بغداد

الفصل الثامن

#بغداد
الفصل الثامن
#بقلم_اسراءالجميلي

لكاني بعدني ما والده ..
اني من قهري و حزني على فراگه و سوء معاملتهم ..
دخلت بالعاشر و بعدني مجايبه ..
كرم : يمه ليش ما وديتي مريم للدكتورة ؟
امه : ليش يمه شبيها هي مصارت عدها ولادة !!!
يمه غير توديها تعرفين ليش مصارت عدها ولادة ؟
و اني شمدريني قابل احسبلها كم شهر امكمله غير هي تحجي ؟
اي يمه صح هو صوجها و صوجي بقيت اهنا ..
اهووو كافي عاد شتريد انت احسبلها كم مرة تغسل متعوفني عاد ..
حاضر ماما عايفج اني ..

يلا مريم حضري نفسج دنروح للطبيبه ..
رحنه و يا ريتنه ما رحنه ..
انتظرنه هواية يلا دخلنه على الدكتورة ..
صدمتنه بشى ممتوقعيه ابد و رجعنه للبيت و دمعتي على خدي و كرم بس يصبرني ..
دخلنه سلمت عليهم بالگوة احچي ..

هاي عيني شبيها مرتك متتحچه ؟
كرم جاوبها بحزن : ماما الطفل طلع مشوه لهذا مدا يطلع طبيعي ؟
جاوبته بصوت فرحان و وجه يمثل الحزن ..
اي .. شبيه تشوه منغولي يعني ؟
كرم : لا ماما ما عنده ادينات و لا رجلينات ..
سكتت امه و لا كالت كلمه ..

صعد هو فوك مقهور حيل ..
جان تجي عليه تكلي : حوبتي يجيج معوق شفتي الله شگد حق ..
لان تزوجج غصب عني و اني مراضيه ..

باوعت عليها معرفت اجاوبها بكلمه ركضت للحمام ..
متت بجي و حتى ضربت على راسي ..
اتمنيت لو سامعه كلام هدى و علي و ممتزوجته الـ كرم ..
گمت احچي بقهر و الم شگ قلبي ..

ليش ربي تخليها هيج تحجي و تقهرني اني من عرفت ابني معوق حمدتك و شكرتك ..
ليش هي تاذيني بكلامها ؟
استغفر الله يا رب ..
دمروني اهله و بالذات امه عبالك عدوتهم ..
حجايتها چنه طلقه بقلبي و اني اعرف صواب الطلقات و ألٓمهن ..

قررت الدكتوره عكب باجر عمليتي ..
رحت النفس المستشفى الي سويت بيها عملية رجلي و طلعولي الطلقة ..
فتحت عيوني لگيت كرم بوجهي يباوع عليه ..
سالته بلهفة خلتني احس عمليتي چكة الزنبور ..
وينه اريد اشوفه فدوة ؟
اشو هذا يباوع بوجهي و عيوني اتكطر دمع عليه ..
بس الغريب مچان بيها حزن ..
بيها فرح مو طبيعي ..
اني اعتقدت عيوني مغوشة ..
بضيمي و جرحي أَكّسر عليه ..

حبيبي فدوة اروحلك لا تبجي ..
الله يعوضنه يا رب ..
بس فدوة خليني اشوفه ؟
راح على الكيلكوت مال المستشفى شاله جاب الي ..
شفته طفل كامل و الكمال لله ..
كلشي ما بيه حتى ما لافه ..
اديع و رجلي كلشي ما ناقص منه ..
هذا شنو ؟ منين هذا الطفل ؟ هذا ابنه ؟

اي يا عمري اي يا قلبي طلع امكعور روحه و ممبين بس ظهره و راسه و ما بيه اي عوق ..
صدك تحجي كرم و الله ؟
و الله يا روحي اني ابنه كلشي ما بيه ..
احمدك و اشكرك يا ربي مكطعت بيه ..
بقيت بس ابجي ..

تدرين شنو سميته ؟
اني بس هزيت راسي لا ..
سميته مهند على اسم اخوج و اخوية الله يرحمه ..
گمت ابچي اقوى ..
ربي يبارك بيك اخوته ما سموا ولدهم عليه ..
ربي يحفظك الي عمري مراح اتندم لان اتزوجتك حبيبي ..