قصة طقاقات وجن
مرة من المرات راحو طقاقات يطقون في عرس وكان طقهم مرة حلو
والكل كان يرقص ومستانس وبعدين وحدة من الطقاقات وهي تغني
وتطق مع اللي معها انتبهت حق وحدة من المعازيم انا ما لها رجول
تخيلوا وحدة ترقص ويم الكل بس ما لها رجول الطقاقة خافت بس
بعدين قالت لا يمكن بس اهي
ويوم خلصت الاغنية قالت حق وحدة من اللي معها تروح تشوف
المعازيم اذا لهم رجول ولا لا راحت وشافت انا ما لهم رجول طلعو اللي في القاعة كلهم جن الطقاقات خافو بس سكتو علشان ما يسوون فيهم شي وكملو العرس على خير ويوم خلصو على طول اطلعوا حتى ما استنوا السواق الي بوصلهم من الخوف وراحو يركضون ويركضون ويو لفو على ورى ما لقوا القاعة بكبرها تخيلوا بس طلعت القاعة واللي قي القاعة كلها جن ومن عقبها ما صاروا يطقون في اي عرس والسواق يوم عرف بالسالفة ما صار يوصل ناس لاي عرس
قصه عبد لله والقط
كنت مع الاهل تقريبا الساعه 9 في الليل وكنا نتناول العشاء وعقب ما خلصنا العشاء قالت لي امي يا عبدالله روح قط كيس الزبالة في درام الزباله اللي بالشارع تكرمون المهم قلت ان شاء الله امي رحت علشان اقط الكيس في درام الزبالة اللي بالشارع وانتم بكرامة ولما وصلت للدرام وقبل لا اقط الكيس داخل الدرام سمعت صوت واحد كأنه يهمس في اذني يقول لو سمحت لا تقط الكيس داخل الدرام لاني ما ابغى اتعب نفسي وادخل الدرام لو سمحت ارجوك حط الكيس بجنب الدرام وروح عنه بعيد انا بصراحه كنت اظن ان هالشي تهيئات لكن عقب اللي شفته لما حطيت الكيس بجنب الدرام عرفت انها حقيقه والعياذ بالله المهم لما حطيت الكيس بجنب الدرام ورحت عنه مسافة بسيطه وقلت في نفسي ليش ما التفت علشان اتأكد من الصوت اللي سمعته هل هو صحيح او تهيئات المهم التفت صوب الدرام ولما التفت صوبه شفت قط لونه اسود مرة ما يبين فيه الا عيونه وكان متجه لصوب الكيس وقعد ياكل منه وياكل وياكل وكنت اراقبه عن مسافة ولما خلص من الاكل راح عنه بعيد لين اختفى وانا من الخوف قاعد اسمي واتعوذ بالله وعقب ما اختفى القط الاسود بثواني سمعت صوت غير الصوت اللي سمعته من قبل المهم كان الصوت هالمرة صوت بنت قالت لي شكرا لك يا شاطر يعطيك العافيه عطيت اخوي اكل لانه توه جاي من السفر وكان تعبان وجوعان مرة وكان معصب علينا لانه ما لقى عندنا اكل...انا سميت بالله وتعوذت من ابليس واختفى الصوت ورحت اركض داخل البيت ولما دخلت البيت رجع الصوت وكانت البنت مع اخوها يقولون لا تخاف احنا ما راح نضرك احنا مسلمين
اتمنى تعجبكم تبغو بعد
