بغداد

الفصل التاسع

#بغداد
الفصل التاسع
#بقلم_اسراءالجميلي

باوعلي احمد اشرتله براسي اي ..
وداني راساً للمقبرة يم اهلي ..
لزم كبر مهند و يبجي دموعه ارباع ارباع ..
يحچي وياه ..
لك مهند شفت اختك شتسوي بيه ؟
تسويلي سحر ..
لك ليش اني امقصر وياها مو اموت عليها ؟
شنو تكول امي اطبب منا و اطلع منا ..
ليش تريد تهدم بيتنه بالسحور ؟

عاد اني خليت ايدي على گبر اخوية و اني اشهگ من البچي ..
و اهجس روحي دا تطلع وي كل دمعه ..
و روح اخوية و امي و ابوية الي كسروا ظهري و مرجع عدل بعدهم ..
اني مخالة السحر ..
باوعت عليه و عيوني تذب جمر على خدودي ..
اني لو اريد اسوي سحر اخليه الـ امك و اختك ..
لان همه اماذيني انت لا ..
و حق ربي و كاع الحسين اني ما سويتها و لا يمكن اسويها بيوم ..
مو خوفي منك لو منهم ..
خوفي من ربي المنطيني كومة نعم ..
اولهم انت و ابني ..
سكت مرد عليه بكلمة وحدة تشفي جروحي السواهن بيه ..

بقينه نبجي على قبورهم لحد ما ارتاحينه ..
رجعنه زرنه الامامين الحسين و العباس سلام الله عليهم ..
وگفت كبال الحسين و لزمت ايد كرم ..
و حق ظلم الحسين اني مظلومة و عمري ما ردت اذيتك او اذية ابني او اي احد من خلقه ..
طول حياتي مكرهت غير الي كتلو مهند و امي و ابوية مكرهت غيرهم ابد و شتسوي بيه امك ..
اكول حقها ام و هذا وحيدها و اتذكر شلون امي جانت تبجي من الجناين و اكول حرام انزل دموعها بسببي ..
بس و الله دياذوني بكلشي و سلبوا راحتي و عبالي ارتاح بالعزل مطولت ساعتين و رديتني الاخوتي ..

كرم ساكت و بس يلزم ابيدي نوبه يقوي لزمته و نوبه يرخيها ..
بعدها كلي : يا بنت خالي و ابوية الي حرمني منه الوكت مرتين ..
و بت خالتي الي اعزها بكد امي اوعدج ما اضوجج بيوم ابد و توعديني ما تسوين شى حرام يعم علينه كلنه و ياذينه ..

اوعدك بالله و برسوله و بالامامين كون تعمه عيوني و انشل اذا سويت شى حرام ياذينه لو ياذي اي بشر ..
اسم ربي عليج يا اميرتي ..
و اني الفطيرة راسا ضحكت ...
يلا امشي خلي احجز بفندق انبات بيه الليلة ..
ليش ما نرجع مو اني مشتاقة الهنودي كومة ..
هو بس الليل و الساعة بالتسعه لحد ما نرجع الوقت متاخر ..

صدگ اخذني حجزنه غرفة ..
صعدنه بيه بالطابق الخامس و شباكه كبال الامامين و كببهم المذهبه المنورة و تسطع مثل الشمس مخليه النهار ما يخلص بكربلاء ..
فد منظر اتمنى كل الناس تشوفه ..
وكفت كدام الشباك اجه عليه و دارني عليه و حضني ..

احبج يا روحي ياكلي و ما املك يا اغلى انسان بحياتي .. اغلى من روحي و الله ..
اني اسف لان ضربتج و ربي يكسر ايدي اذا فكرت اسويها ..
اسم الله عليك يا روحي و اني احبك موت يا بعد رويحتي انت ..
اتقرب اكثر عليه و اخذني بين ضلوعه ..
بعدها وخر شوية و ظل يباوع بعيوني ..
باوع على شفافي و نزل عليهم يروي عطشه الي ..
و عطشي اله الي مينتهي ابد مدامنه نشم الهوى ..
بده يدفعني و اني بين اديه وصلني للچرباية ..
محسيت على نفسي الا و اني فوگاها و هو گبالي و ...........