شهر زاد.بلغني ايها الملك السعيد ذو الرأي الرشيد أنه في قديم الزمان بمملكة من الممالك القدام ،حكم الملك مرجان شعبه بكل الامان ،كان له من الخدم من كل شكل ومكان ،كان له من الرجال مثلما تحكي الاساطير ،ولكل ملك عريق وريث له الكثير ،انجب الملك مرجان ثلاث من البنيان،اثنان من الاميرات وفارس من الشجعان *******
جوه الكتاب ف المملكة ،مملكة عظيمة كبيرة كل الناس بتشتغل فيها ،اصوات الطلاب بيجروا عشان يلحقوا المدرسة ،الاسواق زحمة والناس بتبيع وتشترى ،دى العاصمة تتمشى جوه شوية لحد م توصل لقصر عااااالى وأبراج شاهقة ،اسوار بتحاوط القصر وحراس واقفين لحراسة ساكنيه ،بيفتح باب القصر حارس من الحراس وبيدخل جوه القصر وينحني بولاء للأميرة الصغيرة زمرد بنت مرجان
زمرد.صباح الخير يا شيبان
شيبان.صباح الخير يا سمو الأميرة
زمرد.عربيتي جاهزة
شيبان.جاهزة يا سمو الأميرة ،وخيولك نامت بسلام و اكلت واتنضفت وف انتظار سموك للمغادرة
مرجان.على فين يا زمرد
زمرد.على اجابي
مرجان.اجابي لوحدك ،لامتى هتكوني متمردة
زمرد.طول م انا بنت الملك مرجان😏
حب اللؤلؤ.زمرد على فين
زمرد.هقضي اليوم ف اجابي مع صحابي
حب اللؤلؤ.قلت لك صحابك دول مابيعجبونيش
زمرد.بس بيعجبوني
مرجان.مش عاجبينك ليه يا لؤلؤ
زمرد.ناس تافهين كل حياتهم فسح بالخيل وتمشية ،مفيش حد فيهم مهم ،اسأل اى حد فيهم عن اى كتاب مش هيعرف يرد
مرجان.عندك حق يا لؤلؤ ،هما فعلا جاهلين بالثقافة والفنون
زمرد.خلصتوا مناقشة ،لان صحابي مستنيين 😀
انحنت زمرد ادام ابوها وبصت بتريقة لاختها والتفتت ومشيت والوصيفة بتاعتها ماشية وراها
مرجان.😂زمرد عندية
لؤلؤ.بابا زمرد لا تليق انها تكون أميرة ،دى بتتصرف ببربرية
مرجان.انتوا اميرات بحق الولادة يا لؤلؤ ،مش بالتصرفات
زين.صباح الخير سمو الملك
انحنى زين ادام ابوه اللى طبطب على كتفه وهو بيكلمه
مرجان.زين عايز ابعتك ف سفرية
زين.انا كنت جاي لك عشان ابلغك انى هروح ف رحلة صيد مع اصدقائي
مرجان.بس ده امر مهم ،يخص أمور المملكة ،وانت الملك القادم ولازم تتفانى ف خدمة مملكتك
زين.انا مش عايز اكون ملك ،انا عايز اكون بحار
مرجان.ايه😠
زين.دى الحقيقة ******
🐓🐓🐓
شهريار.لم اوقفتي قصتك ،اتريدين ان اقتلك
شهرزاد.ادركت شهر زاد الصباح فسكتت عن الكلام المباح
شهريار.ستقصى مابقى في المساء
شهرزاد.طوع امرك يا مولاي
########
.....
