ومرت الايام وبيوم جانت تمطر قوووي كلش طلعت وكفت انتظر السايق خابرني كالي ترى اتاخر كلش لان مطر وازدحامات كتله لاتجي هسه ادبر نفسي واجي .طلعت وشفت دكتور اسامه كالي وين السايق حجيتله كال تعاي اني اوصلج كتله اخاف اسوي زحمه كالي على بختج ادللي صعدت وكعدت .وظلينا واكفين وجان يطلع الغثيث وصعد وشافني وحتى ماسلم عليه عفته وطول الطريق ساكته بس كام يسألني دكتور اسامه واني اجاوبه اخر شي سألني ليش ممزوجه لحد الان وماشاء الله مناقصج شي جمال واخلاق كتله كلشي قسمه ونصيب واني مابالي ازوج هسه عندي طموح اسويها قبل كال خليج طموحه تربحين كتله ان شاء الله وطول الوقت الغثيث ساكت دليته على بيتنا وقبلها خابرت بابا حتى يوكفلي بالباب نزلت وهمه هم نزلوا وشكر بابا من عدهم واباوع على الغثيث اول مره يضحك ويسلم كلت بكلبي متضحك هيج بالمستشفى راد منهم بابا يدخلون يتغدون بس مقبلوا وراحوا ودخلنا اني وبابا تغديت ورحت للغرفه مالتي نمت ومر اليوم .ثاني يوم داومت وشفتهم واكفين يم المصعد سلمت عليهم وكفت انتظر وياهم صعدنا بالمصعد وصلنا وطلعوا واني نفس الحاله واكفه الما تروح الدوخه مني انتبه عليه دكتور اوسامه كال خيرج كتله ماكو شي بس حذائي داسوي اندار عليه الغثيث حسيت بي عرف اني دايخه راحوا وره شويه طلعت ورحت للغرفه مالتي وكعدت افمر لازم اراجع دكتور بلكت الها حل هاي الشغله واخلص لان ضوجتني هاي الحاله .خلص الدوام وطلعت من الغرفه وكاعد اقفل بالباب وسمعت المكبرات اللي بالمستشفى المدير يكول باجر اجتماع من الصبح لجميع الدكاتره والموظفين.رجعت للبيت تلكتني ماما شكلها تعبان كلتلها شكو ماقبلت تحجي عرفتها مرة اخويه ام المشاكل نزلت شافتني كالت شرفتي عفتها واسمعها تحجي ويه ماما ليش متشتغل ست الحسن ماما كالتها عليها التنظيف
