ايلول

2

فريال: عندي ولد ثنين تؤم   احمد ومحمد من زوجي المتوفي جنت عايشة حياتي صح ارملة والكل  يحجي شلون عايشة وحدي وي اطفال صغار بس اطفالي هم كل حياتي مرة جنت طالعة انا وجهالي حتة اشتريلهم نساتل وهاي الشياء الي صارو اعمارهم سنة وانا راجعة دعمني عمج بسيارتة جهالي مصارلهم شي لان دفعت العربانةبعيد عمج اخذني للمستشفى وضل يداريني لان يحس بتئنيب الضمير ورة اشهر اعترفلي بحبة   وتزوجني واولادي صارو باسمة وتكفل بيهم ولحد هسة هم يصيحولة بابا وعشت انا واطفالي ويا براحة الى ان حملت ببنتي شهد جانت حياتة لعمج بنتة الوحيدة وروحة من الدنيا يوم من الايام جبتهة نلعب واسبحة بلمسبح لان متحب تسبح بلحمام   للاسف بلمح البصر بس رحت جبت المنشفة  الهة لكيتهة واكعة بلمسبح واي نفس ماكو فقدت كلشي حتة تؤمي نسيتهم ضل كلبي واجعني علة بنتي الي المي ترس رئاتهة وخنكهة حاول عمج يطلعني من حالتي الي دامت سنة كدرت اطلع منها  واهتميت بشكلي وشكو شي جديد عندي اولادي اعمارهم 18 سفرتهم برة للدراسة وهسة اعمارهم 23 سنة يكملون دراسة ادارة اعمال
ايلول:انقهرت وانا اسمع حجيهة وحاولت اهدئهة وانا اشوف دموعهة كأنما توهةتوفت بتهة
فريال:انا راح انام اذا ردتي شي كولي لجوري(خدامة)
هزيت راسي ب اي وراحت ضليت صافنة فريال طلعت مطلقة و وعدهة اولاد زين ليش مسئلتهة وين تزوجوا وشلون يلة هي اصلا ماتكدر تحجي رجت نمت وكعدت يوم ثاني اسمع هوسة برة نزلت ولكيت فريال تحجي وي الخدامة واكو مرة جبية شكلهة تشتغل هنا
ايلول:صباح الخير
فريال:صباحو يلة بدلي وتريكي ولو وقت غدة بس ساعديني عمج عندة اجتماع وعازمهم عغدة
ايلول:انشاء الله خا....(قاطعتني)شكلنة
ايلول:ابتسمت وصعدت  بدلت ومشطع نزلت مالي نفس اكل بديت اساعدهم يا چاي يا ماي يا گهوة رجلي راحن بدة وقت الغدة واشتغل التعب
فريال:يلة بسرعة صعدي بدلي وصبغي وجهج شوي وعدلي شعرج ولبسي فستان رسمي حتة تنزلين للغدة
ايلول:يااا عزة شكو كاعدة بنصهم يرحون ونتغدة
فريال:تضلين ثولة حتة انا وياج صاعدة ابدل عمج هيج يريد
ايلول:لعد انا ما انزل شكووو نازلة
فريال:ولج عمج ما يقبل صعدتي ضغطي بعز شبابي صعدي بدلي
ايلول: صاعدة صاعدة
اوووي شعدهة الشابة ماجن عمرها طخ ال خمسين بس ولله الي بشوفها ب20 سنة صعدت لبست فستان اسود تحت ركبة وويا كلادة ذهبي وحذاء ذهبي وشعري فتحتة ولبست سوار ذهبي وحمرة حمرة بس فاتح طبعا كلة باختيار ماما فريال بطلعتي شفت فريال توهة تريد تنزل
فريال:ايي عيني هسة طلعت ايلول مساع جنج سعدون السايق يلة نزلي
**شفت فريال لابسة فستان احمر طويل وشعرها نازل وحمرة حمرة ومكياج اسود بارز وحلو
نزلنة وكفنة ببداية الاستقبال دخل عمو وويا خمس رجال ومرة وحدة وعرفهم علي اضاهر يعرفون فريال
عمو:اقدملكم ايلول بنت اخوي المرحوم صاحبة الشركات  والاملاك  كلهة
**انا حسيت رجلي صارو ريشة وماكدر اوكف وكوة لازمة روحي طختني فريال عود ردي السلام
رديت السلام وصافحوني ومعدنة علسفرة وكوة اكلت خلصو شربو جاي وراحو بلكوة صبرت يا املاك يا شركات شدخلني انا
