ايلول

١

انا ايلول سمتني ماما لان انولد بشهر ايلول عمري حاليا ٣٥ سنة بس قصتي تبدأ بعمر ال٦ سنين من جنت كاعدة بغرفتي الوردية ارسم لوحة الي متكونة من نهر وبيت صغير ونخلة وانا وماما وبابا حتة اعلكها مثل البقية  وجنت انتضر كوب الحليب بلككاو الي تجيبة ماما قبل النوم انا متعودة هيج بس ما اجاني غير لهب ونار تدخل من شباك ماعرف شلون فتحت الباب وكان طريقي من الصالة لباب الحديقة امن كل تفكير انو صريخ ماما وعياط بابا جاي من برة واريد اطلع يمهم جنت كلش خايفة وماشوف شي غير دموع واللون البرتقالي طلعت ركض وقلمي الازرق الي جنت ارسم بي السماء بيدي بس للاسف طلعو يعيطون لان النار تاكل بيهم وكانو يريدون ينقذوني من نااار طلعت والناس ملتمة وورة شوية سمعت صوت الصفارات مال الاطفاء وبلحضتهة تذكرت من جنت العب وي بابا شرطة وي وي وي وي وي وي ظلوا الشرطة يطفون بلحريق وجيرانة حاضنتني وتبجي واجت الاسعاف ودخلو وطلعو يجرون بسديات جثث اهلي المتفحمة ومحد عرف سبب الحريق جان عندي عم واحد ممتزوج واكثر شي مسافر شغل وخالاتي ما اجوي لان كللهم برة عايشين وماجوي للعزاء  لان عدهم مقولة"الدنيا ما توقف علة احد "بس ضلوا حزنانين علة امي وابوي ورة ماخلص العزا حسيت صدك بعد ما اشوف اهلي ماجنت مستوعبة شي حسبالي دنعيش مسلسل او ديمثلون لو لعبوا وياي ورة فترة حوالي شهر جنت عايشة وي عمو هو عصبي واخاف منة وقرر يخليني بدار الايتام وهو يضل وصي علة الملاكي لحد ما اكبر  واصلا هو كيف فلوس وشركات جان بابا عندة شركة نفط اهلية و مستشفيات ثنين ومكتب عقارات وبيوت وأراضي من غير ورث امي اخذني لميتم وضحك علي انو اطفال  ولعب هواي وهدايا اخذني اول اشترالي ملابس والعاب وكلشي ووداني للميتم من دخلت شفت الاطفال يبعبون شوي تغير رئيي حسبالي ابقى شوي مجنت اعرف رح ابقى ١٢ سنة جانو ادارة الميتم والمسؤولين مهتمين بية لان عمي كل شهر ينطيهم مصرف الي جانو يشترولي قليل والباقي الهم مجنت مهتمة صح جنت متونسة واللعب بس ابجي واشتاق الاهلي وصرت اخاف من النار ومن اشوفها اضل ابجي جان اكو عامل تنظيف يدري بية اخاف من النار يجي يمي ويحرق ورقة صغيرة ويشمرهة علي مجانت تحركني بسرعة تطفى بس اخاف وابجي جنت انا الوحيدة الادرس بلميتم طبعا بفلوس عمي او بالأصح بفلوسي بقيت سنين عايشة بلميتم وتعلمت هواي من بنات الميتم اشياء زينة وأشياء لا جنت ادرس هواي وانجح وادخل وزاري بلواسطات من عمي لان انا مو مدرسة صار عمري ١٨ سنة ومجنت ادري عندي ورث وفلوووس هلكد وجنت اكثر شي احلم بي هو يوم الحرق وصرخ امي وهي تصيحلي ايلووووول جانت تصيحلي ايلول بس من تعصب كلة تصيحلي ليلو اجة اليوم الشفت بي عمو كان كبران كلش ومتزوج وعندة اولاد طلعت من الميتم ورحنة مكان اتذكر هذا المكان عدل واتذكر هاي الشوارع  عدل هاي منطقتنا هذا بيتنا بس شنو مبني وصاير اكبر من قبل ب١٠٠٠ مرة جان نص بيتنة حديقة وو ورد لان ماما مهندسة زراعية وتحب الورد والزراعة تذكرت صرخة ماما بس ماجنت ابجي ومن صار الحريق ما بجيت لا بس جانت تجيني حالات رجفة تصير بكل جسمي واطرافي تبرد اضل لعدة دقايق اذكر اول مره صارت وياي هاي الحالة من المسعفين طلعوا جثث اهلي وصلت بيت عمي ودخلت هذا مو بيتنا لا لا غيرة متغير ١٨٠°  استقبلتني مرة عمرهة تقريبا ب٢٠ او ٢٥ سنة جانت كلشش انيقة لابسة فستان تحت الركبة جلد النمر وتعرف اسمي
فريال: هاااي شنووو توة نور البيت شكددد كلي عمر(عمي) عن جمالج بس متوقعت هيج
اجت بوستني وانا مثل الرجل الالي معرف شنو اتصرف
عمي:ايلول بابا هذي زوجتي واسمهة فريال اعتبريهة مثل امجج
