بغداد

الفصل الاول

السلام عليكم سيداتي آنساتي ..

(( ورداتي هاي قصة معاد نشرها ، ثاني قصة اليه ))

اليوم قصتنه حقيقية اخذته عن لسان الولد و البنت ..
مو كل غريب مرتاح ..
هواية غريبين تعبانين و لولا الظروف الاكبر منهم مچان عافوا بلدهم و طلعوا ..

#بقلم-اسراء-الجميلي
الفصل الاول

شلونك خالي ابو علي
هلا هلا بالزلمة العود ..
هههه الله يخليك خالوو ..
اشو ماكو صار كم يوم والك انتو مو تكول اني ابوك !!
شلون صار اربع ايام مسائل عني ؟؟
و الله خالوو انت ادرى بوضعي ..
اي و الله يابه حقك الله يعينك ..
شوكت تروحون للحج انت و خالتي ؟؟؟
كالو علساس بعد كم يوم ربي يسهللكم و تروحون و ترجعون بالسلامة ..
و اجتي مريم تصرخ ..
اهئ اهئ اهئ الحكلي بابا علاوي ضربني ..
واني من يمي : وك ليش علي خطية مريومة حبابه ؟
صارت جبيرة بعد مو مال ضرب !

من اول ما اجينه كعدنه ابيتهم و روحي ترف عليها جان عمرها ٣ سنوات بس ..
ما احب احد يضربها او يضوجها ..
احسها بنتي اختي قطعة مني احسها روحي ..
مرات احسني احبها اكثر من ريم اختي ..

علي : يابه هي شعليها تروح تكعد مرتي ..
يعني مكافي حمودي امتعبها !
اندار عمي على مريم بتساؤل ..
ليش بابا كعدتيها ؟
بابا جانت الساعة 12 الظهر و لسة مكاعدة ماما دزتني عليها ..

عصب عمي و هو يحچي وي علي ..
لك علي اسمع انت و اخوتك الي يتقرب على مريم العب بيه طوبه ..
لكم هم وحدة و هم كل الرزق شفته عليها ..
لكم هي احسن البنات و صارت جبيرة ميصير كافي عاد ..

رجع يحضن بمريم بكل حنان الدنيا المشفته بحياتي ..
ضحكت مريومه ..
ههههه حبيبي باباتي ..
اهوووو كافي عاد شخبصتنه بيها ؟
شوكت نخلص منها ؟

عليييي كافي عاد !
مدا اتشوف الولد يمنه ؟
حاضر يابه ..
( اني بعدين اعرف شصرف وياج مريم خانم )

مريم اخر العنگود ابيت عمي عمرها 12 سنة وردة مال الله ..
كصايبها اتجنن عبالك ذهب و طويلة ..
عيونها صفر مثل لون الشمس صافية و تلمع ..
لونها خمري ..
خشمها عنوني حلكها حلووو و شفايفة شوية چبيرة بس راهمه وي وجها ..
رجعت هي حجت ..
العفو بابا اني ما ادري اكو احد يمك بالحديقة ؟
لا بابا هذا مو غريب هذا منه و بينه ..
( وين الله و يصير الي ابالي)
شنو خالو شكلت ؟
لا خالو هيج احجي وي نفسي ..
بس اني سمعتها العمي شنو حجه بس ما عرفت شنو الي اباله و يريده يصير ..

بابا غير تكول اكو احد يمك حتى نضيفه ..
اروح اجيبلكم عصير ..
ههههه حبيبتي باباتي بنت الاصول انتِ ..

اني مريم صف سادس ابتدائي .. صغيرة بعدني ..
بس عقلي يوزن بلد حسب ما بابا و ماما يكولون ..
عندي خمس اخوة اكبر مني ..
حلوة بس اني ممهتمه اذا حلوة لو لا ..
بحكم تربيتي وي ولد فتصرفاتي كلها مال ولد ..
و لا دايره بال النفسي ..
امي جابتني بعد خمس ولد ..
جانت تتمنى بنية من ثاني ولد حتة تعينها و تساعدها بالبيت ..
بس الله منطاها لحد ما يوم حلمت ..
مريم العذراء انطتها شال ابيض و كالتها هذا الكم انتي و زوجج ..
امي تكول من حملت بيج و لحد الان بس الخير دنشوف على كصتج ..