عشق عسكري

الحلقة ١

# عشق - عسكري

الكاتبه شهد حسين*

حوراء:- غاليه يله كعدي راح تتاخرين على الدوام

غاليه :- هسه فد خمس دقايق واكوم

حوراء:- يله كومي راح يجي الخط مالتج ..

غاليه : كمت رحت سبحت وبدلت كعدت اتريكت اني واهلي انوب كمت غسلت وضليت كاعده منتضره ابو الخط وكل شويه واغفى

نسيت اعرفكم عن نفسي اني اسمي غاليه عمري ٢٠ سنه شكلي ملامحي بارزه عيوني كبار لون عسلي وشعري شويه اشقر طالعه على امي عائلتي تتكون من امي وابوي واختي حوراء تاركه للدراسه بسبب الاوضاع بس اني قنعتها ترجع تكمل دراسه لان خطيه تبقى وحده بالبيت

امي موضفه وابي موضف نفط
الحمد لله حالتنا الماديه زينه

سمعت هورررن - هورررن

طلعت لكيت ابو الخط واكف منتضرني باوعت عليه لكيته ضايج لان اتاخرت
كلت بكلبي هيه خمس دقائق اتاخرت وطبكت الباب وراي حيل باوع عليه وخنزر ...دنكت راسي واضحك

ليان:- صباحووو غاليتي (صديقه غاليه )

غاليه :- ولج يا صبح نعسانه

ليان :- لج تعاي ندخل راح تبدي المحاضرة

غاليه :- اوك امشي يله

دخلنا وبده يشرح الاستاذ ...واني غفيت ما ادري

وما احس الا واحد فووك راسي يحجي

رفعت راسي طلع الاستاذ حسام ...........

الاستاذ حسام :- اطلعي بره غاليه

غاليه:- استاذ والله بعد ما اعيدهه

الاستاذ:-مو اول مره تسويها بالمحاضرات

غاليه :- اسفه

الاستاذ:-، اوك يله اتفضلي

غاليه :- كعدت وكل شويه ليان تكرصني خاف اغفى ويلزمني الاستاذ

غاليه:- ليان امشي نروح للكافتريا اشرب قهوة علمود اصحى

ليان :- يله امشي
غاليه:- رحنا طلبت قهوة و ليان عصير

ليان :- غاليه شبيج فهميني

غاليه:-ما بيه شي بس جاي اتعب هواي لان العصر ادوام بالمعهد والصبح بالكليه

ليان:- غاليتي لازم تقسمين وقتج لان استاذ حسام خاف يقدم عليج شكوى

غاليه:-ياااا عيني وعلى شنو يقدم بالله

ليان :- تنامين بالمحاضرات مالته

غاليه:- اكول الهم محاضراته تنعس الواحد

...............

غاليه رجعت للبيت نمت وكعدت الساعه ب٤ بدلت و شسورت شعري وخليت مكياج خفيف طلعت اخذت تكسي ورحت للمعهد مالتي طبعا بطله القصه مو محجبه