ايلول: عمو يا شركات شعلي انا باملاكك
عموو:ليش انتي ماتعرفين انا الوصي علة املاكج لحد ما تخلصين عمر 18 سنة
ايلول:يعني هاي الشركات والعقارات اليي
عموو:اي عمووو كلهة الج جنت ناوي اسلمهم الج من تخلصين كلية وتكون كد المسؤلية
ايلول:ماعرف شنو احجي ابتسمت بوجهة وصعدت لغرفتي هاي طبيعتي اذا ما اعرف ارد ابتسم بلوجه وبسس صعدت وشمرت الحذاء ذبحني رحت غسلت وجهي ولبس بجامة ورفعت شعري وكعدت ادرس كل ما اريد اريح راسي ادرس شوي وامسح معلومات مخي بمعلومات المادة درست هواي لحد ما دخت ونمت لثاني يوم بدون ما اتعشة كعدت غسلت ونزلت تريكت وكلت لعمو علة المتحانات وكلي بعداسبوع الوزاري مستعدة
ايلول:اي عمو لحمدالله مسيطرة اكثر من مرة مراجعة المادة
بلحضتهة فريال انطتتي علاكة معرف شنو هي
فريال:سربرايز فتحيهة
ايلول:اخذتهة وفتحتهة جان فون وردي واوووو شكرا ماما كلفتي علة نفسج
فريال: لا كلافة ولا شي كلمة ماما منج تسوة الدنيا حجتهة بابتسامة دافئة رجعت الهة الابتسامة
حطيتة علشحن وكعدت ادرس درست هوااي نزلت لكيتهم يتغدون يعرفون ماحب اتغدة
عموو:يلة ايلول تعالي اكلي شوي
ايلول:لا عمو نباتية ما اكل دجاج او لحوم
عموو: يا عمي شتفيت النباتية تخلصيهة خيار وطماطة هاي دجاج واللحم والسمج شحلاتهن تاكلين بهلكرفس عليمن
ايلول:هههه عادي عمو اصلا ما احب اللحوم حشة نعمة تلعب نفسي منهم بس اريد اذكرك علمود امتحاناتي وشلون اروح
عمو:اي صح بطاقتج الامتحانية اخذيهة بلغرفة علميز واسبوع الجاي ترحين تمتحنين
ايلول:ان شاء الله
رحت اخذت البطاقة ورجعت للغرفة رجعت ادرس جنت احس بفرحة وانا ادرس احس ارفع راس اهلي وهم نايمين مر الاسبوع عادي علمتني فريال علتلفون لان جنت ما اعرفلة بلميتم ما اشوفة بس عد ماما سهام المديرة نزلتلي بي برامج وواتس وهاي الاشياء بس ما التهيت بس مر الاسبوع وبيوم الامتحان لبست تنورة رصاصي وقميص ابيض ورحت داومت الاسئلة كللشي سهلة مرت الامتحانات كلهة نفس شي الاكل فريال تصعدة الي وبس ادرس مرت فترة المتحانات هلكت بالدراسة وغرفتي كلهة اوراق وملازم واقلام وماخليت احد ينضف خلصت امتحانا ورجعت هم وانزاح عن گلبي بس بقة هم النتيجة رجعت تعبانة وما اكلت كبل نمت وعلساس من اكعد ارتب الغرفة نمت وفتحت عليني اشوف شكل شاب كدامي ابيض ولحية سودة وشعر اسود عيون خضرة اباوع وارجع اسكر عيني اجيت اصرخ وحط يادة عل حلكي وسدة
&&&&:منو انتي
ايلول:بس احرك براسي ماكدر احجي
&&&&:راح ارفع ايدي بس ما تصرخين
ايلول:هزيت راسي ايي وخر ايدة وركضت انزل بسرعة وضربت بشخص رفعت راسي وشفتة نفس هذاك الفوك بس عندة ضربة بحاجبة اجيت اصرخ وفقدت الوعي فتحت عيني وفريال مسبحتني بلمي
فريال:شلبيج يا ماما اكو واحد يطفر هيج علدرج
ايلول:لا بس اتخيل شفت ولد بلغرفة ونفس الولد علدرج كلة من السادس
فريال:ههههههه خرعوج الولد يمكن
ايلول:يا ولد
سمع صوت وراي
&&&&&&:احنة
*****************************************
توقعاتكم؟؟؟
متابعة اذا تريدون تعرفون منو &&&&& اغلبكم عرف منوو
💯 فوت اكمل
بكيبوردي:3rooba

احبكم☺