[٢٠/٥ ٤،٠٥ م] +249 99 426 7009: الفصل الخامس (ذكريات لاتموت)
بقلم دينا محمود
اخدنا ونستنا وحكى لي عن نفسو انو في السعوديه في الرياض شغال استاذ في مدرسه وضعو كويس متوسط الحال ..
وماعندو مشكله زي ماقالت شروق اكمل قرايه واذا الله سهل لينا وعرسنا بعد اخلص يرسل لي امشي السعوديه ..
ياحلاوه يارغد اخيرا حتنفتح عليك ..
اخدنا ونستنا وشال رقمي واداني رقمو واتفق معاي حيمشي بكره ل خيلاني ..
فعلا اديتو العنوان ومشى..
قابل خيلاني .. وكلمم .. خالي الكبير ماصدق عريس انبسط ..
الصغير دق جرس وقال ليه رغد دي مخطوبه معليش مافي ليك قسمه عندنا ..
مخطوبه كيف انا لمن لاقيتا ماقالت لي كده ..
دق جرس وطردو من البيت عديل كيف تلاقيك من ورانا ودق لي تلفون تنزلي هسي انا تحت الداخليه دايرك ..
فعلا نزلت والجوطه والكواريك كيف تطلعي مع ولد ما بتعرفي وقرب يمد يدو ختيت طوالي يدي في وشي خفتا ..
تاني نزلا وبقى يكورك ..
قلت ليه يا خالو هو الود دايرني ب الحلال وانا ما حاوافق عليه الا اتعرف عليه بعدين لمن طلعتا معاهو ماطلعت براي كانت معانا اختو واتلاقينا في مكان عام ..
قال لي لا عام لا خاص انا قلتا ليه انتي مخطوبه وبس ..
طيب دا منو الخاطبني دا ..
واحد صاحبي قال دايراك وانا وافقتا خلاص ..
انت يا خالو بتوافق ع ياتو اساس ..
يازوله وافقت وخلاص مش انا ولي امرك انا اديت الراجل كلمه والراجل مافيه اي عجيب زول مرطب ووضعو حلو وود ناس ..
انت بتعرفو يعني شديد كده ..
اي داخل معاي شراكه ..
عرفتا طبعا انا ي دوب الحنك .. قلتا ليه ..
طيب ياخال مدام عاجبك كده ما تدي ل وحده من بناتك .. بقى يتمتم وماعرف يرد زاتو ..
لا انتي بس
وماتناقشيني يلا امشي اطلعي ..
ومشى خلاني ..
دق لي طلال وراني ب الحصل ..
بقيت احكي ليه خالي قال ليه كده لي وعشان شنو واضطريت احكي تفاصيل حياتي كلها ..
كان ظريف معاي شديد واتفهم الوضع قال لي خلاص ولا يهمك وانا حاقيف معاك والكلام دا ..
انبسطا ب كلامو وقفلت منو ..
دقيت ل ريم حكيت ليها الحصل كلو وك العاده الدم الحار لمن ههههههه .. بحبها ياخ البت دي انا ..
طوالي جاطت يعرس ليك غصب كيف يابت انتي تميتي ١٨ماقاصر قرارك في يدك مافي شي اسمو غصب وحتى لو قال غصب الماذون كان سالك قولي مغصوبه بفركش الموضوع طوالي اصلو ما تستسلمي وكلام كبار كده ..
قلتا ليها تمام ..
وبقيت ماشغاله ب كلام خالي وطلال حاول معاهم تاني مره برضو رفض خالي الصغير ..
علاقتي مع طلال اتطورت وبقت حلوه شديد اداني احساس جميل احساس البحسو البنات ديلك خهههههه .. انا طبعا اول مره اجربو ما اكذب واقول حب ما وصلتا للمرحله دي بس اهتمامو بي وبحاول يحل معاي مشاكلي وكل شويه يطمن علي .. اي نعم ريم والبنات مابقصرو بس من ولد ادم ليه نكهه اخره هههههه علاقتنا بقت قويه ..
خالي كل مره يتكلم معاي وانا برفض واتقويت ب طلال وكلام ريم ..
عرفني متعلقه ب طلال وبس عايزاهو قال بس مافي حل غير اخرب العلاقه دي ..
مشى سال من بيت ناس طلال وعرفو .. دق الباب ..
سلام وعليكم السلام ..
طلال انبسط شديد قايلو وافق وكده ..
جاهو قال ليه ..
ياود الناس عايز اقول ليك حاجه وحده انت عارف انا ما دايرك ل رغد لي ..
عشان عندك صاحبك دايرو ل رغد ..
لا يا ولدي ما كده انت عارف رغد دي عارف عايشه كيف ..
اي حكت لي ..
طيب حكت ليك انو من هي صغيره بتتعالج عند دكتوره نفسيه ومرات بتجيها حالات وتكورك وحاجات مجانين كده ومرات بجبها صرع نسال الله السلامه وووو ماخلا حاجه ماحلوه وماقالا ..
اقنع ليك طلال زي الماحاصل شي ..
طلال من اليوم داك قطعو معاي بتصل مابرد برسل مابرد ..
اختو شروق بتتهرب مني ..
الموضوع وترني شديد ياربي في شنو .. بس ما اشتغلتا ب الموضوع وخليتم كان هي كان اخوها ..
وريم عارفاني لسه مع طلال يوم جاتني الداخله طولتا مالاقيتا .. بقت تسال فيني اها طلال كيف معاك ووصلتو ل وين وكده ..
حكيت ليها ليه كم يوم متغير واختو برضو والكلام دا وماعارفه في شنو ..
قالت لي اصبري انا بمشي ل شروق بزرزره واعرف الحاصل ..
مشت ليك ل شروق وزرزرته ع قولا لحده ماشروق
قعدت وحكت لي الحصل كلو مع طلال وخالي .. ريم طوالي حكت ليها انو خالا بكذب عشان دايرني ل صاحبو ووووو .. وقالت ليها لازم تمشي تفهم اخوها ..
وجات ريم حكت لي ..
لا حول ولا قوه الا ب الله لي كده يا خال الله يسامحك مابقدر ادعي عليك ..
فعلا شروق كلمت طلال .. طلال بعد فتره قال ليها اي صدقتا لانو سالت منو مابعرف قال لي الراجل دا بكذب وحكا لي الحقيقه كلها ..
خلاص كلميها انا داير ارجع ليها ..
جات كلمتني ..
