I'm In Love With Someone Who Doesn't Exist

PROLOGUE

Tumatakbo ako patungo sa maraming tao,

Kung saan may aksidenteng naganap.

Hindi malinaw ang mukha ngunit tanya kong isa itong babae.

Sumisigaw ako ngunit walang nakakarinig.

Hinahawakan ko sila isa-isa ngunit walang nakakaramdam.

May isang liwanag na biglang lumitaw.

Nag bigay ito ng rason upang ito'y aking sundan.

Napadpad ako sa isang hospital room kung saan

May pasyenteng naka higa, nag aagaw buhay, at inooperahan.

Sa kabuuan ng kanyang katawan ay isa itong lalaki.

Gaya ng aking nasaksihan kanina,

Hindi rin malinaw ang kanyang mukha.

Hinawakan ko siya sa kamay ngunit parang hangin,

Tumagos lamang ang aking kamay sa kanyang katawan.

Ginalaw ko ang isa sa gamit ng mga doktor,

Ngunit wala ring nangyari.

Pilit akong sumisigaw ngunit

Walang boses ang lumalabas mula rito.

Kumakaway ako ngunit walang lumilingon.

May isang liwanag na muling lumitaw

Hinayaan kong dalhin nito ang aking katawan...

Kung saan ito dapat naroon...

Sumabay ako sa agos ng liwanag

Napadpad ako sa isang  maganda paraiso.

May isang napaka gandang hardin at nag iisang balon sa may di kalayuan.

Nakasoot ako ng isang puting bestida.

Hinahawakan ang mga bulaklak na aking dinaraanan

At dinadama ang sariwang hangin,

Habang pinagmamasdan ang masasayang ibong

Malayang lumilipad sa himpapawid.

Masaya akong lumapit sa balon at naupo sa gilid nito.

Habang pinagmamasdan ang malinaw na tubig;

Biglang may lumitaw na isang scenario at nag flash sa balon

Ipinakita nito ang buong pangyayari ngunit...

Biglang nag laho ang lahat.

Ang magandang hardin,

Ang sariwang hangin,

Ang magagandang bulaklak

Ang mga ibong malayang lumilipad

At maging ang aking puting bestida ay naging kulay itim.

Hindi ko mawari ang pangyayaring ito...

Hindi ko alam ang dapat kong maramdaman.

Nagugulumihanan, nagtatanong at marami pang ibang emosyon ang bumalot sa aking katawan mula ng nawala ang kagandahan ng dating mundo.

Tila ba'y ipinahihiwatig na ang dating makulay at masayang mundo ay ngayo'y nababalot na ng dilim at kalungkutan...

Mundong puno ng kasinungalungan...