مرحبا شلونكم اني اسمي هبة وعمري 20 سنة اني ممرضة ومابقالي شي واتخرج انشالله 😌
راح احجيلكم عن قصتي من البداية
هبة حياتي كومي راح تتآخرين عن دوامج اوك ماما كايمة والله
اوف ربي شراح البس واني اول يوم الية بل مستشفئ 😪 المهم لبست ونزلت اتريك وية عائلتي
صباح الخير 😗
صباح الخير باباتي تعاي حبيبتي تعاي اتريكي جاية باباتي كلبي جاية 😙
اسولفلكم عن عائلتي شوية بابا وماما ماخذين بعض عن حب وبعد سنتين من زواجهم اجيت اني😁 وبعدة فترة نورة اختي صف سادس ابتدائي وبعدها اجة غيوثي وعمرة 5 سنوات المهم هسة بعدين اكمل تآخرت علة دوامي ولازم اطلع باااي ماما بااي بنتي محروسة
طلعت وجنت كلش فرحانة وجنت اول سنة تطبيق وخايفة كلش طلعت وية صديقاتي ورحنة للمستشفئ الي انطبق بيها واو كلش حلوة ومرتبة
اخ عمة شبيك متشوف😡
اسف اسف اعذريني والله مشفتج😟
شبيك مشفتني شكبرني شكدني
اسف والله مانتبهت وهاج هاي كتبج الوكعن شلتهن وحقج علة عيني وراسي
اوك مصار شي بااي
اعرفكم عن نفسي اسمي ماهر ممرض عمري 23 بس تارك سنوات هواية يلة رجعت للدراسة اول يوم دخلت بي للمستشفئ الي اطبق بيها جنت حيل مرتبك بدون ما انتبه ضربت وحدة بل مستشفئ واظاهر هم جانت تطبيق مثلنة ضربتها وانصدمت مااعرف شنو احجي آميرة بمعنئ الكلمة
يووو اصحة ماهر هاي شبيك سيطر علة نفسك😨
المهم اتاسفتلها ورحت وهية هم راح بس بالي ضل يفكر بس بيها وبجمالها😩
امشي هباوي امشي هاي شبيج انفتحتي عل ولد
اي ماشفتي شسوة عبالك ميشوف
يلة حبيبتي هباوي عادي انسي موقف وصار وانتهئ وخلص
اوك سجئ اني راح اروح للحمامات قبل لنطلع اعدل نفسي
اوك حياتي روحي
اعرفكم عن صديقتي سجئ هية توائم روحي ونصفي الثاني وهية هم نفس عمري ونفس المرحلة الدراسة
المهم داعدل نفسي راح نطلع للبيت
طلعنة ورحنة للبيت بااي سجئ حبيبتي
بااي هباوي
واني دامشي بل فرع مال بيتنة وجان اشوف نفس الولد ديمشي كدامي😱
ماهر-- دامشي وكع مني القلم نزلت داجيبة ومااشوف البنية نفسه الي انظربت بيها بل مستشفئ دتمشي نفس فرعنة 😱
هبة-- يربي خلي امشي بسرعة😵
ماهر-- يبنية يبنية اوكفي لحضة ممكن
هبة -- تفضل
ماهر--بعدج زعلانة لانو انضربت بيج بل مستشفئ وخاف سويتلج احراج
هبة--لا عادي مصار شي
ماهر-- اوك تشرفت معرفتج اني ماهر ومديتلها ايدي
هبة -- ارتبكت ماعرفت شسوي من مدلي ايدة وعرفني عن نفسة ماحجيت ولا كلمة ومشيت عل سريع وصلت بابنة وطبيت😶
ماهر--ههههه ارتبكت خطية يالله شلون بينة خجولة
انته هي هي ماهر شبيك فوت فوت للبيت احسلك😨
فتت لبيتنة واني بالي يم حركتها وشلون خجلت
هبة-- يربي مين طلعلي هذا شو دافكر بي 😨
كات😆 شنو توقعاتكم للقصة وعلقولي شوية بليز محتاجة دعمكم لانو اول مرة اكتب😢 بااي وانتضروني بارت ثاني😗
