❤
أنا جهاد حكايتي بدات النهار الي قررت نعول على روحي و نولي راجل راح تضحكو عليا خاتر كان عمري عشر سنين بصح علابالي واش راني ندير و ليومنا هذا مانيش نادم .... بابا و يما قررو ينفاصلو في العمر هذاك كرهت روحي و كرهت النهار الي جيت فيه للدنيا النهار الي سمعتهم يتعاركو و كل واحد فيهم يقول مانحكموش دبر راسك فيه ...حتى أنتي يا يما يا نبع الحنان تخليتي عليا ...سمعت كل شيء بوذنيا سمعتهم و هم يتقاسمو فيا واحد يقول الجمعة ماتساعدنيش و هي تقول الأحد نخدم ماتخرجنيش ...خرجت من الدار مشيت مشيت مشيت و الي يسقسيني من وين أنت و لا واش أسمو باباك نكذب نقلهم بابا و يما ميتين حبو يدوني للشرطة بصح هربت و بدلت الولاية ...رقدت في الزبابيل و تغطيت بالكراطن و جعت و بكيت و حد ماسمعني بكيت من جوعي من عطشي بصح موش من بعدي على أمي ولا بابا خاتر ماحبونيش ....واش تقولو في أم عمرها ما دوشت ولدها عمرها ما لبستلو قشو عمرها هدرت معاه ولا سهرت و هو مريض وين هي غريزة الأمومة ماعلاباليش ؟؟ خدمة خدمة خدمة ليل و نهار ... رباتني 30و لا 40مرأة ههههه واش عندي الزهر!! .... أم كانت الكلمة الوحيدة الي نسمعها من فمها "أنت شيطان " .
واش نزيد ...نحكيلكم على بابا ...سامحوني مانعرفوش يدخل و أنا راقد و يخرج و اأنا راقد و اكثر الوقت مسافر و مشغول ...
هذا كامل ماهمنيش المهم عندي ريحة أم و أب ...بصح لا مافضتش عند الحد هذا ماتفاهموش و حبو يطلقو و كل واحد فيهم باغي يتخلص من نتائج الزواج هذا الي كان أنا ....
------_-----------------------------------
هاي نكمل و كان عجبتكم الحلقة لولا جام و كمنتار
^_^
أنت تقرأ
#سرق-منزلي-ثم-سرق-قلبي
Fiksi Remaja.# #فرنديقاتي-فرندقائي ......والعودة من جدييييد لكتابة الكرونيييييك #safa--------* نعمممم انها كرووونيك دزيرية مشوووقة مممتعة هاااايلة يعني اقل مايقاااال عنها تحفة قصصية كرونيكية عشقية درامية اربطوووا احزمتكم و حطو جام وكمنتار مكاش تفاعل والله منح...
