#تمردي ام عنادك
الجزءالسادس عشر
ل وردالعامري
ذهب :حياتي هناك تبدي ساعه7ص متعلمه اني استيقظ ساعه 6حته اركض لبعض الوقت واتناول فطوري اليوم صحيت بمكان مختلف مع ناس مختلفين عني كليا اول ماتوجهت لفتح الستاره خضار نقي جميل جدا ليس كصباحي هناك يبدء بااشكال المباني وضجه المدينه شفت سميه تشتغل ب شي مبني تخلي بي شي وزوجه سالم اطلع منه استعجلت بلبسي الي كان فستان يضهر ربع القدم بلون ابيض ومزين بورد زهري وستره قصيره زهري مع حذاء بكعب قليل الارتفاع ورفع شعري بطريقه افقيه مرتفع من الوسط ونزول الباقي
صباح الخير
صباح النور وسرور هلا ببنت العم
شكرا سميه شنو هذا الي تسويه
هذا خبز يبعد رويحتي هاج سمي بااسم الله وكلي وهوه حار يله
شكرا ههههه حياتكم حلوه لوما بعض التعقيدات
ابوشبل: صبحج الله بالخير عمي
ذهب: صباح النور عمو كان بجنبه شبل الي كانت نضراتهه ترتفع وتنخفض باانزعاج وهوه يراني
ابوشبل: ماشفناج يبوج شوكت كعدتي وجيتي للبنوات
ذهب: بصراحه مصار وقت طويل وجنت مستغربه من الي يسوه فطلعت بسرعه بتجاهم من باب المطبخ كانت مره موجوده بيه
ابوشبل: تعالي يبوج تعالي تريكي
دخلت واني اشوف نفس النضرات بين مؤيد وحاب وجودي وبين الي ماعاجبه وجودي لكن فتح ذراع ابي وهوه يستقبلني شعرتني بااني ملكه اعترفت حينها ان البنت مهما كان ومهما حصل لم تشعر باانها ملكه اله بحضن ابيها
الجده: اي يمه حميد ماتكعدهه بحضنك وتوكلهه بيدك هم هم يمكن لساهه بزر
كملت فطوري واستئذنت واني اسمع صوت ابي
ابوذهب: كافي دستي ابطني ووبطن لبنيه بما فيه الكفايه اني مامستعد اكضي الوقت ويه بنتي حته ارضي عقليتج ياامي لبنيه هنا لفتره معينه حته مده تخليني اعرف اتهنه ببنتي بيهه اني راجع لبغداد كوم ضاري حضر السياره
كملت طريقي وطلعت للمكان البيه سميه
سميه: تريكتي;/اهممم
سميه: كلتي كيمر ياكمير
ذهب: هههههه ياريت الكل قلبه مثلج
سميه: ذهب تره جدتي مو وياج بس حته ويانه كلنه متوليتنه جدتي بس شبل خلصان ههههههههه
ضاري: تره كلام سميه صح صباح الخير اولا
ذهب: صباح النور
ضاري: شوفي صار يومين انتي هنا احنا شوي خلصنه من جدتي هذي هي من اول ما وعينه عل دنيه مايعجبهه شي واحنا كمنه نسمع ونعبر صدكيني كلنه فرحانين بوجودج بينه ونتمنه ان ماترحون
سميه: ذهب لخاطري لاتروحون معليج بجدتي هذا طبعهه صدكيني
العمه فوزيه :يمه ذهب ذهب تعالي داخل يمه
نعم /حبيبتي باجر انتي واخوي محمد واخوي ابوشبل وجميع الحاضرين معزومين يمي تدللي يمه امري شتحبين اسويلج
الجده: مركه هوه يمه مركه هوه كاعد تسئل دجاجه المصلحه شتحب تاكل خايبه ماتعرف ماتعرف
ابوذهب :ها حامد موكتلك متكدر تسكت يااخي
ذهب: بابا دائما يكول دولمه برياني مسكوف اريد اجرب ال…… اممممم…. دولمه
العمه فوزيه;بعيوني يعيوني يمه موتامرين امر
#تمردي ام عنادك
الجزءالسابع عشر
ل وردالعامري
