الحلقة_ الرابعة
#_& رح_ ترجعي &
انزلوا صوتوا قبل😄
_________________
●
●
●
مشت اميرة فتحت الباب وهتفت😲 ( حييي)
امل وامها ناضوا مخلوعين كلين انصدموا حتي هما لقوا اميرة متغمدة شخص طويل وعريض وفوق هدا كله حلو يجنن كان ( سراج)😍 يلي قاللهم انه ميقدرش يجيء الا في اسبوع العرس الانه عنده ضغوطات في عمله وقرايته....
اميرة:" وخي يا ضي عيوني 😢استاحشتك مووووت نقسم با لله"
سراج:'' حتي انا يا مهبولة😁" وبعدوا
بعدها جت فاطمة تهلل و تسلم عليه قعدوا فترة حاضنين بعض...
وسلمت عليه امل وحضناته بقوة و قعدة تبكي من فرحتها..
بعد ما كملوا سلامهم الحار قعمزوا وجاء بوه كيف روح من العمل و سلم عليه بحرارة كانوا الكل فرحانين يهدرزوا و يضحكوا ...
امل:"😊 فرحتني بجيتك مش قلت منقدرش"
سراج:" مفاجئة قدرة ناخد بعد عناء طويل اجازة لمدة شهر😊"
اميرة:"😄 مفاجئة حلوه هلبا"
سامي:" شن جو قرايتك وعملك☺"
سراج:"🙂باهي موفق القراية امس اخر امتحان نهائي في الفصل الاخير يلي قعد"
فاطمة:" باهي الحمد لله با التوفيق'
سراج:" كيف حال خوالي وعمامي كلهم"
فاطمة:" الحمد لله غدوا امشي دير زيارة"
سراج:"🙂 انشاء لله"
ناض سامي وقف..
سامي بتعب:" تصبحوا علي خير يا جماعة تعبااان هلبااا سامحني وليدي غدوة نهدرزوا"
سراج:" مدورش 🤗 عادي و انت من اهل الخير"
مشي سامي وسند سراج راسه علي الكنبة..😥
فاطمة:" نوضي انتي وياها ديري لي خوكم حاجة ياكلها اكيد توا اوليدي ما كلا شيء"
سراج:" لا لا منبي شيء شبعان غير نبيكم تقعمزوا جنبي و نهدرزوا لاني مستاحشكم"
قعمزوا يهدرزوا حس سراج با التعب...
سراج:" ميرو حبيبتي نوضي حطي الشنطة و وتيلي داري"
اميرة😊:" من عيوني"
ناضت اميرة مشت ادير زي ما طلب سراج ...
وناضت امها لي دارها تشوف في راجلها و امل جاها اتصال من خطيبها😍 وسراج ناض يدور في الحوش و يتفرج خش لي الكوجينه شرب امية وطلع خش لي دار الضيوف دار فيها وطلع وصل لي الممر يلي فيه دار امه شافه وركب مع الدروج يتفرج خش لي دار اميرة لقا فيها البوم الصور حب يقعمز ويعيد دكرياته 👼 كان يتفرج علي روحه وهوا صغير مع خواته ويلعب مع اولاد خاله ويصفح صور بعضهم عرفهم وبعضهم حزرهم ....
شاف بنت كانت متكرره في هلبا صور مع خواته كانت حلوة هلبا😍 مصورة مع جدتها و العيلة حب يسأل عليها اميرة اختار صورة حلوة ومشى لي اميرة في دارها ....
سراج:" تعبتك ☺ صح"
اميرة:" تعبك راحة😊'
ولفت كملت ترتيب السرير ...
سراج:" اميرة منوا هده يلي في الصورة😶"
اميرة لفت:" وينها" لف سراج الصورة وكان يبي يعرف....
اميرة 😊:" هده ملاك بنت خالتي امنة "
سراج:" انشاء لله هده ملاك سبحان لله كيف كبرت متقولش عليها هده ملاك الصغيرة"
وقعد يتفرج علي الصورة..😍
اميرة:' فراشك واتي تصبح علي خير"
سراج وهوا يشوف لي الصورة:" وانتي من اهله"
طلعت اميرة وهوا قعد سااااارح في الصورة❤ يلي في الالبوم خداها وصكر الالبوم وطلع يبي يرده لي اميرة سمعها تكلم في شخص با النقال طق الباب وخش اميرة كانت منسجمة في الهدرزة قعدة اتشوفله وتهدرز بعدهل قالت....
اميرة:" شوية و نجيك كوكة خليك علي الخط"
سراج قعد سااارح في ملاك😍 ااه امتي يبي يشوفها...
اميرة:" خير تبي حاجة"
سراج:" بس كنت نبي نردلك الالبوم"
اميرة :" اوكي هااة"
خداته منه الالبوم وهو طلع وقعد واقف ورا الباب بعد ما صكراته اميرة وكملت هدرزتها قرب سراج من الباب وبدا يسمع في اميرت تقول..
اميرة😕:" عدنان هدا ما قعد ردي بالك تقولي باه"
سراج عرف انه في جو خطبة و جواز كمل يسمع...
"" شنوا وخالي فتح الموضوع كيف تبي اديري ""
بعدا شاف امه جت تلخبط وخش بعضه😂 ودار روحه يتفرج علي الحوش...
فاطمة:......
# يتبع🌹
________________
رايكم 🤗 يهمني 😘
أنت تقرأ
& رح ترجعي&
Romanceمن هي هده الجميلة و الحنونه من الداخل والعكس من الخارج؟ فتاة رغم صغر سنها الا انها تحمل من القوة ما لا يحمله احد✋ اصابتها لعنة البروده لم تعد تهتم لأحد غير القريبين منها 👪 اصبحت لا تريد ان تتعلق بأحد لكي لا تخسره وتتالم 😢 اصبحت تتاقلم مع حزنها وتش...
