الم بعده فرح

بارت14

قاله سمحلي ولد عمي ماعرفتهاش نتاعك و راح وانا بعدتله يده قتله يالزبل خطيني بعدني كرهتك واش حاب مني قالي ماحاب والو برك حاب نصلح اللي درته قتله شكون طلب منك تصلح اللي درته ياك انا قتلك ماسحقيتش روح خطيني بعدني يالزبل قالي زوزو عرفي شاتحكي راني مكبر بالي معاك قتله خطيني مادورش بيا مانحبش نحكي معاك و مانتزوجكش قالي نتزوجك بغيتي ولا كرهتي قتله نورمال ماشي جديدة عليك انت كلشي تديه بسيف و جيت رايحة حكمني من يدي قالي استني زوزو انا ماشي غير مين عرفتك بنت خالتي بغيت نتزوجك والله قبل مانعرف وانا نحوس عليك سقسيت عليك كل الجامعة و شوفي ليميساج اللي كنت نبعتهم تعرفي اني كنت نحوس عليك من نهار رحتي قتله مايهمنيش و روح خطيني و اصلا خطيبي راح يجي يحكي مع جدي عليا و رحت و خليته و جاتني فكرة نقول لجواد يجي يخطبني من جدي و نمثل عليهم قد مانرجع للعاصمة و جواد نعرفه مايردنيش و يوقف معايا المهم كمل العرس اكرام سلمت علينا و راحت مع راجلها للاوتال وحنا رجعنا للدار رقدنا فقت على ال3 كارهة حياتي كنت حاسة واش راح يصرا سمعت حس كبير غسلت وجهي لبست جبة طويلة كي العادة و نزلت انا نازلة مع الدرج و نسمع في صوت نعرفه و على قد ماتوحشته على قد ما نكرهه نزلت كانت ماما و معاها بابا و جدي و خالتي و راجل خالتي والعايلة كلهم ملمومين ماما شافتني وقفت جات عندي تجري و فاتحة يديها ياعمري على بنتي ولات مراة جات تعنقني و نحبسها قتلها بقي بلاصتك ماتقربليش