ضربه وكله اذا رحت وما رجعت ازعل عليك ويوم القيامه اعاتبك علة حركت كلبي بيك . بطل يخيي وجفينه شهر هلسالفه . احمد شبكه كله انشاااء الله ما عليه شي . واخوته البقيه كلها طلعت وشكو وسلمو عليه . وباقر شبع بجي وابد ما نزل ثاني يوم الصبح كال باجر راح تجيني سياره من الصبح عليه نروح فريق مهندسين كامل كله راح يروح كال يوم اريد كليجه . كالتله امه لا تحاجيني ولا احاجيك ولا كليجه ولا اكل كلشي ما اسوي . كلها بكيفج بس خاف اجوع بلطريق وردت اذكر اكلج . سمعت عمتي حجيه وطبت لغرفتها تبجي . وهو يصيح اشو مولفيلي بلموت تردون اموت . عمي احنه طاقم مهندسين متكامله وعلينه حراسه اصلا لا نقاتل ولا هم يحزنون . للضهر كالت عمتي كومي خل نسويله كليجه وسوت عمتي كليجه كومه وحشتها جوز وتمر وسمسم وسوت تمر برمته وخلت عليه راشي وسوت دجاج خطيه رادت تموت من الشغل عبالك رايح مدري وين . تسوي وترجع بك ...
اجه الليل تمدتت اريد انام ودموعي على خدي . اجاني كلي ما مشتاقتلي . هزيت براسي اي . كلي لعد كومي بوسيني ما استاهل هزيت راسي لا . لان ما اكدر احجي دموعي شلالات كلي ليش ما استاهل . كوتله تدري شريد . اريد ارجع عمري ١٧ سنه من قبل وفاه نور والله انتحر واخلص لو اعرف هيج حياتي وياك راح تصير . باسني كلي لتضوجيني انتي ثمره حبي . ضل يبوس بيه ويشبكيني واني ابوس بيه واشبكه حيييييل مال مودع لحبيب ..
كلي احلى شي بيج رموشجج من تبجين طول ويتلازكن وعديني اريدهن مرفوعات ومتنزلهن دمعه . كوتله كااافي لخاطر الله راح اموت ارحمني .. ضحك كلي وعد ارجع والله ارجع وداعتج ارجع .. كوتله وعد الحر دين!! حط ايده على ركبته وكال وعد ولزم شاربه وكال اخذيها من هلشارب .. اني حسيت بأمان من هيج كال ادنيت عليه بست شفايفه وهو صافن عليه لان صار النا ٢٥ يوم من يوم ولادتي لحد الان اني ويا ممنجمعين بفراش واحد . يمكن جانت هلمره غير شكل ما ادري ليش كل ما اكبر ويا احس بجنون اتجاها وما اكدر اعيش لحظه بدونه . خلصت الليله واحمد ادنالي مره وثنين وتلاثه وفرحااان بيه واني من وراه نسيت الدنيا شكو ماكو . صبح من الصبح كوه شال روحه كال هسه بلا اني بيه حيل اشتغل بعد 😉😉
ههههه ...
كومي حظري ملابس اريد افوت اسبح .
فات سبح ولبس هدومه واجتي السياره طلعت عمتي لابسه الجادره خطيه وتبجي واجه علي اخو من الفجر وباقر نزل ويا . تريكو وباسهم وطلع وعمتي ذبت وراه ماي وراح . وره شويه اجه ياسر وكرار ما لحكو عليه خابرو وسلمو عليه بلموبايل رادو يرحوله بس باقر كال مترهم بعد تعطلوهم وامه خابرته تكلي اريد اخطب مره لباقر مو مترجع وتيتم كلبي عليك اريد زواجه انت حاظر ... هو يضحك يكلها يمه والله ما عليه شي انتظريني سبوع واحد اجيج ...
.
.
.
*قال الامام علي : ثلثي المقابر من اعين الناس * يا ترى هل للحسد سبب بفراق العاشقان
يا ترى التصرف الي تصرفه احمد صح بهاي المرحله لو لا .. . اتمنى ان اقره تعليقاتكم بخصوص المستقبل المجهول . اشكر كل من علق وتفاعل وانتظر . محبتكم زينب علي .. تحياتي الكم ... يا ريت الي عدها واحد بلحشد تكولي شنو يعود الها . احبكم اموووواح