~~الله صارلي شكد مكايلة كلمة ماما اشوف عمو يحجي وانا اذكر ملامح ماما الي طلعت انا اشبهةة طبق الاصل عيون ناعسة انف طويل ونحيف شفايف صغيرة وممتلئة عيوني زيتوني وشعري بني 
وصلتني مرت عمي لغرفتي كانت حلوة لا بئس بيهة ديكور ابيض وذهبي دخلت بدلت ملابس ونمت معرف شنو اسوي  وكلعادة احلم نفس الحلم البيت يحترق وامي تصرخ وبابا انطاني جنطة دبلماسة وطلعت وامثل كل مرة اكعد متعرقة وحرارتي صاعدة وعيوني حمر كعدت ودخلت سبحت وطلعت لكيت مرت عمي كاعدة بحضن عمي ما انتبهو علي (استغفر الله بس😥) رجعت صعدت نص الدرج ومن نزلت سويت روحي اكح
ايلول:كح كح كح (عساس كحة)
نزلت لكيت مرت عمي تسوي روحة تدير تلفزيون وعمو بتلفون بس ولله اجيت اطكهة ضحكة بس سكتت
فريال:صح نوم حياتي شهلنومة عساس نصحيج للغدة بس كلي عمج عوفيها
ايلول:لا انا متعودة ما اتغدة بدال الغدة انام
عمو:ليش باباتي هيج تئذين نفسج باع شلون ضعيفة
فريال:يا ضعيفة تخبللل رشيقة خليج هيج احسن
ايلول: ءء عمو عندي طلب
عمو: عيوني الج
فريال: عمو انت تدري انا هلسنة سادس فا اريد ملازم امتحاناتي ورة العيد يعني بعد شهر
عمو: اي ليش لا  انطيج كرتي لحد ما اسويلج كرت مال بنك واشتري لتردي
ملاحضة:: الي ما فهم شلون امتحن انا اسمي موجود بلتربية ومسجلة مدرسة بسس ادرس بلبيت وامتحن بلمدرسة يعني للي ما فهم))
فريال:هسة ساعة اربعة نلحك كومي بدلي نروح للمكتبة ومناك نسوي شوبنك
ايلول:رحت بدلت كلعادي لبسي هو بنطرون اسود وبدي ابيض فوكة مثل الجاكيت بس صيفي اسود وشعري ضفيرة جانبية  نزلت
ايلول:جاهزة وشفت فريال لابسة تنورة سودة فوق ركبة وفوكهة توب احمر وشعر سرح نازل تحت الورك الي يشوف انا امها
فريال:اووووو يرادلج هواي قطع غيار امشي صالونات هسة مفتوحة بلكي نلحك لا انوب تجيني سكتة قلبية من وراج انعل ابو دارج بعدج ١٨ سنة وهيج لبسج امشي امشي كدامي
ايلول:حسستني لابسة علاليك زبالة
رحنة اشترينة ملازم وودتني مول اختارتلي ملابس كلش حلوة وذوقهة يجنن والي كرهني بنفسي شغلتين الشغلة الاولة طلع عمر فريال 39 سنة والشغلة الثانية الولد مجموعات مجموعات يتغزلون بيهة المهم خلصنة شوبنك ورحنة صالون بكل اختصار استلموني هلس نتف تقطيع تفريم تكسير صبغ سمكرة شعري بقة لونة ماقبلت يتغير اضافري تركيب دائمي وحف حواجبي وتنضيف بشرة ومساج طلعت الهم لا حسد باربيي رجعنة للبيت وعمي يريد يلطف الجو
عمو:ما عرفتينة فوفو من الكمر الي وياج
فريال:ولله هاي قطعة وكعت اليوم من الكمر
ايلول:انا بس ابتسم صعدت رتبت خزانتي وبدلت وكعدت ادرس وافكر ليش فريال تحب المسبح الي بلحديقة يومية تبدل المي مع انو محد يسبح بي وتحط العاب بيه وماتخلي خدم يسوولة شي الة هي   ما عدهم اطفال شعجب وشلون اتعرف عليها عمي ويمتة تعرف عليها وليش كاعدين ابيتنا القديم كلت لازم اسئل فريال
نزل لكيت فريال حاطة ماسك لوجهة
فريال:اجيتي بوكتج
حطتلي ماسك لوجهي وركبتي (رقبة) 
وطلعنة بلحديقة الخلفية ال بيها مسبح وكلعادة فريال صافنة علمسبح
ايلول: خالة.(قاطعتني فريال)
فريال بتوسل:حبابة كوليلي ماما
انا صفنت صارلي اكثر من ١٠ سنين مكايلة كلمة ماما
ايلول:مماما فريال وين اولادج
بكد ما شفت ابتسامة فريال من نطقت كلمة ماما بكد ما حزنت من سئلتهة علة اطفالهة  وغبائي كلت اولادج ماكتلهة عندج اطفال او لا بلله طلعت ما عدهة اولاد وذكرتهة
فريال:اخذت نفس وحسرة طويلهة
مدري ليش حسيت عرفت الجواب.......

*****************************************
توقعاتكم؟؟؟؟!؟؟!
متابعة اذا تريدون تعرفون وين اولاد فريال
75 فوت
بكيبوردي:3rooba
باي☺