ذهب :رحت لبيت عمتي وكان بيتهه بي دفو مثل حنيه قلبها وصرت كل يوم معزومه ببيت احد واخر شي عمي واعدني الجمعه ياخذني لبساتين من جهه النهر
نتمشه اني وسميه بالبستان القريب عله بيت عم وشفت ساحه مسيجه بيهه شبل ويمشط لحصان
سميه: هذا سبع حصان دي الله يرحمه
ذهب :اهااا ماعرف ليش من كالت شي خاص بجدي تقدمت ودخلت اشوف هل حصان
شبل: رفعت راسي شفتهه فوك راسي صار اسبوع تعلمنه ع وجودها لاتتقربين اله
ذهب: وليش ممنوع التقرب اله
شبل: لابس مايقببل الغريب
ذهب: يعني مثل صاحبه متعجرف ميقبل اله الي تحت امره بس
شبل: ذهب التزمي حدودج ولاتنسين انه جدج
ابوشبل: هااا بويه وصلتج سميه لااستراحه الخيل تعال ابوذهب شفت حصان ابوك الله يرحمه صار ايأمن لشبل
ذهب: شفت صحن بيه قطع سكر اخذت 4قطع وتقدمت بهدوءقدمت وحده وحده اله وكل مااياخذوحده المس راسه واتقرب اكثر وشبل يصيح راح يزكطج بعدي لحدمصرت قريبه جدا اله واني امسد شعره ووجهه وعفته ورديت ثاني يوم رحت انه وابوي وهم دخلت واطيته قطع السكر وصار الحصان هوه يتقرب الي
شبل: زين تعلم عليج
ذهب :شبيك كلك تراب
شبل: جتنه مهره بنت سبع وريحانه بس جسره ماجاي اكدر اخليهه تلين
ذهب: يعني انت مدرب الخيل
شبل: مومدرب بس هوايتي الخيل بس هل مهره موكادر الهه
ذهب: سميتهه مهره
شبل: لا مالاكيلهه اسم لسه
تركت شبل ورجعت وثاني يوم حضرت نفسي حته اكسر شي من عنفوان جدي وحدوده لبست جينز مريح الحركه وتشيرت طويل وستره وشديت شال بطريقه النصف عمامه يعني جانب مشدود والجانب الاخر مفتوح كل يوم بهل وقت عمي وابوي وشبل يرحون لااستراحه الخيل يشوفون شبل شسوه ويه المهره بس اليوم تفاجأت ان جدتي موجوده مشتاقه لفرس جدي ههههه وكان الحظ يحالفني هذه المره
الجده: ها ي باربي شعندج يمه تفترين بين الخيل خايبه سميه ركدي شويه ركدي لاتضلين خفيفه وتفرفرين
ذهب :تركتهه وتوجهت لخيل جدي الي صار متعلم عليه ويعرفني اطيته قطع السكر وعيون الجميع تراقبني حته شبل الي فاتح سبع ومخليه بساحه وحده حته تشوفه جدتي صرت من الجهه الثانيه واني اشوفهم ملتهين بسوالف غطيت بالجزءالثاني وجهي وركبت الخيل ركض شبل وعمي واني انطلقت حول الساحه احس بالفرح وكأني اكسر جدي بااستخدام شي خاص به واني غريبه عنه ياريتك ياشيخ ضاري موجود لااكسر عنفوانك مثل ماكسرت عنوان سبع راحه داخليه استوطنت بداخلي نزلت وصت ذهول شبل وعمي وجدتي الي جانت تصيح جنيه جنيه موبت
ابوشبل: والله وطلعتي خياله يبوج
ابوذهب: ههههه هناك ايعلموهم بالمدارس وعدهم نوادي ايسون مسابقات الهم للترفيه
ابوشبل: شوكت تعلمتي يبوج
ذهب: بعمر 9 سنين
الجده: خايب يحامد فرحان ابت اخوك الي ركبت عله ضهر الخيل بوياي ياخزي الخزي بين العربان بوياي
ابو شبل: حجيه الساحه معزوله ومحد ايطبلهه غيرنه ماجان ابوي يحطج عله ضهر ريحانه وتصارخين منهه
الجده: جنيه انتي موبت جنيه اعوذ بالله منج اعوذ بالله
